محد راح يدعمك الا وانت ناجح
محد راح يدعمك بالبدايه بي شي بالك
صيرو لسند لنفسكم وداعمين لنفسكم بكل الاشياء
للامانه شعور يجنن من تعتمد ع نفسك وتعبر اشياء صعبه بنفسك تعزز ثقتك بنفسك وتصير حاجتك للناس كلش قليله وتكتفي بنفسك واحله شي هوه الاكتفاء بالنفس
للامانه معلومه خلوها بالكم ٩٥ بالميه من لناس الي بحياتكم ما تتمنالكم الخير
"أيامٌ تسألُك .. وأيامٌ تنطيك الجواب."
اشياء اثنين تغير حياتكم : اولا : التزم بصلاتك
ثانيا : قرأت سورة البقره يوميًا
خل اكلكم اشياء لسوها بحياتكم
ابد لتخلي مجموعة من ناس تضحك ع صديقك بفد مكان ع ساس انت تشاقه ويا
مشاكلكم الي بالبيت لتحجوها لاي شخص خارج لبيت لان اسرار البيت تبقه بالبيت
اذا دخلت بعلاقة عاطفيه لتصير وين ما تكعد تسولف بيها لو تراوي صور الي تحبه الاصدقائك او هيج شي
اكو بعض الناس يزعلون منك وتروح تراضيهم وانت تعرف نفسك ما غلطان وهذا شي يصير لان انت تحبهم ومتعلق بيهم اما اذا تحسهم ما يطيقوك ولا يحبوك مثل ما انت تحبهم بس انت فارض نفسك عليهم اتركهم بدون تفكير لان صدك ما يستاهلوك
لتخلون شخص يدمر نفسيتكم يعني تصير بحياة شخص بس يلوم بيك بس يحجي عليك ينتظر منك الزله والغلط لبسيط علمود يحجي عليك هيج اشخاص ابتعدو منهم
لتتنمرون ابد ابد ابد لا بشقه ولا بحقيقة
اذا فد يوم شخص صار بيه موقف مو حلو كدامكم لتروحون تنقلو الخبر لغير ناس لو ضحكون عليه لان كما تدين تدان لتشمتون ابد
لتقطع علاقتك برب العالمين ابسط شي ممكن سوي صلي والتزم بصلاتك
لحد يثق ثقة عمياء ، ديروا بالكم تكولون لا هذا الشخص غير هذا يختلف مستحيل يسوي هيج وهيج ، توقعوا كل شي من كل شخص صدكوني هيج ما راح تنكسرون .
"عادي تتزوج وتنفصل عادي تختار تخصص وتغيره عادي تستقيل من وظيفة الأحلام لأنها ما ناسبتك أمور كثيرة نعتقد انها تلائمنا ونتراجع عنها عادي، لآخر يوم بعمرك وانت مسموح لك تجرب وتغلط وتتعلم كثرة التجارب لا تعني الفشل " العمر طويل واستحالة أن يقضى على منوال واحد"
سبحان الله الشخص اذا طاح من عينك حتى ملامحه تتغير!!
تنگال الكلمة وتنّسي، ونعتقد ان اللي سمعها مو مهتم.
لكنه مهتم، ومتأذي، ومكسور خاطره.
فكّر ألف مرة قبل ما تأذي غيرك، لأن كل شي ممكن يطيب إلا أذى الكلمة الجارحة، والوصف المسيء، يبقى يرن صداه حتى بعد سنوات.
كل شي بالحياة دين،
اللي يوهبك معلومة، اللي يوگفلك بموقف زين،
اللي يخاطبك بكلمة طيبة، اللي يقدرلك مواقفك، اللي يسندك بغيابك، اللي يلزم ظهرك، ويحفظ سرك، وحتى اللي مجرد يعذرك.
كل هالمواقف ديون
تحتاج منك تكون ممنون لأنك صادفت مثلها،
وتكون ممنون همين لأنك مقدّرها، وتسعى لسدادها.
تمسك باصحاب الوجه الواحد ، و الموقف الواحد ، و القلب الواحد .
محد راح ينسى الإيد اللي ساندت ، والإيد اللي تركت .
“كسر الخواطر بمثابة خطأ طبي الاعتذار فيه لا يرد عافيتك”
ماكو شي بالحياة يقتل روح الإنسان بگد المكان الغلط و الأشخاص الغلط .
ماكو شغلة عدت عادي كل شغلة
صارت فا هييَ تركت اثر
مُمكن اتقبل منك كلشي
بس إلا الاستغلال والچذب
هييَ مره راح تقوى وتحذف أعز ذكرياتك وبعدها يصير كل شي عندك عادي .
هو صح الصبر صعب بس الاستسلام اصعب بهواي .
-خل اكلكم شي وحاولو تفهمو
احيانا بينك وبين نفسك تباوع على شخص وتتمنى لو تصير بمكانه وتكول هنياله ، وهو بنفسه مراضي على حياته اللي انت حاسده عليها ويكول اتمنى لو اصير مثل فلان ، واكو واحد بينه وبين نفسه يباوع عليك ويكول اتمنى اصير بمكانك ويحسدك على حياتك اللي انت مراضي عليها ، احنه بصعوبه نرضى بالموجود ومحد بينه يكول الحمد لله على كل حال .
والنهايات اخلاق رغم كلشي يصير بينك وبين شخص لتذكر الشيء السلبي بالعلاقه بس اتذكر لمواقف لحلوه الي بيناتكم وادعي الله يوفقه وخلاص
خلو ببالكم قبل متاخذون شي انتو تريدو لازم تكون عدكم قوة حتى تحافظون بيها عليه ، واذا صار شي وفقدته لازم تكون عندك قوة ثانية حتى تتحمل بيها الفقدان ، اذا ماعندك هلشي فنصيحة ابقى كاعد وساكت .
لو ماكو لحضات صعبه وتعيسه مجان صار للحظات الحلوه طعم ف دائما اتقبلو كلشي يصير وياكم صيرو اقوياء
انت عايش بقطار . ناس تصعد وناس تنزل ناس تضحكك وناس تبجيك . ناس تبتسم بوجهك وناس توهمك حتى تصدكها وتكومك من كرسيك حتى تكعد يم الشباك تعود
و الاهم من هذا كله تكون صديق لنفسك و ماعندك مشكلة تبقى وحدك وتعرف شلون تقدر نفسك وشلون تفرحها وتعرف تهون عليها وتتقبل مصايبها وبطل تتوقع الاحسن من غيرك وتعيش شوية لنفسك.
وبالنهاية مالك سند غير ظهرك ، ومحد راح يمشيك غير رجلك ، ومحد راح يعينك غير ربك .
:حتى الأشخاص الذين تظن إختيارك لهم صحيح وتشكَر الله على الصدفة التي وضعتهم في طريقك، هم بطريقة ما، إختيارات خاطئة. سيكشف لك الزمن هذا إما في وقت مبكر جدًا أو في وقت متأخر جدًا.
يارب إن عظمت ذنوبيَ كثرةً
فلقد علمتُ بأنَّ عفوكَ أعظمُ
إن كان لا يرجوك إلا مُحسنٌ
فبمن يلوذُ ويستجيرُ المجرم؟!
دائما تبدو هادئاً ، وكأن ما يحدث حولك لا يعنيك ،
لكنَّك لست كذلك .
تعلمو لجاملون ابد بحياتكم ولا ع مصلحتكم ولتئذون نفسكم علمود ترضون غيركم
فكرة الرب العالمين موجود شكد مريحه
يعني تخيلو شكد ما تتعب الك عوض عند الله
حاليا بهذا الوقت الصعب ، رتب نفسك ، صير ذكي ، مارس الرياضة ، خطط لحياتك ، حافظ ع صلاتك ، احترم امك وابوك ، صير بطل لان بعد سنوات قليله تكون انت الفائز وتشوف البعض ضاعو لانو ما سوو الي سويته انت سوي شغلات ترضي الله ، لا تمشي بطريق السوء ابد ،
ما اشوف شي أعظم وأحلى من شخص اختار انه يتجاوز ابتلاءاته ومشاكله النفسية بمجرد ما وعى عليها..وبالرغم من كونه فعلاً ضحية ، إلّا انه اختار ما يبقى ضحية وما يضل تعيس ، وقرر يتخطّى الابتلاءات اللي انحط بيها غصب عنه..
ويمكن تلگاه يفشل هواية بالطريق وما يوصل ، إلّا انه دايماً عنده أمل ويبقى متحمس انه يتجاوز الوضع السيء..
ويكون شايف انه إصلاح نفسه مسؤوليته هو مو مسؤولية غيره..
ماكو أعظم من شخص يشتغل على نفسه ويحاول يحسّنها دايماً..
تذكّر انه اللي إنت مريت بيه مو قليل ، خليك فخور بنفسك
رد مع اقتباس