هنا

[ملكةه]

العالم المتأثرة بالواجهة الاجتماعية وتقدير الناس خصوصاً بالمواقع الالكترونية تتلخص حياته برضاهم فتشوفه يستقتل بطرح مواضيع حتى يحافظ عليهم او يزيد من نسبتهم برغم هو مايعرفهم وهم مايعرفوه بالواقع هذا التأثير سببه ماضي صعب انرفض بي او شخصيته بالواقع غير مقنعة ومقبولة فيحاول يعوض، بنفس الوقت الانسان بطبعه حالم كل واحد يسويله لايك يخلق وياه بداخله قصة وهمية
مثلاً وحده محترمة متابعته يتخيلها بيها مجال او شخص يجامله ينطي ثقة بداخله هو شخص مهم واذا مانزل بوست العالم راح يتوقف علّي
لذلك علاقات انتهت بسبب اهماله للناس المهمين بحياته والركض نحو اوهام متصورها راح يحقق وياهم ماعجز عن تحقيقه
الغرائز من تتحكم بالبشر يصبح خارج طوع ارادته ويصبح شخص ثاني مشوه يكدر يعيش ايام بدون اكل بس يختنك ربع ساعة اذا فصل النت

[الغريب الهارف]

اضرب الحديد و هو حامي

[ملكةه]

بهذا زمانا صرنا اذا نشوف شخص ماشي عدل نتعجب! وصلنا لدرجة نسوء الظن به ، يعني اذا شخص صاحب أخلاق كلنا من تحت السواهي دواهي خوفك منه!! شخص.يصيلي وخايف ربه هاي متديين! صاير براسنا علامة! شخص يحب بصدق ونية سليمة هااا كلهم هجي وعابرات عليهم ووووو.... بحيث عبرنا مرحلة سوء الظن لا وصلنا لمرحلة التعميم بذلك وبأشد العبارات وصلنا لمرحلة بعد مانشوف النقاء بكل خطوة سوء الظن يجري بنا ووصلنا لمرحلة انضعف ونخسر بيها ارواحنا ونقوي ونمسخ أنفسنا
واعود مرة اخرى والله ثم والله لو كل واحد منا تعمق بعلوم أهل البيت عليهم السلام لما وصل بنا الحال الى ما نحن عليه ...

والقادم اعظم وأشد كل هذا الذي نعيشهُ نقطة في محيط

[ملكةه]

اعتبر التفاهم اليجي ورة الزواج اكبر خدعة اخترعها البشر لمجرد استقرارة وبس، لمجرد ربما خيبة سابقة انتهت بالفشل
التفاهم ورة الزواج هو اقناع نفسك ان تتقبل شريك حياتك ومتتقبلة
الانسان اذا انفرض علّي شي غير اختيارة مايتقبل حتى اذا جان المختار ملاك نازل من السماء

اختيار قرار عقل بدون گلب راح يختار مصلحتة
اختيار گلب بدون عقل راح يختار عاطفتة
اتركوا اولادكم يختارون بعقلهم وگلبهم،
لتخلوهم يعيشون دور الخاين والمظلوم
لتخلوهم يصيرون ضحية وجلاد بأآن واحد

الاستقرار مو بس زفة وعرس وبيوت
الاستقرار تفاهم أسمة احبك انت وماريد غيرك
اسمة اباوع عليك وابتسم تعرف عيوني شتريد

[ملكةه]

اكبر انجاز بهذا وكتنا تبقى انسان محترم ، خّير ومتربي وحاط الله بعينك ، تكدر تميز الصح من الخطأ ، مسيطر على نفسك وسلوكك ومحافظ على كرامتك وسمعتك ، متحكم بأفعالك مو الناس متحكمه بيك ، دائماً عندك مسطرة اخلاقية ماشي عليها مهما تصعب بيك الظروف او شيطانك يبررلك حجج وأعذار ، وطول الوكت تجاهد تبقى شخص مستقيم رغم ماعايش بزمن بي الأحترام شذوذ وقلة الحياء مفخرة .

[ملكةه]

منقوله

عندي صديق بالمنطقة اذا يعطس يجي يكلي محمد تره عطست، كل اسراره يحجيلياهن ، انسان يخبل وگلبه اطيب من خبز التنور ، من رجعت من الشغل شفته ضايج ويدخن جكارة كعدت بصفه كتله خير ؟ كلي الجنت اراقبها اتزوجت وكمل الموضوع ضحك

الموقف هذا ذكرني بديفيد احد ابطال روايات فوكنر
حب وحده من منطقته ويوم من الايام سنحت له فرصة يصارحها بمشاعره
ديفيد راح سلم عليها وسألها على نوع الساعة الي بيديها وراها استأذن وانصرف ، فوكنر يكول ديفيد مايعرف بالضبط ليش سوه هيج
القصة هاي منتشرة بكل الأماكن والمجتمعات وتتكرر بشكل غريب ، شخص يحب وحده بعدين يبقى ساكت ؟! يكتفي بالمشاهده لحد ماتطير
المشكلة الطرف المتضرر مو بس هو الطرف الي حب
المقابيلة يجوز تتضرر بشكل اكبر
انسانة من حقها تعرف اكو شخص يحبها وعنده مشاعر تجاهه ، من حقها تعرف عدها خيار ثاني ممكن يكون بنظرها افضل واكثر سعادة

المأساة هنا راد يصير شي بس ماصار ، تخيل حزين لمساره المحتمل ،لو جانت شجاعته اكبر وتردده اقل هواي من البشر اتغيرت مسارات حياتهم لمجرد قرار اتأخر شوية او كلمة ماانكالت بوكتها

[ملكةه]

يجي وقت وتنضج ، وتفهم شوكت تترفع وما ترد ، تفهم بأنه رزقك جاي حتى لو جرب أحد يمنعه ، تفهم بأنه أكو أشياء متستاهل التضخيم وتكوم تعرف شلون تمشيها ، تفهم كيف تتخلى بدل متعاتب ، تفهم أنك تفرح لنجاح غيرك وأنه الأرزاق اللي مقسمها الله متتعارض ، تفهم بأنه حياة غيرك ملكهم مثل ما حياتك ملكك ، تنضج وتعرف قيمة وقتك ، وتخلق عالمك اللي تعيش بي وَيَا كم شخص يشبهك وأحلام يشبهوك ، حتى يكون وجودك بهالدنيا راقي ، وتفهم أنك خضت حروب هوايه ، وتستاهل شويه تعيش بسلام.

[ملكةه]

كل إنسان بينا يمر بظروف صعبة من حياتة مااعرف كل شخص بيكم شنو ديعاني كل أحد بينا عندة الم اوآلام عديدة يفكر وتعبان ومتاذي وقلقان يحس انُ خلاص هوو مجرد كائن عادي عايش على هالكوكب بسبب كثرة الأحداث المؤلمة اللي مر بيها جعلت منة إنسان بلا هدف وقيمة مجرد بشر عادي ليش تقبلون بالعادي ليش تاذون نفسكم منو بينا ميخطأ منو بينا مامر بتعب نفسي وفقدان الرغبة بكُلشي اكثر الناس مشاكلها اما ماضي مؤلم اوتجربة فاشلة دمرتة او اهل او غدر او الطيبة الزايدة دائما نلوم القدر ونكول ليش لكن منحاسب أنفسنا ونكول ليش هيج ضحينا وتعبنا مرات تعرف أخطائك لكن متسعى تصحح في هذه الحالة انت قبلت بالفشل ليش منغير حياتنا ليش منبدي من صفر ليش ع ماضي نوقف كلشي خلاص يعني حنموت هه انتوا حتعيشون مرة وحدة يااما تعيشوها صح يااما استسلموا للكآبة والسلبية ليش متنظرون للجانب الايجابي بيكم قدروا أنفسكم غيروا حياتكم وكل شخص بينا يكدر يغير نفسه للأفضل اذا كان عندة ارادة قوية عيشوا صح كافي ضياع .

شبيك تعبان
عادي اشاركك شويه من دقائقك؟،
الاشياء اللي نمر بيها او اللي نسمع ناس مرت بيها تخلينا نصفن ونكول هو شلون صارت وشنو حسوا بوقتها وننسى نفكر هي شلون عَدت شلون مشت وصارت سوالف؟ شلون اللي حب هالحب كله صار لمن يحجي بهالحب يحجي بضحكة وماضي
شلون اللي ماتله ابوه كام من يكول ابويه الله يرحمة ميبجي؟ شلون هذا انخان وكدر يحب من جديد؟ وشلون وشلون وشلون....
الانسان مهما مر بظروف صعبة قادر يتكيف بشكل ذكي مع مرور الوقت ويعدي
المشكلة وين؟ المشكلة انُ اني ما اكدر انطيك المدة اللي ممكن تجاوز بيها
يوم، اسبوع، شهر، سنة، ٥ سنين، او ممكن يكون ركن اساسي بداخلك لان اكو اشياء تكون بداخلنه مثل المتحف اللي يشوفنا ميشوفها بس اللي يكون قريب من عدنا ونفتحله باب داخلنا راح يفتر هالمتحف ويشوف شنو بيه ، اشياء هواي صارت وعدت ومرت واشياء منتظريها تعدي واشياء اقتنعنا انُ هاي ندبه او وشم بداخلنا سواء حلو او محروك هو راح يبقى نتذكرة ونتذكر يومه وليش صار هالشي
بس بعدين " كلشي يصير سوالف "

[ملكةه]

أنتَ إنسان جميل
ديحاول كل يوم يكون أحسن
تحاول تحل مشاكلك، تحاول متأذي احد ، محاولاتك مو شرط تكون ناجحة دائمًا يكفي إنها صادقة
وهذا أكبر دليل على إنك جميل ،
خليك مصدگ هالشي ولاتنتظر تشوفه بعيون احد ..
يومك لطيف

بَطل تركض ورا الشي الخطأ، الشي الصَحيح ما يخليك تهلك نفسَك بالركض وراه

نصيحة لوجه الله :

لتنطي مجال لشخص " يتفيك براسك

[ملكةه]

السلبية بحياتك ليل ونهار تريد حل؟

لا يوجد شخص سلبي بدون سبب،
أحيانا هوبسبب تعرضه للظلم أو قلة التقدير،
أحيانا بسبب تأثير بيئته أو بيئة العمل،
أبحث عن أسبابها،
وضع لها حدا
لأنك ستعيش حياة أجمل بكثير بمجرد أن
تعلم كيف تستطيع إيقاف تأثير الناس
عليك.
أهم شيء يجب أن تفعله
هو التخلص من هذه الشحنات السلبية
عن طريق الصلاة.. وتعلم الحلم والصبر،
القراءة تعلمك الصبر..
و الصلاة تعلمك الطمأنينة ووضع حد للشيطان وأدواته السلبية أمام لقائك مع الله.