لا تحكم على انسان
قبل ان تسمع منه
لا ان تسمع عليه
لا تحكم على انسان
قبل ان تسمع منه
لا ان تسمع عليه
رسالتي هاي الچ ..اي الچ انتِ اللي دتقريناروحلچ فدوة ..
لتخلين اي شي يأثر عليچ اي كلام ومن اي مصدر انت انخلقتي قوية وهذا سبب كافي يخليچ تستمرين بقوتچ تمسكي باحلامچ وليغرچ النوم والكسل وعيشي لان تستاهلين تعيشين واعملي لسعادتچ لان تستاهلين تنسعدين وشيلي كلام الناس من بالچ لان ليقدم وليأخر ويهبط ميحفز وثقي بنفسچ ولتنطين بنفسچ لو تكونين بأقسى ظروف وصيري عزيزة نفس ثگيلة رزنة معدلة اسمها سابقها محد يتجرأ يجيب اسمها بشي موزين ينحسبلها حساب وهيبة بين اخواتها وفخر لعائلتها وستر لزوجها وجنّة لابوها وامها
خلي درعچ القرآن واهل البيت وديري بالچ ع صاحب الزمان ابو قلب الحنون .. لاتغرج اغنية ولا لبس ضيگ انتِ حسينية والحسينيون متغرهم لذات زائلة .. خلي بيمينچ عبايتچ وبيسارچ سبحتچ وخرجي للعالم
صيري وردة واسگي روحچ بمناجاة بالليل حتى توردين وتفتحين الصبح .. حققي احلامچ وحلقي بطموحاتچ وتفائلي وضحكي واستبشري ويجي يوم وتجمعنا الجنة
ولتنسين اكو شخص بهالعالم يحبچ هواية ويتمنالچ الخير ويريدچ دائما قويه صيري قدوة يقتدون بيها .. صيري مصدر للايجابية وللسلام وللسعادة وللحب واندعيلي
قبل أن تنام أخبِر الله عن قضايا قلبك، عن ما عجزت روحك عن البوح به، عن ملامح الأحبه، عن تفاصيل الطريق المتعبة، عن الذي كسرك اليوم، وعن الذنب الذي وعدت ألا تفعله وكررته، اغتنم الفرص، اعترف بالضعف والقوة، الحب والكره، وكل ما بات مهملاً بين الأزقة لا مُنقذ له سوى الكلام مع الله
.
انتي قوية لا تنتظرين من احد يثق بيچ ويدعمچ، يؤمن بحلمچ، يشعر بشغفچ اتجاه شي ما، ينهض بيچ لمن تسقطين أو يدفعچ للأمام
لا تنتظرين هاي الأشياء حتى من أقربهم الچ
هذا حلمچ، شغفچ، معركتچ انتي فأبدعي بيها
باوعي لـداخلچ راح تلگين كل ما تحتاجين اله بـمسيرة تحقيق احلامچ شي مهم بحياتج القوة، الثقة، الحب، الصبر
اصنعي من اللاشي شييء جميل صيري مبدعة بكل المجالات
كنصيحة يجب عليك أن تثق بها، إياك ثم إياك وأن تخاف شيئاً قبل حدوثة، لا تتخيل، اصرف فكرك وخوفك عن الغيبيات فهي في علم اللّه وحده، إن البلاء إذا نزل على العبد ينزل معه اللطف فحين تتصور البلاء فقد أخذت البلاء دون لطف وقد اهلكت روحك.
لمن تبچي عينك على مُصاب الحُسين اندعي گول يارب عيني ماتشوف شي مايرضا الحُسين يارب عيني ماتأذي الحُسين بذنوبها جوارحك لمن تحزن بالعزاء اندعي گول يارب بحق صاحب هالعزاء ساعدني اطلع من عاشوراء بگلب تائب الك وللحُسين
هاي فرصة والفرصة لازم نستغلها زين
النفس لازم نربيها عدل
لازم نتغلب عليها
وحُب الحسين وخدمته هو سلاحنا
اترك كلشي
وچلب بحُب الحُسين
إحنا غير حسين ماعدنا وسيلة ماعدنا وذنوبنا هواي چفتها ثچيلة
#_سالفه_اليوم
بهالايام .. بهالليالي
توجه للي ماعندك غير وسيلة توجه للحُسين
گله سيدي هالروح تعبانة هالگلب اذته ذنوبه
اخذ بيدي اصلح حالي ساعدني على نفسي
لاتضيعون فرصة العاشر
استغلوها زين
يمكن السنة عدلين
السنة التجي الله يعلم احنا وين
خلينا نصحى على نفسنا ابو صالح ينتظرنا
انا اتغير وانتَ تتغير ونساعد غيرنا يتغيرون لاجل الحُجة
اكو فرق كبير بين اللي يحسّسك إن إهتمامه جاي من قلبه وفعلاً مهتم بيك، وبين اللي يحسّسك إنه إهتمامه مجرّد أداء واجب و بس.
طبيعه الانسان الحيوانولوجيه انه مجرد ما يعرف انك تهتم به و تغار عليه وتميزه عن الباقيين يبدا يستخدم وياك حركات الحيونة.
أكثر مقولة آمنت بيها ؛ ستظل تسامح من تحب حتى تكرهه .
ﻣﻮ علمود ﺍﻟﺸﺨﺺ اذا ﻳﺤﺒﻚ تحجي وياه ﺑﻤﺰﺍﺟﻚ ﻭﺗﺮﺩ ﻣﺘﺄﺧﺮ ﻭﺗﻀﺎﻳﻘﻪ ﻭﺗﺘﻌﻤﺪ ﺗﻨﺮﻓﺰﻩ ﻻﻧﻚ ﻭﺍﺛﻖ ﺑﻤﻜﺎﻧﺘﻚ ﺑﻘﻠﺒﻪ ﺍﻟﺸﻲء اذا ﺯﺍﺩ ﻋﻦ ﺣﺪﻩ ﻳﻨﻌﺎﻑ والله
لمّا تحس إن الشخص اللي تحبّه ما يهتم بيك إلا لمّا تطلبه حاول تبتعد، لأن الإهتمام اللي بدون عفوية ماله طعم .
:انتبه تخسر نفسك علمود شخص وهو كل يوم يوجعك بـ اسلوبه وتصرفاته لو يحبك ما يرضى قلبك يضيق والله
يمكن اكُون اناني على اشيائي بس مِستحيل اجبرّ احد عليه،عادي جداً ينكسر قلبّي بس ماينكِسر كرامتي،انتهى
قاعدة أؤمن فيها:"اللي يريدك يكسر كل الحواجز اللي ممكن تمنعه والي مايريدك راح يلكى ألف حجه وعذر حتى يتركك" ونقطة .
رد مع اقتباس