"لا تثق كثيرًا بمكانتك في قلوب الناس تستيقظ الناس كل يوم بمشاعر مختلفة، تتغير نظرتهم بإستمرار، تتقلب عواطفهم في لحظة، قد يتخلون عنك لا تفه سبب، وتجدهم قد إستبدلوك بآخرين، الناس مراحل وليست بيوت قد تطول مرحلة عن الأخرى... لكنك في نهاية المطاف ستعود إلى منزلك وحيدًا."
مبدئيا الي اختار غير مرئي هو انضج ومستعد اكثر ان يدخل علاقة، زين ليش؟
لان يكون فاهم ان ميحتاج يشوفه متصل او لا حتى يحجي وياه "هو راح يحاجيني لمن يريد يحاجيني"
كذلك تحسس المقابل ان هو انسان حر و مو معناه انك دخلت بعلاقة مع هل انسان انك تِدَخل بمساحته الخاصة!.. اغلب العلاقات تنتهي بسبب الخنكة الي تجي بحسن نيه من الاهتمام الزايد او بسوء نيه والي هو الشك، بالحالتين المقابل حيحس نفسه متقيد من فكرة دخولك لمساحته الشخصية لذلك ممكن جدا ان ينفر، قبل ما تدخل أي علاقة لازم تكونون فاهمين اثنينكم فكرة الpersonal space.
مرات الأنسان يلاگي نفسه بشخص .. وهذا الشخص يكون صعب حاد المعامله .. قليل التواجد .. مهتم النفسه أكثر من كلشي .. راح نشوف بي الأنسان الحقيقي الي مر بتجارب خلته بهذا الأسلوب .. نبقى نتقرب منه أكثر من الازم رغم معاملته الحاده نتحمل ونبقى مستمرين وياه .. لأن نعرف أنو هذا الأنسان عنده مشاعر مکتومه ونعرف بالطيبة الي شايلها گلبه صح راح نعيش وياه بقلق وتفكير بس بصراحه يستاهل .. ويستاهل نتعب علموده .. بهاي الدنيا صعب تلاگي هيج شخص اتجرع كل المراره وحده وجبر نفسه يتقبل الواقع .. وصار أنسان معتمد عليه .. كتوم الأسرار وسهل الثقه بي .. إذا بيوم من الأيام صادفت هیچ شخص حبيب صديق! .. أبد لا تحاول تخسره .. لأن خسارته كلش عظيمه ويرافق الخساره الندم ... حاول تحافظ عليه .. رغم كل تصرفاته .. لأن وراها راح تعيش أسعد أنسان بهاي الدنيا
اكثر شي ما لازم نندم عليه او ياكلنا التفكير بسببه هو الشي الي مو بيدنا، ما لازم تحاسب نفسك ع شي مو بأيدك ع قدر مكتوب ما اختاريته انت، لا تلوم نفسك ع شي هو مكتوب لان هو الاحسن مستقبلً للجميع.
الموضوع شوية ينرادله صفنة،
ما اعرف شلون اشرحة بالضبط بس مرات تلاكي نفسك فاهم الشخص المقابل وشنو هدفه وشنو رايد وتتصرف وياه بطريقة تلقائية ع اساس هدفه يعني مثلا اوقات ناس تتقرب من عدنه وتمثل حبها النه ظنً منهم انو هو حب او ممكن لغاية معينة نتيجة الاعجاب لا اكثر، اللاوعي هنا يكون ذكي جدًا بالتصرف بتلقائية اتجاه هل شخص وكأنك مشاهد والي ديصير حتى تصرفاتك وياه او ردة فعلك هي تلقائية بعيدا عنك انت وايعازك لمشاعرك
- الرساله ؛ سؤال
ليش من اتذكر سالفة قديمة اضوج لدرجة حتى خفقان يصير؟ رغم هالسالفة منتهية ومتعديها .. بس كل ما اتذكرها اضوج نفس الضوجة؟
واساسا هسا داضحك عليها هسا ، بس بنفس الوقت ضايج..
لان بعدك ما متصالح ويه المشهد
بحيث المشهد كادر يستفزك كلما زار دماغك
داخلك يمر بحالة انذار وكأن هل شي ممنوع يدخل
ممنوع نتذكرة وممنوع يرجع مرة ثانية ع البال
لتحاول انو تنسى، لان ماكو شي ينسي
لان لمن تذكر هل شي حتحس بفشل وتكول
اني شلون ليهسه مناسي؟! تجاوز الموقف بالتَقبل
تقبل الي صار بوقتها، تقبل انك كنت ضعيف او كنت الطرف الخسران او المغلوب ع امرك وخلي المشهد يسرح بداخلك الى ان يمل وهو يطلع
" الذكرى الي نسد الابواب بوجهة راح تبقى شبح يطارد امان داخلنه "
مع مرور الوقت تتغير الاشياءتتغير تصرفاتنه (مو احنه)
بس عمرك سألت نفسك ليش؟
لان نضجت! زين اذا نضجت ليش من تذكر نفسك قبل تشوف نفسك جنت مرتاح اكثر؟ يمكن لان هم نضجت!
النضج حلو بس صعب
خاصة اذا جنت ناضج زيادة عن اللزوم
الحرية هي اي شي من حقك دون التجاوز ع غير ، او تخطي الحدود المحطوطة الك.
الحرية محكومة بقوانين
غير هل شي اني اشوفه قلة ادب الصراحة.
اكو ناس يسوون كلشي ويبررون تصرفاتهم بالحرية (فاهمين الحرية بالمكلوب)
ع محمل النصيحة
لا تسمع أي نصيحة، فلتر النصيحة قبل لا تاخذها.
الله يجفيكم اخطر انواع البشر
هل مره راح احجي ع نوع معين وهو " ابو رغبة " لابد وان قابلت بحياتك الشخص الي يموت ع شي ولمن يصير بيدة يبرد من ناحية هل شي ويشمرة مثل الطفل الي يريد لعبة وبس تصير بيدة يلعب بيها شوية ويشمرها وهذا يختلف عن المزاجي، المزاجي ممكن يريدك مرة وميريدك مرة بس " ابو رغبة " هذا ممكن يريدك لفترة معينة وبعدها يبطل يريدك نهائي! تكمن خطورة هل نوع انو ممكن تنخدع بي بسهولة وتشوفة شكد ميت عليك بعدين وبشكل تدريجي تشوفة بدأ ينسحب (اما اذا كان ذكي فراح يخلقلك الاسباب الي تخلي يبرد من ناحيتك) هيج نوع من البشر يخليك ما تثق باحد نهائي وتشوف الكل مزاجيين ويتبعون رغباتهم الي تتلاشى بمجرد ظهور المشاكل، ويا مكثر هل نوع..
خلينا نتفق انو احنه جميعا اصحاب رغبات الفرق يُكمن بفكرة نسبة رغبتك بالشي وفكرة هل انت صاحب قرار وراكز بقرارك وصاحب التزام اتجاه الشيء، لو شخص ميحب الالتزام ودائما يتحجج بأنو (اني طير اني ما انلزم ولا احد يكدر يسيطر علية) سواء بالعمل او بالعلاقات او بالدراسة ممكن تسوي هل اشياء وانت متحس بنفسك او تلكاها فطرة بيك وماكو احد كامل " نحن مجموعة من المخلوقات التي خلقت بنواقص معينة تحاول اكمالها وان لم تستطع فالمحافظة ع اخماد هذه النواقص قدر المستطاع "
رد مع اقتباس