تعال نتفلسف؟:
- الرساله ؛ شنو اخر شي يمر بيه انسان قبل لا يتأقلم وي وضع ؟
حالتين، اما الاستسلام او التقبل.
والفرق بينهن كبير جدا
تعال نتفلسف؟:
- الرساله ؛ شنو اخر شي يمر بيه انسان قبل لا يتأقلم وي وضع ؟
حالتين، اما الاستسلام او التقبل.
والفرق بينهن كبير جدا
- الرساله ؛ شون الانسان يتخلص من الماضي السيء
هو بمجرد ما صار ماضي فانت تخلصت منه اساسًا
اما اذا كان القصد ان شلون تتخلص من تبعاته
فهل شي يكون بالمحاولة وممكن ما تكدر تتخلص من كلشي راح تبقى اكو ندوب بروحك.
تمسك بمن تحب.. اعظم انجازاتك ستتلاشى حينما لن يقدرها من حولك
فقط من يحبك حقا سيتفهمك ويعلمك وينهض بك ولن يرضى لك الذل والهوان
لكن قبل كل هذا .. تعلم ان تحب نفسك لكي تقاتل من اجل من تحبهم ولن تستغني عنهم مهما حدث او يحدث
مع مرور الوقت
راح تعرف ان اي شخص بهاي الدنيا مهما كان قريب الك وشكد ما كان يعرفك بس راح يبقى ياخذ الحجاية الي تحجيها باكثر من معنى، راح تتعلم انو اي شخص مهما كان قريب الك ومهما كان يعرفك لازم تحسب الكلمة قبل ما تكولها مع مرور الوقت تعرف انو اي احد يكلك احنة واحد لازم تبتسم بوجهة وتكله اي بس بداخلك لازم تعرف ان انتو اثنين
وهالشي مو غلط بالعالم لا، هي العالم هيج
الغلط انك ممكن تفكر ان اكو احد راح ياخذ حجايتك الي تنفهم بطريقتين بحسن نية.
أكو ناس صمتها مخيف، ذوله اليصمتون بالوقت الي غلطات چبيره نكالت بحقهم، ويتغاضون عن أشياء صعب أي أحد يتحملها، اللي يسوون نفسهم مصدگین کلام الأخرين ويعرفون بأنه كذب ويكتفون فقط بأبتسامه خفيفه، اللي يستحملون ويضغطون على نفسهم هوايه ويكولون ميخالف تعدي وتهون، اللي يكونون قريبين الك بوكت الحاجة وبوكت النصيحة وينسحبون بصمت وبدون هوسه، اللي يتناسون حتی يسامحون بس مینسون، اللي وياك بوجه واحد صريحين وخلوقين وماعدهم وجهين.
الناس هاي زعلها صعب ولحظة أنفجارهم تكون أصعب، وصادمة كذلك لأي واحد جان قريب منهم، تكون لحظه همه مقرررين بيها أنك أنلغيت من حياتهم وشگد متحاول تصلح بعدين متكدر.
وبالرغم من طيبتهم بس لازم تخاف
خاف منهم ، خاف تفقدهم لأن نادرین ، لأن حبوك وأستحملوك هوايه حتى يبقون موجودين يمَك، رغم أنه همه ماخذين بالهم من كل شيء وأنت متصور نفسك ذكي ، خاف وأتقي شر الحليم اذا غضب لأن قليل اللي يستحمل غضبهم بعد صبرهم الطويل.
تعال نتفلسف؟:- الرساله ؛ هلو
اني انسانه كلش مو زينه سويت معاصي بحياتي وتعرفت ع ناس مو زينه وصادقتهم وجروني لامور كلش محلوة وجنت اصلي بوقتها وكطعتها من تعرفت عليهم ف هسه قبل فترة صحيت ع نفسي بس خايفة الله ما يسامحني لان ٣ سنوات من عمري راحن هيج كلها ذنوب اتمنى تساعدني وشنو اول خطوة اسويها لان كلش تايهه
اهلا
اغلب الناس يمرون بحياتهم بفترة اشبه بالكبوة، قد يكون مرض نفسي ياكلهم، او اعتقاد معين يجرهم للهاوية، او ناس مو زينة يتأثر بيهم وهل فترة تكون ما بين ال١٥-٢٥ سنة
بعد ما تعدي هل فترة اصعب شي يصير هو تأنيب الضمير بس هل شي هو زين ولازم يفرحك ما يحزنك ليش؟ لان انت بعد اكو ضمير بداخلك واكو صوت حق وصح بداخلك اكو ناس هواي من كثرة الغلط والحرام انفقد عندهم هل صوت وبالعكس كاموا يستهزئون بي لو سمعوا، كلنا نغلط لان احنه بشر بس اهم شي ما نفقد هل صوت الي بداخلنا ونسمعله وما نكرر الغلط
الصلاة، الاستغفار، الحوقلة، والتنمية الذاتية
هذني النقاط لو مشيت او مشيتي عليهن اضمن الكم التحول من انسان ضايع لانسان مخطط لحياته راضي ربه وساعي بهل حياة ان يوصل لاخر نقطة من التطور.
اجري لسجادة الصلاة كملجئ، اهرب اليها وانا على يقين ان عند الذهاب الى تلك القطعة المستطيلة التي تنقلني الى ايدي الله سأعود وانا اقوى، افضل، والاهم.. الراحة النفسية. الموضوع لا يتعلق بديانة فقط انما الموضوع نفسي كذلك، انت لديك سلاح يملكه كل العالم ولكن قليلًا جدا من يستخدمه.. لذلك استخدم احسن وافضل الاسلحة التي تملكها في هذه الحياة وهي تواصلك مع الله صلاتك له اليك لا له فهو المستغني، انت من تحتاج ان تصلي لذلك لراحتك النفسية ولسلامك الداخلي تَعبد، صَليّ، وكفى بالله وكيلًا..
خميس مبارك
الي نسوي مو الا الناس تعرف بي، يكفي ان يكون خالص لله وكدام ربك وكدام نفسك.
دير بالك تزعل على الي فات لو على شغله راحت منك وجنت متعشم بيها ومنتظرها ، اذا جانت بيها نصيب الك راح تجيك حتى لو انت أيست منها .
واذا ما الك نصيب بيها مستحيل راح تاخذها حتى لو فريت الدنيا وراها ، متعرف رب العالمين شنو مدبرلك بدون متدري ممكن ياخذ منك نجمة حتى ينطيك بدالها القمر .
صدكني كل الي راح والي راح يجي من رب العالمين هو خير الك واذا جان الك بي نصيب راح يجي منه "خير" لأنه رب الخير ولا يأتي إلا بالخير، وصدكني صبرك شكد ما طال راح يجيك العوض فوك الجمال ، وكل متشوف نفسك تعبت كول " يارب اني راضي ومنتظر وكلي ثقه بيك وظني عمره ما خاب ولا راح يخيب " وانتظر ورة فتره راح تشوف الفرح ينزل على قلبك والسعادة الي راح تشوفها والفرح الي راح ينزل على قلبك بسبب يقينك وايمانك برب العالمين
يارب اني راضي ومنتظرالمشاركة الأصلية كتبت بواسطة زنؤبـَــهۃ
رد مع اقتباس