حافظ ع احبابك ، اذا راحو ما يرجعون حتى لو رجعو.
حافظ ع احبابك ، اذا راحو ما يرجعون حتى لو رجعو.
أعظم التحولات تأتي من أصغر التغيرات ؛ تغير بسيط في سلوكك يمكن ان يغير عالمك ويعيد تشكيل مستقبلك
اغلب الناس الي نتعرف عليهن همة كارهين الحياه .
اما بسبب شخص أو بسبب فد موقف تعرضولة خلاهم يكرهون الحياه بكبرهة وميحاولون ينظرون للزوايه الايجايبه من الحياه. انت/انتِ
حاول تسأل نفسك سؤال وتجاوب علي بكل صدق
شنو هالشي العظيم الي خلاك تكره الحياه.
هل ياترى هوة سبب يستحق يخليك تكره الحياه
لو انت مضخم الموضوع ومنطي زياده عن حجمه.
فالشي الي اريد اوصله ياعزيزي ياعزيزتي حاول تعيش بسعادة حب الحياه عيشهة بكل تفاصيلها.. بكل لحظه بكل ثانيه حاول تبتسم وتضحك ومهما واجهتك الصعاب ومهما تعرضت لخيبات ومهما وكعت حاول تكوم لتكول مااكدر وهذا هو خلصت تعبت .لايعيوني انت غلطان انت تكدر .تدري ليش؟!
اني أكولك ليش لأن الله سبحانه وتعالى خلقك اقوى اشجع من تحطمك هالسوالف
#خليك قوي مهما واجهت من الظروف
سنوات شبابك معدودة عيشهة صح واستمتع بيهة لاحق على الهم
اخذ الاكبر منك ع كد عقلة...
بمعنى انو حسسه انو هو اليفتهم اكثر وهو الجبير صح وبنفس الوقت فهمه وجهة نظرك مع تبيين انو وجهة نظرة محترمة ، بهل شكل النتائج حتكون ايجابية بالحوار.
-اليحبك هـَم يختفي ؟ ويگلك اعتذر صارت ظروف خارجة عن سيطرتي ؟
اكو مثل يكول الغايب عذرة وياه
وبنفس الوقت اليحب (حقيقي) ميكدر يختفي فترة طويله ع الي يحبه
لان الاشتياق حرفيا حيموته بس تبقة كلشي وظروفة
فهنا راح يكون تضارب بالمشاعر بين العذر وبين العشم انو كلبي متوقعك تبعد هل فترة
اني لو منك اعذرة هل مرة بس ما اعذرة مره ثانية الا بسبب مقنع حرفيا.
الصداقة مثل الحب ، تفرعاتها هواي ومتكدر تنحصر بوصف معينحسب الشخص ، حسب طبيعة العلاقة ، حسب الشخص المقابل
كأن تكون اخويه (تعويضية عن اخ او اخت)
كأن تكون تكضية وقت (صديق لفترة معينة صديق دراسة او او عمل او صديق تمرين الخ..)
كأن يكون صديق فضفضة (هذا تجي يفضفضلك وتسمعة وتكون الصندوك السري)
اما الصديق الحقيقي هو تقريبا كل ما ذكر مع بقية الانواع) +الصديق الي ممكن يبقه وياك اكبر فترة ممكنه بحزنك قبل فرحك.
انك تحب وتقدم كلشي ممكنانك تضحي بهواي اشياء وتوكف ضد هواي اشخاص وبالمقابل متلكة من الي تحبة ولو تضحية فعلية وحدة
هل شي هو الي راح يضعفك
ظروفك مراح توكف بوجهك لو جان الي بظهرك ساندك بس من ظروفك تدفعك وتلكة الي المفروض يكون وياك حاط ايدة بجيبه ومو راضي يضحي حتى بأيدة شويه ويسند
فمستحيل راح تقاوم
بالنهاية الايد الوحدة متصفك
(الله لايحرمني منك)!!ذبذبة بها طاقه حرمان خفية .. مع شدة وجوده واحتياج .. حتى لو قيلت هكذا بلا فهم .. فالكلمات تجتمع باللاواعي وتشكل الجملة بفهمها الكامل
كول (الله يخليك لي .. الله يحفظك لي .. الله يديمك معي) .. وهذا افضل
ترسل طاقة ايجابيه .. تتركب بديمومة البقاء
لتتعلك بكشاية وانت تعرف كلش زين انو هي كشاية ، بطل هل اسلوب الي موديك لجهنم
حدث نفسك
تلفون مو احسن منك ، شوف الاشياء الي محتاجة تحديث بيك وحدثها
صلحها وعالجها
حتى يبقى راسك خفيف
ما يثكل ويصفن ويصير خلل بأنو متعرف تصرف صح.
رد مع اقتباس