تكدر تقيس قوة تحملك بالتكدر تشيله ، وقوة روحك بالشي التستحمله، الله ينطيك البرد على كد غطاك ، وعلى كد ابتلائك يوهبك قدرة عالصبر ،
انت تحاول ، والله يشوف ، وهذه يكفي.
تكدر تقيس قوة تحملك بالتكدر تشيله ، وقوة روحك بالشي التستحمله، الله ينطيك البرد على كد غطاك ، وعلى كد ابتلائك يوهبك قدرة عالصبر ،
انت تحاول ، والله يشوف ، وهذه يكفي.
حبيت انقل الكم تجربة شخص اتكللت بالفشل وتصير عبره لغيره
هو مرتبط بوحده من البداية كلتله اني ماعندي احد بالحياة بس امي وابوية وعندي ثقة بيك تصير سند الي ، بعد سنة من علاقتهم صارت مشكلة بيناتهم ، مشكلة اتحكمت بيها المزاجية من وراها صار بينهم جفاء محد يحجي ويه الثاني لحد ماهي اعتذرتله وهو بقى مُصّر على زعله تجاهه بدون مايجاوبها
بعد ست اشهر حتى يثبت شخصيتة القوية سأل شخص قريب عليها ، تبين والدها اتوفى من فترة قريبة وبعدها بأربع اشهر اتقدملها شخص كرايبها وافقت علّي واتزوجت ،
شخص من موقف بشدتها وكف وياها وصارلها سند وحست بالأمان تجاهه مقارنة جانت ويه شخص سنين عنده انانيته وكبريائه اهم من كل شي بالتالي هسه متندم لأن راحت من ايده
من اغبى الأمور اليوكع بيها البشر للناس اليحبوه بسبب مشكلة يبتعد فترة طويلة يخلي الطرف المقابل يواجه كل تقلبات الحياة وقسوتها وتجاربها لوحده ، ويرجع وكت مايريد وهو متيقن راح يشوف نفس الانسان العافه ، لا مو هيج
الم الوحده يكبر ويعلم ويقسي ، ويغير كل شي بالأنسان الجنت تعرفه
هواي ناس تعرفهم من البداية تنبهر بأختلاف تميزهم ، بحجايتهم واهتمامهم ووعدهم ، صحيح ذني الامور حلوة ومنختلف عليها
بس وراها نكتشف كل هالامور مؤقتة ، مرحلة وكت مو اكثر .
احنه نريد ناس بحياتنا عدها مبدأ ، ناس متخلينا نتعود على نظافتهم وميخلونا نرسم صورة ونقتنع بيها وبالاخير نشوف شخص غير هذه الرسمناه بالصورة ، وكتها راح نتغير ونخاف .
الحقيقة شكد متشوفها مؤلمة شكد ماهي احلى من مليون شي مزيف وباهت ، الانسان الماواثق من نفسه شلون يريد يخلي العالم تثق بي وتتقبله ؟ الثبات اهم الف مرة من البدايات
الردود المحترمه للعالم وجبر الخاطر مو اله تنربط بحب الشخص او مصلحه وياه
الموضوع يعكس ويبين تربيتك وبس
مرات استغرب من نهاية علاقات المفروض متنتهي ، استغرب شلون حالات طلاق تصير وره عشر سنين لو اكثر
اكول ليش انفصلوا هسه مو من البداية ؟!
لو اصدقاء العمر بلحظة واحد ميحجي ويه الثاني بعد ومحد يكدر يرجع علاقتهم للأبد ، لو على مستوى الكرايب والجيران وحتى الأهل تشوف اخ ميحجي ويه اخوه لو اخت متحجي ويه اختها سنين ،
بقيت استغرب الحد ماوصلت الحقيقة اكو شي بالعلاقات اسمة "الرصيد"
علاقتك بأي انسان يحددها رصيد مرتبط بمعزة الشخص وسلوكة وياك ، كل ماالتعامل يبقى محترم يزيد هذه الرصيد والعكس ،
كل ماالتعامل يبقى بلا تفاهم وسوء سلوك ينقص .
الشخص المتأكد منك من يتمادى ويجرح ميدري لاارادياً ينقص من رصيد محبته بداخلك ، يتصورك فاتورة تمتد بلا نهاية وطبعا العلاقة تستمر الحد ماالرصيد يصير صفر ،
حافظوا على علاقاتكم ويه الناس التغفر وتسامح ،ولتتصور طول العلاقة سبب كافي لأستمرارها ،
زيدوا رصيدكم بالرحمة والأحترام ، اليشوفك بعين الجبيرة
يكدر بلحظة ايحجمك
مو هواي كررت كلمة رصيد
اهم شغلة بشريك حياتك او صديقك او رب عملك هو ….
ايمانهم بيك . احنه عايشين بنص ناس نتعامل وياهم بشغلنا بتجاربنا وبكل علاقاتنا . محد ينكر الدافع اليجيك من نظرة الناس عليك . هالنظرة كفيلة توجه مسار حياتك للطريق الصحيح
لتدور على شخص يطلع بس مواطن الجمال الشايفها بيك . دوّر على واحد يشوف بيك اخطاء ومقتنع راح تتجاوزها . دوّر عاليلتمسلك عذر مو بأول خطأ يغير نظرته بمزاجة . او يغيره موقف عابر بخطأ ممقصود .
اذا عندك هيج انسان حافظ على علاقتك بي . اكثر البشر تبين حقيقتها بأول مرض . بأول وفاة . بأول أزمة . قبل ذني الأمور كلها أصدقائك وكلها معجبة بيك .
الثقة خربت حياتك مرتين ،
الاولى من وثقت بناس ماتستاهل
والثانية من بطلت تثق بأي واحد
وضيعت منك الناس التستاهل
بنهاية كلمن حر باأختيارة الغلط
مثل شيرين يعني !
مااتصور اكو شي مهم بين اثنين اهم من القناعة والأكتفاء . الأعجاب ينتهي ويزول
الحب يروح ويجي
الاهتمام رغبه وينمل
الوفاء درس للمجهول
ذني كلهن رصيد بداخلك للمقابيل بس الاكتفاء يبقى عندك مثل الحواس .
تضيف شخص الحواسك الخمسة يصير سادسهن
اسمة الأدمان
الأنسان النظيف من تظلمة
لو تشتري الدنيا كلها
يخليك تحس بذنب طول عمرك .
الخذلك وعافك راح يعيش مرتاح . راح يسولف ويغني ويركص عادي ، راح يحب وينحب ويتزوج ويخلف .
ميتذكرك بعد وتدمع عينة والحنين ياخذه ويرجعلك .
ولاضميرة راح يأنبه ويظل سهران الخاطرك.
كل ذني الامور كلاسيكيات اصدقائي . زمن الاسود والابيض
زمن مسلسل هستيريا وسجاد وغسق ، اكبروا شوية واتعلموا
عوفوا الامور تمشي وتمّر ، بطلوا اتابعون اخبارهم وتربط نفسيتك بتفاصيل حياتهم .
هم مو صغار ولاانضحك عليهم . هم يدرون زين المن اختاروا منو وليش .
الدور بقى عليكم تتعلمون الدرس وتشوفون مصلحتكم ورزقكم
وتختارون مرة وحدة بحياتكم صح .
بس مرة وحدة .
اصحو ع نفسكم ليحبك ما يعوفك
وليعوفك ما يستاهل تبقه تراقب بي
مريم العذراء هي اكثر امرأة اجتمع على حبها المسلمين والمسيحيين وغيرهم من البشر ، اجتها الملائكة كلتلها : يامريم ان الله اصطفاكِ وطهركِ على نساء العالمين . اكو عظمة اكثر من هيج شي ؟ الأنسانة الوحيدة الي اتسمت بأسمها سورة كاملة بالقرآن الكريم
الله خاطبها من حملت بالمسيح وعانت صعوبة بالحمل ( وهزي إليك بِجِذع النخلة تساقط عليك رطبا جنيا ، فكلي واشربي وقري عينا ) شوف الله الرحيم راد يهون عليها من كثر الضغط الصار عليها من كالت ياليتني مُت قبل هذا وكنت نسيا منسيا
الله دللها بقوله تعالى . فكلي واشربي وقري عينا ، ليهمج شي اكو اليباوع عليج ومينساج .
خلاها تهز جذع نخلة بالشتة الي هو مو موسم التمر والمعروف النخلة ماتثمر اله تتلقح بنخل الذكر ، حتى يأكد معجزتة الها من حملت بدون ميمسها بشر مثل هالنخلة .
الدرس المستفاد من امنا مريم عليها السلام ومحنتها بمواجهة العالم ، الي وياه الله ليخاف ،
والله العظيم ليخاف .
المشاركة الأصلية كتبت بواسطة زنـہوبـہهہ
حتى وأن كانت أيه من القرأن ركعتين دفع بلاء
مو شرط مبلغ من المال
حلوه الفكره زنوبه
بالضبط حبيبتيحتى وأن كانت أيه من القرأن ركعتين دفع بلاء
مو شرط مبلغ من المال
حلوه الفكره زنوبه
انرتي واشرقتي
تريد تتزوج ؟ يعني عندك صفات شلون تريدها من الاول لترتبط بوحدة سمينة وتروح تخطبها وتكلها لازم تضعفين لأن مستعجل عالزواج .
لترتبط بوحدة تلبس بناطير وبديات وتكلها اذا استقر وياج لازم تلتزمين ، اني احب زوجتي ملتزمة تلبس عباية .
لتاخذ وحدة تحط مكياج وتكلها لتحطين مكياج لأن اغار عليج .
ممجبور تتزوج وحدة تشتغل وتطب وتطلع بكيفها ، تكلها لا اريدج تبقين بالبيت ومتطلعين بعد .
لتروح الوحدة ضعيفة تكلها اسمني اني احب الجسم المليان
لتروح الوحدة كصيرة تجبرها تطول ، لتروح الطويلة تكلها لتلبسين كعب عالي حتى لتصيرين أطول مني .
ممجبور تفرض شي على غيرك وتاخذه بالكوه ، تريد شي ببالك دور والكه ، ميحتاج تنتهك خصوصية انسان واتعب واحد وياك حتى يناسب ذوقك .
رد مع اقتباس