لعد ليش يدورون حلواتالمشاركة الأصلية كتبت بواسطة ❤أمًــــوٌريَ❤
لعد ليش يدورون حلوات
للتسليه... اذا لم تكن تهتم به سيتركها ويبحث عن غيرها حتى وان تزوجهالعد ليش يدورون حلوات
احله شي ممكن تسوي بحياتك ،
انك تعيش الحاضر ،
تعيش اللحظه تشوف جمال الي حواليك
لا تظلم نفسك بالتفكير بالماضي الي راح
ولا بالمستقبل الي بعده ما جاي أصلًا
عيش الحاضر ، واستمتع
ترا الانسان تتعدل نفسيته بكلمه وحده وتكدر تدمرها بكلمة وحده فالله يخليكم فكروا وثمنوا و اوزنوا الكلمة اللي تطلع منكم قبل متكولوها لأي شخص
يجي وقت وتنضج ، وتفهم شوكت تترفع وما ترد ، تفهم بأنه رزقك جاي حتى لو جرب أحد يمنعه ، تفهم بأنه أكو أشياء متستاهل التضخيم وتكوم تعرف شلون تمشيها ، تفهم كيف تتخلى بدل متعاتب ، تفهم أنك تفرح لنجاح غيرك وأنه الأرزاق اللي مقسمها الله متتعارض ، تفهم بأنه حياة غيرك ملكهم مثل ما حياتك ملكك ، تنضج وتعرف قيمة وقتك ، وتخلق عالمك اللي تعيش بي وَيَا كم شخص يشبهك وأحلام يشبهوك ، حتى يكون وجودك بهالدنيا راقي ، وتفهم أنك خضت حروب هوايه ، وتستاهل شويه تعيش بسلام.
عيشو بسلام
ليش تشكي همومك لشخص حتى بالاخير يكلك الله يعينك ، خوب من البداية واشكي للي يعينك وفضها !
معنى تصير انسان مبتسم
مالها علاقة انت بحياتك سعيد
گلبك الجبير اليغطي على ضيقتك
عندي إعجاب لاارادي لأي انسان متواضع . المتواضع بعيشتة وبحياته ، الكل همهم يعيشون حياة مستقرة بدون مبالغة .
هيج ناس بس هم اليعرفون يعيشون حياتهم صح ، رغم امانيهم البسيطة ، وهالأماني والاكتفاء هي المخلية حياتهم الها طعم خاص
لأن صدك تتحقق .
بعد كل انكسار وصدمة وخسارة بمعارك الحياة الكبرى لازم تطلع بره السياق وتوكف على صفحة شوية ، ترتاح وتاخذ نفس وتسترخي ومتحكم على وضعك بلحظة ضعف ، من تشوف نفسك تعبان لتكول بعد ماعندي واهس للعطاء
من تحس انت مرهق ومالك واهس للشغل لتصور هذه آخر المشوار .
كل السالفة انت محتاج بيها مساحة بيضة مابيها مسؤوليات
هدنة للنفس بدون تأنيب ضمير ، وهذه الشي مو عيب ، كل مرحلة لازم تخلص حتى تبدي غير مرحلة ،
اركض واضحك ونام هواية واكل بشراهة واتفرج برامج تافهة ومسلسلات ، أشحن روحك من جديد شغف وحياة ومن تشوف نفسك اتوازنت راح تهدأ وتضحك وتثكل بتفكيرك ،
لازم تعرف نهاية اَي طريق هو بداية طريق ثاني ، وانتهاء اَي تجربة معناها ماتكدر تنطيك اكثر من الاخذتة منها .
وبالنهاية ماكو شي متتعلم منة سلبي لو ايجابي ولاتجربة تمّر اذا متنطيك درس تستفاد منه بالمرحلة الجاية
بعلاقاتكم الاجتماعيه لازم تعرفون بأنه اكو اشياء تكولوها لكل الناس واكو اشياء تكولوها لبعضهم واكو اشياء متكولوها اصلا .
لتسمحون لأي أحد يعاملكم على حسب تقلباته المزاجيه
اقتنعو بن الايام تتراوح بين الحلوه والمره ، ابتعدوا عن اشباه الاصدقاء ، تخلصوا من العلاقات اللي تحسوها مجرد ثقل على قلبكم ، حاوطوا نفسكم بالصادقين باختصار .. حسنوا حياتكم اخوان .
اخر شي لليوم اكوله الكم هو سوال الكم وجاوبو عليه بينكم وبين نفسكم تعرفون بالحياة من رب العالمين كما تدين تدان اذا صار بيكم الاشياء الي انتم مسويها راضين ؟ اذا راضين اهنيكم بهذا شي واذا ما راضي بهذا شي ف ثق كلشي سوي توقع يصير بيك
صحح اغلاطك
لتصيرون حالكم حال مجتمعنه المعاق
الي يعيش هيج
يدرس
نت
اكل
حب غدرتني او غدرته
صديق غدرني لو سوي بيه كذا شي
لو اهل ورايح وجاي سولفله ع مشاكل اهلك
ولتصيرون عايشين بحياة غيركم وفلان سوه كذا باع هذا عافته فلانه باع هذا رسب هذا شتغل هيج هذا منيله هيج والى ما لا نهايه عيش بحياتك بس عليك بنفسك بس
ادرس بس بطموح
نت مو بكل وقت وحاول تستفاد منه
اكل بنيه او ولد يكدرون يتمرنون طور نفسك
حب عوفولي قصص مهند ونور اغلب ناس يحب الف مره ترا هذا گلبك ومشاعرك لترخصهن
صديق اختار صديق صالح يصلحني ما اصادق الي بس ضحك وبس ع لحلوه وبالمره ما تلكى
الاهل ماكو بيت يخله من مشاكل صير مسؤل ع نفسك وي اهلك ما يحتاج تعرف ناس كلها ع عائلتك
عوفو الحياة سلبيه وروتين يتكرر يوميه غيرو من نفسكم
( ﺂلحُـــ♥ــبَ ) : ھٓو ﺂلمبآرآه ﺂلوحيدهُ ﺂلتي ﻟآ ﻳمكنَ ﺂن ﭠنتهيَ ﺑـ ﺂلتعآدلَ
"إذا رضيت فعبر عن رضاك, لا تصطنع نصف رضا وإذا رفضت ..فعبر عن رفضك لانه نصف الرفض قبول ..
النصف هو حياة لم تعشها وهو كلمة لم تقلها وهو أبتسامة أجلتها وهو حب لم تصل إليه , وهو صداقة لم تعرفها
النصف هو ما يجعلك غريباً عن أقرب الناس إليك وهو ما يجعل أقرب الناس إليك غرباء عنك"
رد مع اقتباس