هنا

[ملكةه]

دائما اختارو الشخص الي يستاهلكم
لتختارون شخص الي يستهلككم

احنه فترة بحياة كل واحد للثاني،
و
النهايات اهم من البدايات
البداية اهتمام وشغف
والنهاية تبين منو المعدنه اصيل

[ملكةه]

لو اجيت وقارنت بين المحطة المهجورة والمحطة الي يزورها ناس وتروح شنو الفرق بينهن؟
راح تلكين ان المحطة المهجورة مليانه تراب وذكريات ومنظرها كئيب يصلح لجلسة تصويرية حزينة، بينما المحطة الي مليانه ناس..
صح ناسها متغيرين بس تلكيها انظف! حركة الناس واستمراريتهم تمحي التراب الي موجود والذكريات مالها مكان بوسط ناس دتزرع ذكريات جديدة بين الوداع والسرعة والعصبية والمستقبل والفرحة ومشاعر هواي بهل محطة!..

لذلك حياة مليانه ناس متغيره احسن بهواي من ما تبقى ويه ناس يزرعولك ذكريات ويهجروك، وتكون المحطة مكتفية بشكم موظف تحتاجهم هل محطة ويحتاجوها " تبادل منفعه " اما فكرة الدائم، فما دايم غير الوجه الكريم، مثل مكلت سابقا كلنا محطات لكلنا واني قررت اكون المحطة الي تستفاد منها وبس.

[ملكةه]

بالعلاقة شكو شي راح تزرعة بالبنت راح تحصد ثمرته

تزرع امان تلاكي انسانه بظهرك وعمرها متخونك
تزرع طيبة وحنية تلاكي انسانه شايلتك بالصلوات
وتسمعك كل الكلام الي تحب تسمعة
تزرع صدق راح تلاكي انسانه ممكن تكذب الدنيا كلها
وتصدك بيك وحدك
تزرع العكس حتلاكي العكس
العلاقة نبته وانتو الي تزرعوها بتبادل الحَسنة.

[ملكةه]

تصلين؟ صلاتج مضبوطة؟ انتي قريبة من رب العالمين؟

اذا لا فهنا المشكلة
واذا تصلين فاني متاكد
ان انتي وواكفه ع المصلاية بالج بغير مكان اساسا

حتى تتواصل مع رب العالمين لازم كلمة الحمدلله تكون معنيه، سبحان ربي الاعلى لمن تكولها تكون حاس بيها، قل هو الله احد تفهم انت شنو جاي تكول،

تكدر تتواصل مع شخص وانت تكوله اشياء ما حاسها يعني تكولها بس لان حافظها؟

طيب القصيدة الي تسمعها لاستاذك من جنت صغير وتحجيها لبلبان وبسرعة لان انت حافظها
الاستاذ حيكلك عفية بس حتكون قريب من الاستاذ؟ لا اكيد انت طالب ومحضر وبس..،

لذلك اكو فرق بين انك تكون تقضي واجب الله وبين انك تحاول تقرب لرب العالمين
انت محتاج لرب العالمين مو هو محتاجك
انت محتاج لهاي الصلاة وللدعاء وللتقرب

كل شخص بعيد عن الله حياته حتكون ضلمة

حتى الملحد الي الله موفقة وتكول هذا الله ليش موفقه وهو ملحد

تلكه حياته تشبه القبر الحلو
يعني قبر محفور بشكل احترافي وحلو بس يخنك!..
تلكاه دائما مخنوك شما يسوي اكو ضيقة بداخله

لذلك الله والامور الروحانيه التقرب الها واجب لانها تعطيك الراحة الداخلية، كون قريب من رب العالمين وحدد اهدافك واستعين بالله
وكلشي حيمشي مثل متريد واحسن.

[ملكةه]

شلون تكون العلاقة الحقيقية ؟

من تكون العلاقة صادقة، مُكملة، آمنه، نقية، ما تأسست هل علاقة بغرض النميمة او الحقد او الكره، صافية، راح تكون علاقة حقيقية بغض النظر عن هي ويه منو عسى ما تكون ويه التيل الي بصف بيتكم.

[ملكةه]

حياتنا تتغير ويه الوقت وهذا الطبيعي والي نعرفه، الي ما نعرفه هو انها كيف راح تتغير! منو الي راح يروح ومنو الي راح يبقى؟ منو الي راح ننصدم بي ومنو الي راح يكون كد التوقعات؟ فكرة الحياة بتغيراتها المستمرة والي ما تخلي ضمان لأي شي ولأي شخص، ساعات احس ان الانسان قوي جدا وان رب العباد اعطاه قوة هائلة حتى يتأقلم مع قوة المشاعر الي يحس بيها اثناء هل تقلبات!..
مثلا، مشاعر رهيبة انت لازم تكون مستعد الها لما الشخص العزيز عليك كلش يطلع منه التصرف الي ابد ما توقعته يطلع منه! انت هنا مضطر انك تتعامل مع شيء طارئ انت ما حسبت ان بيوم يصير وهو انك تتعامل مع كتله مشاعر تخربط احوالك!..
الانسان قوي فعلا في مواجهة الي بداخله اكثر من ما يحصل بالخارج..

[ملكةه]

الملل والفراغ يخلق بلاوي، حارب الملل ولا تخلي نفسك فارغ وخلي جدولك مزدحم دائما.

[ملكةه]

شوفي حبيبتي عادي كلش الاهل يخافون ع بنتهم او ولدهم اني من جنت بعمرج جانوا اهلي ميخلوني اطلع غير ساعتين العصر وصدكيني لحد الان بعمري هذا اذا احد خابرني الحجية تكلي " هاي منو " اضوج واكلها خصوصية امي تره اني مو صغير! الاهل سواء بعمرج او بعمري او اكبر مني ما يشوفونه غير بعمر واحد وراح يبقون يخافون علينه لا تعتبري ان انتي بيج شي بكد ما تعتبري ان هذا اهتمام، لما تكبرين راح تعرفين ان هاي الحياة الي يعوف نفسه الها يتيه ويطلعوله ناس تنهش بي من كل مكان لذلك هم خايفين عليج من اصدقاء السوء ومن الدنيا ومن الموبايل الي بين ايدج بس انتي مبينه حتى بهذا عمرج الصغير عاقلة وفاهمة، الله يحفظج الهم ويحفظهم الج وديري بالج ع نفسج ولتعتبريها شي مو زين هذا من حبهم واهتمامهم بيج

[ملكةه]

الانسان الي تبتعد وترجع وتبتعد وترجع
طبيعي حيكون هيج وطبيعي حيبرد
الناس مو ع مرامنا نجي وقت ما نريد
ونروح وقت ما نريد وهذا مو برود
هاي مزاجية، سيطروا ع مزاجيتكم
حتى الناس ما تعوفكم

[ملكةه]

‏الاكتئاب اللي انتو حاسين بي هاليومين شغلة طبيعية
نتيجة تغير الفصول واسمه اكتئاب موسمي
بعد فتره راح يروح ويرجع الاكتئاب الطبيعي اللي تعودتوا عليه ليظل بالكم