اذا تريد تعيش سعيد بهل حياه لازم ترضى
بكلشي مقسوم الك و تحمد ربك ع النعمه
يجوز غيرك ممحصلها وحاول تحقق هدفك
وترسم خطه لمستقبلك مو ورا ميضيع
كلشي من ايدك تكول لو مسوي هيج وهيج
اي فرصه تجيك ممكن سوي منك شي عظيم
وساعدك ع تحقيق هدفك استفاد منها و لتكول
بعدين ليش اتعب ويجوز تجي فرصه احسن
لان احتمال متجي مثلها وتتندم
تدرون منو الي تسموه سند !!
ألي حيوكف وياكم وأنتو تعبانين وأنتو فاشلين
وأنتو ضايعين وتايهين وأنتو مكتئبين وانتو
غلطانين ، من رح يكون وياكم وانتو زفت
بكلامكم من حيساعدكم ، ويضل يحبكم لحتئ
الموت. ومن تصير عندك مشكله جبيرا وتحس
بخنكه واهلك مو وياك جماعتك مو وياك وهوه
يبقه 24 ساعة يمك ويسندك و يحبك ميتركك
ميطلع اعذار ويتاخر عليك ميحجي وياك وكت
فراغه ميتركك ويروح ميرفضك من تتصل
وقتها بس هذا الي تسموه سند لباقي تمثيل
اککول الكم شي !
اليريد يععوفك عوفه ، اليريد يخرب وياك
ساععده ، ترى الدنيا متوكف ع أحد أن كان
صديق او حبيب او شخص عزيز ( الميريدك لا
تريده ) ، ترا الدنيا مخلصانه ولا حياتك راح
تنتهي ، ولا انت راح تموت كول له الله وياك ،
التكبرون راس الناس لأن مو كل شخص
يستاهل اكو حب اکو صداقة بس لتنسون
الكرامة أولهن ، وداععتكم الدنيا متوكف ع
شخص مهما تكون معزته لأن لو يعزك مرح
يععوفك ، كمل حياتك ، سالفة الحزن شیلها
من بالك ، خلي الفرحة ابالك
تره ماخلصوا الناس حتى تهين نفسك! لشخص تحبه وتعاتبه على غيابه
اللي ميريدك ؟ لاتريده
كل شيء سوي بحدود الكرامة اذا ماعزيت نفسك محد راح يعزك
لازم نتقبل فكرة " انه شخص "ما عنده طاقة"مو معناه انه تغير أو إنه سيئ..
لما تلگه شخص كان لطيف و صبور و متحمل و فجأة تغير صار عصبي و خلقه ضيق !
أو ينسحب بسرعه من النقاشات أو حتى من العلاقة اللي تربطك بي..
لا تگوله إنتَ تغيرت ..
لا تستفزه أكثر لأن هو غالباً ما وصل لهاي المرحلة إلا بعد ما يكون استنفذ كل طاقته في الجدال والمسايرة و الصبر و خلص تعب..
ببساطة بطاريته فرغت !
و من فترة صارله يعضعض بيها لحد ما خلص جابت كل طاقتها و ماتت البطاريه !
بعد ماكو الطاقة اللي يجادل و يتحمل ، و يرسم على وجهه ابتسامه و يتعامل مع كل المحيط بي بمنتهى الاريحية و رحابة الصدر .
قبل ماتگول لشخص " انت تغيرت "
شوف الظروف الّي حواليه..
شوف كم مرة هو چان بيها لطيف وحباب و صبور و مهذب بأسلوبه ويه الكل
تعرف شعور من تشتاق لشخص وتفوت للمحادثة ومتكدر تكتب شي بس تباوع ع المحادثة وتكول معقولة كل هلحجي جان مجرد حجي ؟ من تشوفف الوعود الي جانت بيناتكم بلحظة تنتهي من الشخص الوحيد الي جنت متاكد لو الكل عافك هو حيبقى الصديق الوحيد الي يمك بس تكتشف انو هو اولهم تنازل ؟ من هلشعور بعد متكدر تثق ب اي شخص وحتعرف انو الحجي يبقى بس حجي
اتوقع كلشي من اي احد ، لا ترفع سقف توقعاتك حتى لاقرب الناس الك ، بموقف واحد ممكن تبتعد عن اقرب انسان الك ، لتحاول تحسن صورتك كدام احد ، احنه بنظر ناس هواي عاديين ، و نظر ناس ثانيه مميزين و بعين ناس مغرورين احنه مو الكل راح يحبونه ، ولا الكل راح يتقبولنه ، ولا الكل راح يتمنولنا الخير اكثر شي ممكن ينهي ابداعك هو تفكيرك و انشغالك بكلام الناس اعرف انو اكو زاوية مميزة بيك حلوة مو شرط كل احد يشوفها يمكن انت الوحيد الي تعرفها
على الإنسان أن يكون حنوناً على نفسه كُل يوم، ألّا يزيد من صعوبة الحياة بقسوته على ذاته، أخطأت لا بأس لقد تعلمت، خسرت إذاً ستُعوّض، توقف عن تضييق عيشك بالحسرة والندامة، الحياة قصيرةٌ مثل لحظة لا تستحق أن تقضيها منطوياً على حُزنك.
كل شخص واله طبع
بس اريد اكلك اذا لكيت طبع السهولة بشخص
دير بالك تفرط بي
الإنسان السهل ماكو أنضف منه.
سهل يسامحك ويعذرك حتى لو قصرت.
ماكو أسهل من النقاش وياه.
سهل تاخذ رأيه لأن مراح يحسسك بالاحباط.
تريد تحجي وياه راح توصله بكل وكت و بسهوله.
الناس تحب السهل ، البسيط ، الي مصالحته قريبة ، وعتابه خفيف.
مثل النسمة تلاكي سهل بكلشي.
الإجتماعي بعقل وحدودي بإحترام.
خليك بسيط وسهل ولتخوف احد منك بكلامك وخشونه تعاملك ولتبين حواجز بينك وبين المقابل.
الناس بالغياب أنواع بيهم الي لو غاب نرتاح منه وبيهم الي لو غاب منرتاح إلا بحضوره.
الشخص سهل العشرة كنز
من هلكد محاطين فكرة انو محد يدوم ل احد وإن الي تحبه راح يجي يوم ويعوفك بي ، بعض الناس كاموا ينهون علاقاتهم الي ممكن تدوم بس علمود هالمبدأ السخيف هذا ..صحيح مرات نحجي ونكول محد يكمل ويه الثاني والكل تتغير ، لان تجي عليه فتره و وقت صعب ويرجع لطبيعته لإنه بالنهاية احنه بشر ونمشي بالظروف ، بس الفاهم الي يعرف يحتوي الثاني صح !
ولد الأصل عمرهم متغيروا حتى لو الظروف صعبة عليهم ، واكيد الطرف الثاني الي عرف شلون يحتوويك صح لإنو يعرف شنو معدنك الأصلي شكد متمشي عليك أيام صعبة ، هذوله همّه الي كلشي بالعلاقة يكون واكف عليهم ، ببساطة إلي يحبك من قلبه عمره ميتغير عليك.
رد مع اقتباس