هنا

[ملكةه]

مَّن تشُوفون شيءَ حَلو
صَلو على نبيكُم
وكُولو(مَـاشاء الله)
العَيُن حَق يمگن أنت ماتقصَد
بسَّ راح تحَسد الشّخص
شفتُو سيَارة حُلوة بيّت حَلو
بنيَه حُلوة طفلة أي شيء حَلو
كُولو (مَـاشاء الله)
متاخُذ من وقتگم ثانيه
ويامَا ناس ماتت من ورة العَين
أي وصَلت لهيج مرحَلة واعرف ناس
هيّچ صارلهُم وأني من الناس
اليّ وصَلت للمُوت بسَبب هالشيء
بَس الله سترنيّ
وبالنسَبة لليّ يكُولون ما أومَن بهالشيء
حَبيبيني عيوني ترا مذكُور بالقرآن
هيه مو قصَة تؤمَن أو لا
= (وَمِنْ شَرِّ حَاسِدٍ إِذَا حَسَدَ * )
فَّ دائمَا حصنُو نفسكُم بسُورة الفلق
أيّـه الكُرسَي الاذكَار
وسلاحُكم الاقوى هُو سورة البقٌرة
هنا موضوع أخر

مُو گل الي تشوفُو بالسُوشَل ميديا حَقيقي الي حيَاتهم بيرڤكَت بس واقعَيا
عدهُم حَالة نفسَيه مو الكُل يحَب يظهَر
الجَانب السَلبي من حيَاتة
واني من الناس الي أحَب انشر الايجَابيه
بعز حَزني أحب أحَفز النـَاس
مو الي تشوفُوها تطلع وتطَب وتنشر
يعنيّ فرحَانة متعرفُون شصَاير وياهه
ودائمَا اي شي حُلو تشوفو كُولو
=(مَـاشاء الله)
-حُب لأخيَك ما تُحب لنفسَك-
أتمُنو الخير لغيركُم ياعيوني
وأحمَدو الله دائمَا

[ملكةه]

- لمن تدخل نقاش ويه شخص ونقاش يكون حاد، لازم تعرف انو هل نقاش اهم لو الشخص الي تتناقش وياه اهم! كم مرة فزت بنقاش معين بس خسرت جزء كبير من معزة الشخص الي كدامك لان النقاش كان حاد لدرجة انو حسيتوها مبارزة ومنو الي لازم يطلع صح، فلازم قبل لا تدخل نقاش معين تعرف هو نهاية النقاش هذا واذا فزت بي شنو حيصير وشراح يغير وهل اني مستعد ان اخسر هل شخص بس حتى افوز بهذا النقاش! اوقات انك تخسر نقاش بموضوع معين احسن بهواي من انك تخسر شخص اهم من هل نقاش بقاطات.

[ملكةه]

بالزين وبالشين راح ينحجي عليك ، للناس اراءها وقناعاتها المختلفة ، خلي افعالك دائماً لوجه الله مو لشخصهم .

[ملكةه]

اكتشفت وبعد فترة طويلة ان ماكو داعي تفسر لأحد اي شي يخص حياتك ولا اي تصرف يخصك الا اذا كان هل تصرف اتجاهة، ماكو داعي تبرر وماكو داعي تفكر هم شنو راح ياخذون انطباع، الي يريد يشوفك زين حيشوفك وانت اسوء واحد بالدنيا والعكس كذلك، لا تنطي للموقف اكبر من اهميته ولا تنطي للانسان اكبر من حجمة.

[مِـيهہرَمــآهہ ♬✿]

"لا تحاول إقناع الجميع بأفكارك،

لأن العقول تختلف...!

[ملكةه]

الانسان الكتوم يصير قوي
ويصير وجود ناس او عدمهم ما ياثر عنده
يتقبل كل مشاكله بوحده
ودائما يحب لهدوء
ويحب يبقى وحده ما يميل للاماكن بيها تجمعات

الكتوم هو افضل شخص بحيث يتابع من
بعيد ويدرس الي حوليه ويڪون مميز وذكي

الكتمان نعمه تخيل ماكو شخص عده نقطة ضعف عليك مرات اشوف يفضفض ينطي نقطة ضعف ع نفسه

[ملكةه]

انتي دائما تحتاجين المي، فتروحين تشربين كلاص مي " بارادتج "
لو هل الكلاص تقدملج هو ورادج تشربي كون، واكو كلاص ثاني بصفة، أي كلاص راح تختارين الي يريد تشربي كوه لو الي يكون باختيارج؟

فطرة الرجل ان هو الي يبادر فلما يجي شخص بقلب الموازين مراح يحس ان هل شي الصار طبيعي وحيبقى دائما حاس بنقص ان مو هو الي اختار هل شي انما هل شي هو الي اختاره " خاصة اذا كان ميحبها " اما اذا حابها فالموضوع يختلف وهواي ناس تزوجوا وكانت بدايتها اعتراف البنت

قبل شوي كان اكو شخص جيرانه ويشتغل كاشي، كلي انت زيد؟ دائما اسمع بيك بس ما شايفك اشتغلت ببيتكم ١٠ ايام وما شفتك، كتله اي والله شغل ما تلكاني بالبيت نادر، كلي انطيتك بنية ع اخلاقك واخلاق اهلك وهسه ارجع واكول اني بنت اختي مهندسة وانت مبين شاب متربي وما الكه الها احسن منك. خطبني لبنت اخته! ههههه فكلشي اكو الموضوع ما مترتب هاي شي معين بس غالبًا الولد حسب الي تربى عليه وفطرته ان هو المسؤول دائما من بداية العلاقة والى نهايتها ومن ضمن البدايات هي المصارحة.

[الـسُـلـطَـانـة♡]

نصيحة مجرب..


الشي الي يفرحك أبد لتخلي أحد يدري بي ترا يخرب

[ملكةه]

لا تكون انسان من الداخل فارغ

يعني لما يجي شخص و يحجي وياك يلكاك انسان ما عنده ماضي " لان ميحب يحجي بي " وما عنده مستقبل " لان ميعرف شنو حيسوي " وحاضرة عبارة عن " تسأله يجاوبك، ما تحجي ما يحجي " ، ما يكون عندك اي موضوع او شي يحجي بي، انسان من الداخل يحسك فارغ المعلومات ومتكاسل في تنمية العلاقة، بهل طريقة هو كذلك مراح يكون عنده اي شغف في تنمية علاقته معاك لان ببساطة انت انسان ما عندك شي تقدمه تخلي المقابل شغوف ان يتعرف عليك وبنفس الوقت ماكو شخص بالدنيا مُجبر يحب انسان فارغ من الداخل حتى لو كان الظاهر جميل.

[ملكةه]

رب العالمين لو يريد ما يستجاب دعائك مراح يخليك تدعي اساسًا، ولا راح تخطر هل فكرة ببالك
الدعاء رزق، فكرة انك تدعي هاي رزق لان مو كل الناس تدعي هواي ينسون يدعون، اما فكرة ان يتحقق هل دعاء الي تريده فهذا اذا كان خير الك راح يتحقق واذا ما كان خير الك فراح تتعوض بشي احسن سواء بالدنيا او بالاخرة، ففكرة انك دعيت اساسًا هي ربح بحد ذاته.