الاول من يجيك تعب وتتمرض تتمنى ترجع صحتك عادية
شكد العادي بحياتنا طلعت نعمة جبيرة ماحاسين بيها
الثاني مااقتنع بفكرة اتعب هسه وظهرك ينكسر حتى باجر ترتاح .
لأن بالأصل ماكو راحة مضمونة ، اني مؤمن مثل ماطاقتنا وتعبنا لازم نستغله، فالمفروض نستمتع بي بشبابنا ،
فلوسك ونجاحك وانت عابر الأربعين مابيهن طعم مثل ماانت شاب .
اتعب وارتاح بشبابك ، وجمع وسافر بشبابك لأن ماكو لذة راحة بعدين ، واحتمال جبير ماكو شي بعدين .
جان عندي ساعة كلش احبها وغالية عليه ، 24 ساعة جانت بيدي حتى من انام أنسى وابقى لابسها ، يوم من الايام خلص الباتري مالتها ، نزعتها وخليتها بكنتوري ، يومية اكول احطلها باتري والبسها مثل قبل وانساها ، بالبداية من نزعتها حسيت اكو شي ناقصني ، اتخيل ايدي بيها نقص ، مرة التهي ، ومرة اكول باجر اوديها ، ومرة اكول ليش مستعجل عليها ؟ هي موجودة بالكنتور ماراح تختفي ،
تعدي شهور وبقيت اتذكر فرق لون الجلد اول منزعت الساعة
قبل ايام بالصدفة صارت كبالي ، اللمعان الجان بيها كله رايح ، السير صاير اصفر ، صاير عليها تراب خلى شكلها مو نفس الساعة الجنت احبها قبل ،
قيس هذه الشي بعلاقتك ويه البشر ، تلكه المشكلة صارت من وره شغلة صغيرة ، بس نتيجة العناد والمكابرة والوكت اليعدي تنخلق جوانا طبقات من القسوة ،
قسوة تخليك تخسر ناس عافوا علامات جوه روحك ،
الخوف سفينة من الخراب متوصلك المكان ،
الحجاية الميقتنع بيها عقلك لتفرضها على لسانك ،
والوحدة الصادقة ويه نفسك احلى من الوحدة المخدوع بيها ويه الناس ،
والفرحة الماتجي من داخلك يعني بعدها ماجاية ،
والفرحة بالمنظر لحظات متدوم ،
الرزق المايجي بتعبك رب الحرام ،
والحب اذا يتداول تجارة يصير ،
كل رخيص تشتري تبيعة بخسارة ،
واخر شي
، ديربالك تعيش ظالم ، وأبد لتعيش مظلوم
الحكمة والنصيحة الاخيرة التكولها النفسك بشغلك وبالشارع وبالمخبز وقبل لتنام . اكبر شوية وبطل تتعلق وتبني آمالك على كل انسان . اخفي كل شي جواك وره مليون قناع ، لتبقى سهل ومتاح وفطير ، اتعلم تخلي الكدامك يشوفك صعب وخطر وغامق وعميق مثل غيرك ، ودوس على مشاعرك بالحذاء ، ماكو عصا سحرية تحققلك أحلامك ولاتنتظر كلام يريحك ولا كثرة علاقات راح تنطيك نتيجة لو توصلك المكان ، احضن كرامتك وشخصيتك ذني الحاجتين اذا اختلفن بيك ماراح ترجع نفسك بعد .
كرامتك و شخصيتك اهم حاجتين بحياتك
اكو بنيه صارلها فتره قافله عالنصائح ما اعرف شبيها
نحن لا نتعلم بالنصيحه نحن نتعلم باللالمالمشاركة الأصلية كتبت بواسطة ❤أمًــــوٌريَ❤
اكو بنيه صارلها فتره قافله عالنصائح ما اعرف شبيها
كافي الخاطر الله كافي كااااافي
لا تخلي احد يشاركك اشيائك حتى لو جانت تافهه لا تخلي احد يدخل لعالمك .
لو أحلامنا شافت شكد نتعب و ندعي حتى نوصللها چان هي الي حلمت بينا
الإنسان لازم يعيش حياتين .. في أولهما يجمع التجارب وفي ثانيهما ينتفع بما جمع من تجارب .
فوبيا تكوين علاقات جديدة
سوف يتم تكرار الدروس في الحياة حتى يتم تعلمها .
احلى شي بالحِياة الصدفه
ثنين بالحياة اذا قدمتلهم
كل شي تملكه لا راح تندم ولا تخسر
أولآ رب العالمين
ثانيًا عائلتك
دائما صير انسان كتوم لتنطي سرك لرايح وجاي
كل شيء في هذه الحياة مجرد ”مسألة وقت” وبعد خلاص إما تعتاد أو تتجاوز أو تنسى أو تتناسى
حاول تدرك معنى العُمر و الحياة مرة لا تضيع أي فرصة واصنع لنفسك بكل يوم شيء جميل ولو بسيط و اخلق القناعة بداخلك انك بتعيش بل حلوة و المرة .
اللي ينصحك مو ضروري يكون كامل ، بس يمكن ينطيك شي يقرُبك من الكمال .
رد مع اقتباس