هنا

[ايليتا]

نصيحة اليوم
الي عنده أهل لا يكطع بيهم
والام دنيا والاب وطن
واثنينهم حياة
لاتقصر وياهم ابد مهما مرت عليك الظروف
اذكرهم بشي بسيط ..هذا طولة عمر الك و رزق.. لا تكطع بأخواتك ابد مهما كانت سعيدة ومرتاحة ..واصلها و كون الأخ الصح مو فقط وقت الواجب
ياريت ترجع اخلاق قبل وصلة الرحم الحقيقية النابعة من الحرص والغيرة على الاهل ... لتخلي نفسك توصل الحالة (الله يا أيام زمان كلها محنه جانت)
الأيام بأيدنا نغيرها...بطل تتصل دقيقتين
روح وتعب نفسك وشوف شلون راح تتحسن..كعدة الاهل متتعوض
مهما قست عليك الظروف
هم بلسم الحياة

[المستشار القانوني]

ربي اهدنا طريق الصلاح..
رب لاتزغ قلوبنا بعد إذ هديتنا..

نسأله الهدايه.. وقبول الطاعات.. والابتعاد عن الذنوب.. َانه سميع مجيب..


بارك الله بك.. أم كاظم...

[ملكةه]

.. لما تفكر تُدخل بعلاقة.. سواء صداقة أو حُب اختار شخص فاهم أختار شخص ناضج فكريًّ شخص فاهم أنوا الأختلافات والمشاكل ألي تصير بيناتكم شيء طَبيعي مو معناها هايَ النهاية أختار شخص مسؤول أختار شخص ميطلعك أنتَ الغلطان وأنتَ السبب أذا صارت أيَّ مشكلة أختار شخص ميطلع سرك شخص يفهم أنوا أنتَ ألي دتمُر بي هو مُجرد فترة، فترة وتعدي وتصير سوالف ووراها كُلشي يرجع طَبيعي دائماً خليك بعيد ابتعد قدر الإمكان
عن الشخص ألي يكون قليل النُضج قليل المسؤولية فقط عَلمود صحتك النفسية.

[ملكةه]

شوفو اكثر الناس طموحين بس بهوس يعني بمكان ما انت تكول طموح وتريد تحقق عشر اشياء بوقت واحد وكلهن متكدر لان هوس سويت لنفسك تكدر تبدي بشي واحد وبسيط وشوية شوية ترتقي للافضل .

يستقيم العقل عندما نقلل الرغبات يعني حتى عقلك يصير يشتغل صح وبدون ضغط وهوس عليه .

تعلم من اخطائك بس كلنا نمر بحالات يجي صديق يشكي يمك ومرات تصدف غريب يشكي وتسمعه انت مفروض مو بس تستمع مفروض تتعلم من اخطائهم ولا توكع بيها .

التعلم من أخطائك أمر حكيم لكن التعلم من أخطاء الآخرين أسرع وأسهل .

كلنا منتبهين لهاي لحالة بهذا وقتنه انو اذا لولد او بنت منعزلين وما يتبعون القطيع ولا يسون نفس لكل سوالف زايده وتعبانه راح تشوف الي ع ساس اجتماعين ويتصنعون يم رايح وجاي راح يكولون ع لخوش ناس معقد لو هاي معقده .

معقد مطمئن ، افضل من اجتماعي قلق .

لا تكون مهووس بالعائلة المثالية ،اتقبل اهلك واذا ما اتقبلتهم فتذكر ان عدم تقبلك الهم مراح يغيرهم .

عدم تقبلك الهم الخسران لوحيد انت لا اكثر .

[ملكةه]

ليش ما نتوب لله سبحانه وتعالىٰ،!
ليش ما نعمل بجد وسعي وأجتهاد من أجل رضا اللّٰه والوالدين!
ليش ما نصلي صلاتنا بوقتها!
ليش نكَون علاقات مع الجنس الآخر!
ليش نسمع الأغاني!
ليش ناخذ غيبة!
ليش نتنمر على المقابل!
ليش ما نعطف على الصغير وما نحترم الكبير!
ليش نكسر بخواطر الناس بدل ما نجبر خواطرهم!
ليش ما نبتعد عن المعاصي والذنوب!
ليش ما نأمر بالمعروف وننهي عن المنكر!
الى متىٰ نبقى غافلين!
شـُوڪّت نحافظ على أنفسنا من الحرام،
ونتقرب لربنا ونتعرف على أمام زمانا،
ونترك كل المعاصي والذنوب!
احنا عايشين بزمن صاحب الزمان الإمام المهدي عجل اللّٰه تعالى فرجه الشريف!
أحنا ويانا أمام زمان معصوم!

بس أحنا بسبب غفلتنا ما جاي نشوفه ولا نلتقي بي،
أنتوا جاي تنتبهون لهل الشغله!
انو ويانا يوسف الزهراء عليه السلام،
بس بسبب غفلتناا ومعاصينا وذنوبنا وترك الواجبات هو بعيد عنه يرانا ولا نراه،
الى متىٰ نبقى بعيدين عنه!
ما تشتاقون إله!
هو يشتاق الناا هوواي ويحب شيعته ويرانه،
وينظر النا بحب ولطف وعطف ورحمه،
لكن أحنا كل يوم نضربه بـ مئه سهر وكاسرين گلبه سوده عليه
احبتي إلى متى!
خلونااا نتوقف عن أذيه نفسنا وأذيه،
أحنا هسا حراره الشمس ما نتحمله،
يا ترى نگدر نتحمل نار جهنم!


سامحنا يارب وعذرنا ع كل غلطه

انا الي جاي احجي وياكم مو عبالكم متدينه وماعندي ذنوب وسيئات...
بس جاي أحاول اصلح نفسي ولو شويه

اذكروني بدعواتكم لعل احدكم الى الله اقرب

اللّٰه يستاهل نترك الذنب لأجله،
أحترقوا بحب اللّٰه وعشقه،
أبو صالح يستاهل نعرفه ونبحث عنه،
هذا أبونا وأمام زمانا ومنقذنا ومنقذ البشرية،
صاحب الزمان هو الحب والأمان والجمال والحنان،
صاحب الزمان هو الذي يملأ الارض قسطاً وعدلاً كَما ملئت ظلماً وجوراً

[ملكةه]

راح نبقى نحاول لحد ما نوصل للدرب اليشبه طموحنا.

لا يعجبني من يلغي و يقلل من اصدقائه بمجرد ظهور شخص يحبه حتى لو من فعل ذلك حبيبي انا شخصيًا.

الرجل الحقيقي يبين مع الزمن، تحس بي المرأة مع مرور الوقت حتى لو تركوا بعض راح تعرف قدر هل رجل لما تقابل المجتمع بشكل اكبر وتخالط الناس وتعرفهم، الرجل الحقيقي ما يبين باول يومين انما قيمته تبين " و تزيد " كلما مر الزمن.

[ملكةه]

ادري أكثر البنات وخاصة المراهقات هسة ملتجئات لـسالفة الحب وخاصة اللي أعمارهم من 18 وجوة انتو بعدكم بأحلى مراحل عمركم ليش افكر انو اني كبرت لازم ارتبط تعرفون شنو يعني الحب والارتباط اكيد لا عبالكم بس بدلة بيضة وزفة أبدًا لا هي حياة كلش صعبة ومسؤولية كلش جبيرة لنستهين بيها أبدًا وقبل لنخطي اي خطوة نفكر الف مرة بيها لانو نهاية كل هاي الأشياء محد راح يتدمر غيركم انتو

تتعلق وتحب انسان ميستاهلها تخسر هواي أشياء بهيج حالة ثقة أهلها يمكن صديقاتها لانو حذرنها ومسمعت الكلام وراحت ورة عاطفتها وبالاخير تخسر حتى نفسها كلش راح تدمر نفسيتها وحياتها لان راح يكسرها ويعوفها ترة من حچة وياج ورسملچ عالم وردي ترة رسم لغيرج وغيرج عالم وردي وعيشهم بغير كوكب وتالي شنو!!! تالي كسرهم فليش ادخل بهذا الطريق اللي أظر بي نفسي واهلي وفوك كل هذا والاعظم منة اعصي رب العالمين

انتو بعدكم زغار بهيج عمر لازم اونس نفسي اعيش حياتي اعيش كل مرحلة بمرحلتها سواء الطفولة أو المراهقة ما راح ترجع الايام إذا مرت ليش بعدين اسوي شي خطأ بحياتي واتندم عليه لتتقشمرون بكلمة الحب من أي شخص بعدج زغيره فرفشي وعيشي يومچ وي أهلج وي اخواتج

الحب لاحگة عليه تكبرين وتلگين ابن الحلال اللي راح يصونچ ويخليچ بنص عيونه بس انتي ابدي حياتج صحيح وبرضا من الله واكيد راح يرزقج بالإنسان اللي تتمني وتحلمين بي، ديري بالج كلش هواي ع گلبج

[حياتي البصرة]

من تعاشر بشر لتحكم علي باول يومين جربة شوفة اسمعة منة و اسمع عنة
ابد لتحكم ع المظهر المظاهر اكبر خدااااعة

[آيمـيلُِـي ♪]

لكل بنيه متزوجه او غير متزوجه

نصيحه ابداً لا تنسين نفسج وبحجة الميانه
تشتهين أي اكله تشوفيها اكلي على قدر الضيافه

حتى اذا جنتي ببيت زوجج ورحتي لأهلج خليج ثگيله وابداً لا تتشرطين بالأكل وتصيرين ضيف ثقيل
لا تكولين اني بتهم انتي بعد طلعتي منهم وكل شي تغير وراج
بعدين وراج ينگال شي محلو
ونفس الشي ببيت زوجج گدام اطفالج

بلأخير هو ترى ع گولة اهلنا(حشو مصران) اكلي الي يتقدملج وانتي مبتسمه وراضيه

[آيمـيلُِـي ♪]

وشي ثاني انتن المتزوجات من تروحن لأهلجن خطار لا تدخلن بمشاكل البيت

التنضيف لأهل البيت وهم يعرفون شيسوون تحبين تقدمين نصيحه
قدميها بأسلوب راقي بحيث لا تجرحين المقابل
كل انسان وطاقته وطريقته بالحياة