ربي يحقق لج كل ماتتمنيهالمشاركة الأصلية كتبت بواسطة dr.ruqia
يارب اني راضي ومنتظر
ربي يحقق لج كل ماتتمنيهيارب اني راضي ومنتظر
دائما اسمع حجاية "هو فطير، فقير، علىٰ نياته"
ما احس هل كلمات تشفع للشخص بالعكس، هو لازم يتعلم هو لازم يحسب حساب التصرف قبل ما يسوي هو ما لازم يبقى فطير او فقير او ع نياته وننسب اي تصرف طائش لهل صفات.
"أنتَ مو قبيح
أنتَ بَس ما تعتني بِنَفسك"
أنت ما تاكل اكل صحي
ما تلعب رياضة / اي نشاط جسدي
ما تسوي skin care
ما تعتني بشعرك
ما تشرب احتياجك من المَاء
ما تعتني بعقلك
ماعندك ثقة بنفسك
وما تحب نَفسك من الاساس .
أجه هل السؤال ببالي هَل الناس المفروض تحبنا بطريقتنا لو بطريقتهُم ؟
من وجهة نَظري كُل واحد المَفروض ينحب بطريقتة، بِمعنى إنك تحبني بطريقتي وأحبك بطريقتك عَلمود نشبع إحتياجات بعض، بينما لو كل واحد يحب بطريقتة ومزاجة الموضوع حَيصير أشبه بـأنُ عزمت أرنب عَ كَباب مشوي "لأنُ برأيك أفضل وطيب" في حين أنُ الأرنب مَيحب الكباب ويريد جزر وخَس .!
كُل يوم تحضن الليّ بقى مِن روحك هايَ الفتافيت الصغيرونه الليّ دتصيرلك بمثابة أخر أمل ..
تنام وانت تردد كلمة "يا رَبِّ"
و حتىٰ طاقة مَ عندك عـلمود تخلي هَالكلمة بجُملة، تغمض عيونك وتكتفي بأنُ الله يعرف
كُل شيء عن هَالهوسه الليّ بگلبك وهو وحدة الكفيل بترتيبها
احسنتي ...مرات الانسان رب العالمين ينطي كل شيء لكن يكون حزين لان ميمتلك صناعة السعادة لنفسه...السعادة صناعة..انت تختار تكون اما متقبل لحياتك او حزين على ما فقدته
الفتافيت الي ذكرتيها هي الي تفرح القلب..مثل النمنمات الي تفرح بيها الاطفال
لذا الي يمتلك موهبة يحس نفسه بيها ليتركها وان كانت بسيطة ..ارجوكم لا تفقدون لمستكم بسبب الاخرين .. مهما كانت الحياة قاسية.. رب العالمين ينطينا نور بداخلنا يرشدنا للطريق الصحيح
لتنسى انه العمر يركض و وقتك بالحياة مجرد رقم .. لتنسى نفسك ولاتفقدها تمسك بكل شيء تحبه ولو كان بسيط
لتشيل بخـاطرك،شيلهم من خاطرك
لاتروحين للشغل وانتِ لابسة كعب مفصول
كعب مفصول للشغل لاتروحين لابسته
مرات يجيني شخص يسأل سؤال بكل بساطة مثلًا
شلون انسى
شلون اسامح
شلون اتخطى
ويريد جواب سطر ويختصر كلشي
هل شي مستحيل! لان جواب هل اسئلة او حل هل مشكلة ما يكون بسطر ولا سطرين ولا عشره، اكو كتاب وكتابين و٣ ومحاضرات لهل مواضيع حسب كل موضوع، ومهمتك انك تبحث عنه السؤال وتقرأ عن الموضوع المقصود
اني من اكلك حاول تنسى او سامح او تخطى، اعرف هل شي مو سهل بس جوابي الك مهما كان طويل كذلك مراح يكون شافي و وافي، انما انت الي لازم تبحث وتقرا وتتعلم عن الموضوع او السؤال المطلوب.
رد مع اقتباس