هنا

[ملكةه]

؛ ليش العالم الي احنه بي عايشين استغلالين؟ليش كلمن يحب نفسه؟ليش العلاقات مبنيه ع مصلحه اما عاطفيه او ماديه؟اغلب علاقات العراق هيه مصلحه وذاك من ذاك الشريف واليخاف الله باليحبها؟ شوفي عمري انه اعرف انتي ليش سالتي هيج اساله لان انتي حاسه بخيبه امل جبيره فلذالك قدمتي كل هاي الاسئله وكتبتيهن من كل كلبج وانتي محتاره ومتعرفين شنو جواب

شوفي اكدر اكلج ان احنه عايشين ويه ناس اغلبهه واكثرهه تحب نفسهه تفضلهه ع الكل حتى لوصلت مرحله ياذون غيرهم في سبيل نفسهم وميهتمون الاحد ولايفكرون بمشاعر الغير ممكن ان انتي تصادفين اشخاص صادقه بحياتج بس صعب كلش بعد ماتمرين بقصص مزيفه وتجارب فاشله وممكن ان توصلين مرحله تايسين ان ماكو احد زين بعد ولااكو شخص صادق ولااكو حب حقيقي فلمن توصلين بهيج مرحله وتكونين انتي صادقه وتحبين من كل كلبج وحبج حقيقي ومشاعرج صادقه راح تلتقين بشخص حقيقي وصادق ويبادلج مثل هلمشاعر الحقيقيه

تركيزنا ع الاختيار الصح كلش مهم شوفي اليوم اغلب الناس هي عدهه فراغ وتعاني منه ومنهم العايش تجربه فاشله وبعده مامتشافي منهه ويحاول يسد فراغه وينسه حبيبه بيك وبعضهم يستخدمج ك وسيله حتى يحقق اهدافه وغاياته سواء غايات جسديه او ماديه
ومنهم الاشخاص الي ماتقدر وتقابل الاحسان بالاساءة والي يكونون نرجسييين ويفكرون بنفسهم بس ومنهم الشخص المتلاعب والخاين واحنه عايشين بمجتمع مختلف تمام عن العالم الي انت تريده وتفكر بي وتحاول تعيشه

العالم الحقيقي الي احنه دائما نحلم بي مانلكاه ويه اشخاص مزيفه العالم الحقيقي يكون ويه شخص حقيقي وصادق ويكتفي ويصون وانت تكون حقيقي وصادق وماتوهم الشخص وياك بالحب والاهتمام المزيف الي يكون بفتره وينتهي بعدها اليوم احنه كلش هواي نفتقد للحب الحقيقي وتوصل بينه مرحله نخاف من الحب نخاف ندخل بعلاقه ويكون شخص موصادق ومتلاعب صح احنه مرات نكول ان لازم تمر بعلاقات وتجارب حتى تتعلم اكثر وتوعى وتفهم الاشخاص وطبيعتهم واعرف الزين من الموزين بس اليوم احنه نكدر نكول تجربه وحده فاشله كافي تعلمك هواي اشياء انت متعرفهه وتفتح عينك ع هواي امور انت ابد مامنتبهه الهه اليوم احنه مانمتلك الطاقه الكافيه الي بيهه نكدر نحجي ويه اشخاص متعدده ونحاول نكتشفهم ونتعرف عليهم ونبحث عن شخص الحقيقي

لان تجربه وحده هي تستنزف بيهه طاقتك ومشاعرك وتعيش نفسك بوهم الحب الحقيقي والمشاعر الصادقه وتتوقع كل الخير وبعدين تجيك ضربه توعيك وتخليك تفقد ثقه بهواي ناس ماتتوقع اليوم ان نفسه الشخص الي يضحك بوجهك ويسولف وياك وتتوقع ان هوه نيته خير بعدين تنكشف حقيقته ويخذلك هلشي ابد موسهل ليوم انت تكدر تنسى اشخاص وتنسى علاقات وتجارب وكلشي بس الالم ماينسي ابد والدليل ان الالام الطفوله الي احنه عشناها احنه لحد الان مناسيهه الالم مستحيل ينسي مستحيل يختفي اثره فلذالك الخوف من الخذلان هذا شعور اكثر الناس تعيشه بس قبل لاتسلمون مشاعر واهتمام وحب اتاكدو من الشخص الوياكم ان هوه كفو ويستاهلكم ويستاهل كلشي صادق منكم

شوفي الحب مو شي سهل يعني مو اي شي يجي يكول انه احب ومرتبط وهوه مامعتبر حبيبه ولامكتفي بي ويتلاعب علي وللاسف هلفئه كلش جبيره وبسبب التقائنه بهيج ناس نفقدت ثقتنه وشعور الخوف مايفارقنه خوف من الحب بس مع ذاك ماننكر ان اكو حب واكو ناس زينه وصادقه وتحب من كل كلبهه وتعيش وياهه بصدق وتتمنه التقيت وياهم من البدايه بس كلشي بوقته حلو ومن تعيش تجارب فاشله راح تتعلم منهه ويصير عندك نضوج فكري وعاطفي

شوفي بغض النضر عن الاشخاص الخاينه بس هلكلام (مثل ماحبيتيني تحبين غيري )هذا المفهوم الاغلب يستخدمه وبسببه انضلمو هواي بنات حبو حب صادق بس هلكلام اكيد يجي من شخص ميعرف تقدير العلاقات والحب وموفاهم عنهم شي واله الشخص الواعي واليعرف قيمه الحب والعلاقه ويحترمج مراح يسيئ الج بهيج كلام هيه كل بنيه تمثل نفسهه وشخصيتهه اليوم اذا وحده او ثنين او حتى ١٠خانن اليوم هذن مايمثلن كل البنات وكذالك بالنسبه اليوم لاالشباب كلهم موزينين ولا البنات كل شخص وتفكيره وشخصيته...

[ملكةه]

راح اكلكم سبب اساسي بكل علاقات الحب والي هيه سبب اساسي الي حولت الحب من شي عضيم لشي تعيس كلشالتواصل؟
التيك توك
الستوريات التافه
شلون؟
لانه كلها فيدوات تافه اثرت على عاطفه البشر يعني كل فيديو اشوفه تعتبر الفيديو هذا صحيح ويمسك وبهذا المشاعر راح ياثر على مشاعرك بمفهوم الحب وشنو هو الحب ومع العلم اكثر الي ينزلون الفيدوات همه تافهين ما عدهم اي معلومه عن المشاعر او يقيسون حسب المشاعر الي مرو بيهم بس لذالك الناس بدت تتاثر من قصص تسمعها وفيدوات اشاهدها وخلت الشك يتعمق بداخلكم

[ملكةه]

"حين تختار الشخص الذي سيشاركك الباقي من عمرك، لا تختار الشخص القاسي مهما كنت تحبه ومتعلق به، ابحث دومًا عن صفة "الحنية"، الشخص الحنون الذي يهون عليك صعوبة الحياة ومشاكلها وضغطها، الشخص الذي يُداوي ويحتوي ويحس بك ويُراضيك، الشخص الذي حين تقع تجد يديه ممدودة لك، لا يُعطي فرصة لأي أحد أخر كي يسندك، كل شيء من الممكن أن يُعوض فالمال يأتي ويذهب والشكل يتغير مع الزمن ولا يتبقى سوى القلب الصادق الحنون، لا يبقى إلا الحب والأحتواء والحنان والرحمة والونس والدفء، وهم أهم شيء يبقي في العلاقات."

[ملكةه]

- شوفو اكلكم شغلة ع لحياة

هواي اشوف أشخاص يحبون الحياة وعايشين ومهملين المشاكل والسوء اللي بيها ومن ضمنهم اني يعني هذولة مو ما عدهم أحساس لو مرتاحين بس صدگونيي من گثر ما أذتهم الدنيا عرفوا بوقتها ماكو شي يسوة غير سعادتهم
ههواي أمور جانت بحياتي ما انام بسببها وبسبب التفكير ويا الوقت نحلت عرفت شكد جنت مضيع وقت بيها ، بس بنهاية كل شخص من عدنا الة طاقة تحمل معينة فا لذلك لا تحمل نفسك فوق طاقتك عيش حياتك بتكفخها ، بحلاتها ، بكلشي بيها ولا تنسى خليك دائما " قريب ع رب العالمين

اعظم شي ممكن سوي بحياتك انو تعيش ايجابي وتنطي نفسك أمل بكلشي يصادفك ويصير وياك تصير انسان قوي مسؤل ع نفسه ع اختياراته ع مشاكل ع ضروف لحياة الي تواجهه ما تعيش دور ضحيه ما تصير ضعيف وبس تتهرب من كلشي يصير وياك

[ملكةه]

سمعة أبوك الطيبة أغلي ميراث فلا تلوثها و لا تضيعها أو تضيعيها ...

إهداء للذين لايفقهون و يضيعوها مقابل تنازل عن الآخرة من أجل الدنيا الفانية ويتبعون خطوات الشيطان ..

ليس الورث مال فقط أحيانا تكون ؛؛؛

~♡سمعة أبوك الطيبة تكفي ♡~

وأينما تذهب أو تذهبي يقال لكَ أو لكي أبوكَ أو أبوكي من خيرة الناس

[تاليا♪]

بكل معركة تحتار بيها بين نفسك واشياء ثانية اختار نفسك
لان ما ممكن أن يخسر شخص اختار نفسه دائماً
كل شي زائل الاصدقاء ،الاحباء،الاهل،الاقرباء ونفسك فقط باقيتلك

[ملكةه]

انصحكم نصيحه صغيره

تعلموا تمشون بالطريق اللي يوصلكم
للرضا الذاتي لان رضا الناس غاية ע تُدرك .

يعني شسوي ما راح ترضي الناس

أي علاقة تدخل بيها انت الوحيد اللي تتحمل اغلاطها

يعني الاختيار صح يبنيك والاختيار لغلط يهدمك ويرجعك للصفر وافضلكم لدخلون علاقه وابني نفسك بنفسك وخلاص

علاقاتكُم بالماضي متنطيك الحق تظلم
اللي يعيش وياك بالحاضر

‏عيشوا ع طبيعتكم ترة ماكو جوائز
تصنع يخليك انسان فاشل خليك دائما ع طبيعتك

لا تخلون مشاعركم مالها رداد الأشخاص ما تسستاهل

ما تستتتاهل الاشخاص

من تنتهي علاقتك بشخص امشي وانت ما ناكر الجميل
امشي وانت ما تاركك علامة سودا بمكانك
امشي بدون ما تطلع أسرار وفضايح لان هاي مبادئ الناس الناقصة واللي ما عدها أصل
امشي وانت عايف بمكانك أثر بني أدم أبن ناس عندة مبادئ متربي عليها، لان بكل بساطة النهايات أخلاق

دائماً اختار گلب على قياس گلبك .

[ملكةه]

الوضع صاير غريب ، اليتزوج بعقل يفشل واليتزوج عن حب هم يفشل . والطلاك يصير لأتفه الأسباب ، يمكن لأن الزواج صار لأتفه الأسباب
بس بالنهاية عُمر راح يضيع وتجارب تتشوه وتخليك واكف بمكانك متتحرك بعد .
يمكن لأن من الاول منعرف شنو معنى الزواج وشنو الغاية منة بالمطلق .
اكثر الشباب يتزوجون حتى يشبعون رغبتهم الجنسية بالحلال
ويلكون واحد يحضر اكلهم ولبسهم ، ويعيش لحظات رومانسية بالفيس والانستكرام ، واغلب البنات يتزوجن حتى تخلص من بيت ابوها ويصيرلها مكان تحقق بي حلم الأمومة . بس اكو حد لازم نراعيه وندور علّي وميصير غرضنا من الزواج الجنس والخلفة
لازم نعرف اكو طبقة ثانية من التوقعات اسمها البهجة والسعادة والاكتمال .
يعني اَي علاقة مابيها بهجة وتفاهم متصلح ، اَي علاقة بيها تهديد مستمر متصلح ، اَي علاقة مابيها مستقبل وخطة عمل متصلح ، اَي علاقة منفصلة عن الواقع متصلح . اَي علاقة بيها شخص ينطي والثاني يستقبل متصلح ، اَي علاقة متراعي الفروق الفردية متصلح .الزواج نهاية رحلة المراهقة والتشرد
رحلة الوضوح والبصيرة . رحلة الانتقائية والوعي . نهاية الترحال وبداية الاستقرار ، نهاية الوحدة وبداية المعشر ، واتصورها رحلة نصير بيها بمرحلة من الوعي نختار بيها شريك حياتنا وماكو شي اسمة قطار الزواج فاتها ، ماكو شي اسمة ظل رجال
ماكو شي اسمة عوفها وازوجك اغاتها ، ماكو شي اسمة نجرب شهور واذا مااتفقنا نتعاوف ،
اكو مسؤولية وبصيرة ووعي ورجولة ومخافة الله
غير هالامور أبقى عايش بمؤسسة الأحلام مؤسسة الزواج تريد واحد يفكر بغيرة قبل ليفكر بنفسة

[ملكةه]

الأمان مو كاعد ببيتك وساد بابك وساكت، الأمان انت مرتاح يم شخص تحس وَيَا انت قوي، شخص تشوفه سند اذا تنام واذا تبقى صاحي تباوع بوجهه هوَ ونايمالأمان من تختار شخص اذا توكع يسندك اول واحد، من تضعف تحس واحد لازم ايدك قوي، ناس تتحملك بوكت انت نفسك ماتكدر تتحملها
وجود هالناس ضروري بحياتك وغيابهم عليك يتعبك ويسببلك اكتئاب، هيج شخص من تلكاه حافظ علّي،

مفتاح الباب من يضيع تكدر تسوي غيرة، بس مفتاح سعادتك اذا ضاع تبقى طول عمرك تشوف نفسك سجن.

[ملكةه]

من البداية آني طبعي هيج وهيج ، وعيبي فلان وفلان ، وأحب ٣،٢،١
حجاية شكد تبين تافهة وماتنفهم بس لو هالشي يصير قبل أي علاقة راح ترتاح هواية وتختصر وكت وطاقة وتفكير .

الغنى بالحياة غنى الصحة والبال الصافي ، اذا ركزت بحياتك بنظرة اعمق راح يتبينلك انت تستخدم كل شي بيها من ماديات حتى تملك صحتك ومعنوياتك

مطلوب منك تبقى محترم وتدير بالك من حجايتك للغير حتى لايزعل وياخذ منك موقف لأن هو بشر وانت مخدة طبية

اكبر انجاز بهذا وكتنا تبقى انسان محترم ، خّير ومتربي وحاط الله بعينك ، تكدر تميز الصح من الخطأ ، مسيطر على نفسك وسلوكك ومحافظ على كرامتك وسمعتك ، متحكم بأفعالك مو الناس متحكمه بيك ، دائماً عندك مسطرة اخلاقية ماشي عليها مهما تصعب بيك الظروف او شيطانك يبررلك حجج وأعذار ، وطول الوكت تجاهد تبقى شخص مستقيم رغم ماعايش بزمن بي الأحترام شذوذ وقلة الحياء مفخرة .