صباح الخير
من ايجابيات مواقع التواصل انها طولت العلاقة مع الاشخاص حتى وان انتهت! يعني شلون؟؟
يعني اليوم انت بمكان ما تقتصر صداقتك مع الشخص بمرحلة المتوسطة او الاعدادية ع هذه المرحلة فقط لانقطاع التواصل بسبب بعد المسافة او عدم تلاقي الطرق فهنالك مواقع التواصل الي تخليك ممكن عن طريق story او post تعرف من خلاله اخباره وممكن تسأل عنه او تتواصل وياه وهالشي ساهم بتكوين علاقات لسنوات طويلة حتى وان انقطعت بشكل فعلي من زمن طويل .
لا تنطي حبك لشخص دفعه وحده مهما كان لا تتعلق بي اهواي خلي مسافه بينك و بينه لا تبني آمال وأحلام وأنت متعرف نهايتك ونهايت حبك اله شنو لتستسلم لگلبك قاوم هالشعور الي تحس بي انو هو خلص صار مُلكك وحده طريق الحب ممعروفه نهايته ولا اشوكت اتكون ضحيته . و وحده الي يگدر يكسرنه ويخلي غصه بداخلنه وين منروح
فـ..حافظو على قلوبكم
لتخلي احد يضمن وجودك، ولو حسيت بلحظة ان الكدامك مقصر بحقك وميستحقك هدد بالبعد ووقت ما تاخذ قرار الانسحاب نفذه ولتجي ع نفسك بزيادة ولا لخاطر اي بني آدم مهما كان ..
- الرساله ؛ احس شي غلط نهدد احد بوجودنا لان لو كلنا نفذنا هلشي مراح يكون اكو شعور بالامان باي علاقه
الشخص المقابل لازم ميحس ان هو ضامنك 100% وهذا الصح والصدك، هل انت مضمون مع شخص يأذيك؟ هل انت مضمون مع شخص متجاهلك؟ هل انت مضمون مع شخص يقدم نفسة دائما عليك؟
اكيد لا، لذلك اني راح اكول وراح اهدد فعلًا كنوع من انواع التنبيه احسن ما ابرد وانسحب فجأة!..
يعني ينحط تحت مضمار التهديد الايجابي
ذَكره عسى ان تنفع الذكرى..
اخذ حقك بالطريقة اللي تناسبك وتريحك، لأن محد اخذ رأيك بــ الطريقة اللي أذاك بيها.
ليش دائماً تكتب وتنشر محد وياي محد يحس بيه محد يعرف عن حزني؟ حزنك الك مو لازم الرايح والجاي يشفق عليك
انت وي نفسك ليش تريد احد وياك ؟ الناس مدخلها تخلص وقتها علمود يحسون بيك ويگلولك يا سوده عليه شتحصل بله ؟ حيروح حزنك ؟ او يخف ؟ مراح يتغير شي او تحصل شي غير الشفقه ومحلو احد يشفق عليك ويشوفك ضعيف
فتعلمو بوقت حزنكم لا تلجئون لاحد لا تخلون احد يشفق عليكم او يعرف نقطة ضعفكم
طبعاً اكو بعض الأشخاص إذا عافهم الصديق المفضل او شخص ثاني متعلقين بي راح يضلون اشهر زعلانين وضايجين اكيد مراح استغرب لان اني هم چنت هيچ بس گدرت اتخطى وعرفت ماكو شي يستاهل ازعل عليه ولا اي شخص يستاهل أحزن عليه وبعدين الشخص الصح لو يحبك ميعوفك
فلا تزعل وتعب نفسك بسبب شخص ميحترمك عيش حياتك واتقبل كولشي تره ماكو شي يسوه نضوج علموده
وبذات انتو لتضوجون نفسكم الحلوة وعيونكم اللطيفه
لاتلوموا من لا يستطيع الكلام ، من يضع حداً بينه وبين كل شيء ، من يعجز عن أن يشكو همّه للآخرين ... هو شخص مُشَتت يحتاج السلام ، فكل الأشياء التي كانت تُفرحُه فقدت بريقها ، ضائع هو يبحث عن نفسه في زحمة الأيام ، لا تلوموا أحداً لا تعرفون درجة الوجع الذي يشعُره ، كم مرة انطفأَ ونام هرباً من واقع لم يعرف التعايُش معه ، كم مرة طاردتهُ الذكريات وأجهشَ في البكاء ساجداً ، لا أحد منّا يعرف عدد المعارك المنظَمة بداخل كل منّا ، فجميعنا نُعافِر لنكون أفضل نسخة من أنفسنا....!
اخذوها نصيحة لمن تعترفين لولد او يعرف انو انتي تحبي ويبرد اعرفي انو هل شخص مستحيل راح يحبج ع الاقل بالفترة الحالية.
الي يشتاق لشخص ميت اكبر انكسار
والي يشتاق لشخص عايش ينكسر بشكل اكبر
الميت ما منه رجعة بس العايش راح تبقى دائما تنتظر وعينك ع الدرب وتكول " هسه راح يجي "
الانسان يتغير باستمرار
ممكن هل تغيير تحبة وممكن يكون نقمة عليك ومتعرف شلون تتصرف وياه، ممكن التغيير يخليك تفقد شي جنت تحب تسوي وممكن يخليك تفقد ناس وممكن يخليك تكسب ناس او تتعلم اشياء جديدة، ممكن ينضجك وممكن يضيعك، الانسان مستمر بالتغير السلبي والايجابي وهنا يبقى كل شخص وشلون ممكن يتصرف مع هل شي
العقل يحكم
التجارب بمراحل التغيير تحكم . .
رد مع اقتباس