مواقع التواصل بالعراق دمرت عقول الناس ، ماكو شي سهل ، ماكو شي اسمه احترام ومرونة وتقدير لموقف
لازم تنزل الحاضر والغايب حتى تشوفه العالم انت مشتري وحده مو زوجة تصونك وتعيش وياها بستر وسعادة ،
لازم تصعدين بسيارة تشوفيهم الحلقة على اغنية نور الزين حتى غيرج يضوج وتلبين تفاهة تفكيرج
لازم تمدح زوجتك كدام الناس وانت اصلاً ماتحترمها بالبيت ، لازم تنشرين الاكل السفري من صاج الريف ببيتج وانتي افشل ام وزوجة، لازم تنشر رسائل بينك وبين واحد مات وبالواقع جنت ماتديرله بال
لازم تنشر كلمتين من كتاب وتبين عمق ثقافتك الواصله واليختلف وياك تغلط على امه وخواته
الشك مالي گلوب الناس من وره الفضايح وعدم اخلاقية الغير ، مابقت لاثقة ولا ود بين البشر ، اليتصنع هو اليفوز واليبقى حقيقي تنفر العالم منه
وصار كل طرف ينتظر الطرف الثاني يخطأ حتى يتهمه بكتلة اسماء ومواقف يحس بأنتصاره بيهن
بيوت ادمرت وصداقات انتهت وموده راحت على مود بوست وردّ
نصيحة ، اشردوا ، ابتعدوا عن كل شي تحسه متنفس وهو بالواقع ياخذ من سلوكك ومزاجك وتربيتك
ارجع دك الباب على صديقك التحبه الماعنده متابعين والمايثير جدل ، امشوا واضحكوا وسولفوا
الضحكة الطالعة من الگلب مو على بوست تجامل بي واحد نكرة عالفيس
حبوا عادي واتزوجوا عادي وعيشوا وموتوا عادي
هذا العادي المايتثمن بس تفقده تبقى للابد مريض الفيس ومريض الانستغرام ومريض العالم الافتراضي وتكتشف نفسك بالاخير عايش داخل (بوست ) جبير وتنتظر اللآيك من الناس بالشارع .
احب الانسان العادي الانسان البسيط الي يفرح وياك ع ابسط الاشياء والي ما عايش بهذا المرض النفسي بمواقع تواصل وسالفه تصنع كدام ناس
لمن تنتهي العلاقة بينج وبين الشخص الي تحبي
ابداً لا تبين كسرتج اله ابداً لا ترحين تعطلين حسابج ولا ترحين توخرين صورة الحساب ولاااا تنزلين حزين ولاااا تنزلين صور وعيونج ادمع ولا تنزلين فيددد بي گلب مكسور ولا تحاولين ابداً تنزلين حزين علمود يتشفق عليج ويرجع الج
لان هووو لو يحبج مراح يخليج هو لو يحبج مراح يكسر داخلح هو لوو يحبج مايخليجج بهيج حاله صدكيني الي يحب يكون حنون ؏ُ حبيبه مايقبل الحزن اله الي يحب يجبر مو يكسر
فـ لمن تتعرضين لهيج كسرى ضميها بينج وبين نفسج ابجي وحدج انهاري وحدج لا تكتمين بسس لا تبين الاحد هذا الانهياررر واطلعي بكل قوتج لدنيا انشري واتونسي وانشري انتي مرتاحه حتى لووو جان عل شيء العكس لان الرجل يفرح ويحس ب انتصار لمن يشوف ابنيه مذلوله علموده
لا تنطي هذا الانتصار انتي انتصري علي بقوتج وثباتج انتي اقوه من انووو يكسرج شخص تافه انتي اقوه من سوالف تشيلين صوره او تعطلين حساب اعتبري حدث تافه دوسي وكملي
اذا تحبها خلي البنات يغارون منها مو تخليها تغار عليك من بنات مايسوون فلس،
اذا تحبها دك بابها بلحلال،
اذا تحبها لتخليها تطلب منك الاهتمام
( انت اهتم بيها) بدون متكلك،
اذا تحبها لتكسر كلبها وتعوفها لان كلبها كلب طفله،
اذا تحبها راح تشوفها ملكه جمال مايهم اللون والشكل،
اذا تحبها لتعوفها بسهوله خليها تارسه عينك حت لو بيها عيوب لتغلط وتزعلها علمها الصح من الغلط ترا ماكو انسان ميغلط والله،
اذا تحبها دزلها رساله وهيه نايمه كللها شكد تحبها وشنو هيه بالنسبه الك
شوفو خل اكلكم شكم شي ؟
الاشياء الي تفرحكم وتحبوها خلوها سر دائما لتسولفون بيها لاي شخص لان كلشي بالسر يدوم
وكلشي تعرفه ناس تخربه
لا تبالغون بحزنكم ولتعيش دور لمظلوم ولا تشكي هواي
احنه دائما بالفرح ننسه رب العالمين وبالحزن واوقات الشده نتجهه لرب العالمين ف الحزن اللي يرجعك لربك احسن بهوايه من الفرح اللي يبعدك عنه
دائما الاشياء الي تجي بسهوله تروح بسهوله
ما اقصد بس الاشياء الاشخاص همين
انت مراية نفسك لغيرك تعرفون يعني شنو
كل ما تحب نفسك راح تنحب بنفس القدر من الناس
كل ما متحب نفسك وثقتك بنفسك مهزوه
راح ناس متثق بيك وما تخلي لنفسك قيمه
انتهت لحياة ؟؟؟؟ لا طبعا
كلمة "شخصيتك حلوه" احلى بهواي من واحد يكلك انت حلو شكلاً او مظهراً . واحد يكلك اني معجب بعقلك او يكلك شكد تعجبني طريقة تفكيرك . احب رزانتك ، اختلافك كلها اشوفها مميزات بيك .
لو واحد يكلك تعجبني طريقة عملك ، مثابرتك بشغلك ، لو روحك حلوه والمكان صار احلى بوجودك
لو واحد يحب طريقتك من تتعامل ويه مشكلة بهدوء من غير ماتنفعل
والاحلى من واحد يكلك انت مثله الأعلى بالحياة
كل ذني الأمور هوايه احلى من كلمة انت حلو
لأن جمال الوجه والجسم ميغير طبعك بس جمال الجوهر راح ينطبع بملامحك ويخليك كلك حلو .
اذا عرفت واحد من أصدقائك مهمومادفعله صدقة بنّية تنحل مشاكله بدون ماتكله .
بالمطعم من تصيح الويتر " من رخصتك " ومن يجيبلك الطلب كله "شكرا" هو منتظرهاواذا نزلت طبق اكلت منه لكمتين وشبعت اخذه سفري وانطي لأي فقير بالشارع . واذا كدامك محل جبير يبيع شغلة انت رايدها وشفتها يم بسطية اشتري من البسطية ولتوكف على الف والفين وياه ماراح يحلن ازمتك الاقتصادية ، واليمد ايده ومتريد تنطي ابتسامة وكله الله ينطيك ، احترم ضعفه وانكساره وخل يروح بأدب
الراحمون يرحمهم الله .
عيش شكد متتمنى ، بعد خمسين سنة نص سكان الارض مدفونين بكبورهم ، ووره ١٠٠ سنة اَي مخلوق عالارض يصير جوه الكاع ، راح تعيش غير ناس اخذوا بيوتنا ومشوا بشوارعنا واشتموا هوانا ويمكن كنتورك والكرسي الكاعد علي يعيش اكثر منك ، انت تصير ذكرى وهو يصير انتيكه !
بعد ليش هذه الحقد والنقص والجبروت والظلم على البشر ؟
ركز عالينفعك وانت جوه الكاع مو من تبقى فوكاها
انت بأي لحظة بقضاء الله وقدره
كل ما تعمل zoom جوده تقل
والناس كذالك كل ما تتعمق بيهم يقل
اعجابك بيهم ف كل شي من بعيد احلى
لتنطي لشخص كلشي ، حتى متخسر كلشي
ميزة الذكي أنه يستطيع دوما يتظاهر بالغباء .. لكن العكس صعب جداً
هل يُدرك الجسر بن بين الضفتين خصام ؟
حين يموت بداخلك حب عظيم ، فإنه يخلق منك
شيئين ، إما عاشقاً عظيماً ، أو عظيماً لا يعشق !
يأخذ من حجمك ، من تمنحه أكبر من حجمه.
رد مع اقتباس