هنا

[وسـام]

اليوم رحت احشي سني بالحارثية
الدكتورة صايرة بمجمع طبي يعني عمارة
وبيها غرف وعيادات

المهم كصيت باص وضليت انتظر
اكو كبال العيادة مال اسنان
هم دكتورة مال رجيم وتغذية
وحاطة صور وبوسترات عالباب وعالحايط
بوسترات تعليمية وتثقيفية بخصوص الرجيم

لفت انتباهي عبارة بالبوستر
ان اكل اللحوم والشحوم من شأنه ان يزيد من وزنك بشكل مفرط
يجب عليك اكل الفواكه والخضروات والاكثار منها
خصوصا تلك التي تكون لونها اخضر تكون مليئة بالفيتامينات وتساعد كثيرا في انقاص الوزن


المهم قريت ورحت كعدت على صفحة افكر بالقريتة
واجتي ابالي معادلة منطقية

الطلي ٢٤ ساعه ياكل حشيش اخضر
وشوفو شسمناتة
والفهد ٢٤ ساعة ياكل لحم وشحم وشضعفاته


فحبيت انصحكم لتسمعون كلام جماعة الرجيم .


اجة سراية ودخلت للدكتورة
والطلي ابالي وبس افكر بالموضوع
وكلت اسأل دكتورة الاسنان عن الموضوع

هي جابت ابرة البنج تريد تضربني واني حجيت
وجان تجك الابرة بلساني
كتلها ولج شنو تريدين تشلعين الساني هاي وين جكيتيها

جان تكلي انت بس ترافس مدري شبيك
دحجيلك كم كلمة خل اسمع صوتك ترة فد ٥ دقايق راح يوكف السانك

تالي الساني صار خشبة طالع من حلكي
تالي لبست كمامه ورجعت للبيت
وصارلي ساعتين اتمضمض بنفط

مرحبا فقار
الي لفت انتباهي اول كم سطر اكل الشحوم واللحوم يزيد من الوزن والاكثار من الفواكه ينقص الوزن هلشي مو صح
الجسم يحول السعرات الحرارية من الطعام لطاقة والطاق الزائدة الي ميحتاجها الجسم راح يحولها لشحوم مخزنه داخل الجسم يستخدمها بوقت العازة

يعني اذا الجسم يستهلك باليوم الف سعرة وانت تدخله الف ومية سعرة من الفواكة راح يحول المية سعرة الزائدة لشحوم داخل الجسم واذا استهلكت تسعمية سعرة وجسمك يحتاج الف راح يعوض المية الناقصة من شحوم الجسم وبالتالي راح ينقص وزنك

هاي فكرة الرجيم تنقص السعرات بالتالي الجسم ياخد سعراته من الدهون المخزنة واذا تزيد السعرات الجسم راح يحول الزيادة عن حاجته لدهون ويخزنها
وشكراً

[الرميثي]

اليوم رحت احشي سني بالحارثية
الدكتورة صايرة بمجمع طبي يعني عمارة
وبيها غرف وعيادات

المهم كصيت باص وضليت انتظر
اكو كبال العيادة مال اسنان
هم دكتورة مال رجيم وتغذية
وحاطة صور وبوسترات عالباب وعالحايط
بوسترات تعليمية وتثقيفية بخصوص الرجيم

لفت انتباهي عبارة بالبوستر
ان اكل اللحوم والشحوم من شأنه ان يزيد من وزنك بشكل مفرط
يجب عليك اكل الفواكه والخضروات والاكثار منها
خصوصا تلك التي تكون لونها اخضر تكون مليئة بالفيتامينات وتساعد كثيرا في انقاص الوزن


المهم قريت ورحت كعدت على صفحة افكر بالقريتة
واجتي ابالي معادلة منطقية

الطلي ٢٤ ساعه ياكل حشيش اخضر
وشوفو شسمناتة
والفهد ٢٤ ساعة ياكل لحم وشحم وشضعفاته


فحبيت انصحكم لتسمعون كلام جماعة الرجيم .


اجة سراية ودخلت للدكتورة
والطلي ابالي وبس افكر بالموضوع
وكلت اسأل دكتورة الاسنان عن الموضوع

هي جابت ابرة البنج تريد تضربني واني حجيت
وجان تجك الابرة بلساني
كتلها ولج شنو تريدين تشلعين الساني هاي وين جكيتيها

جان تكلي انت بس ترافس مدري شبيك
دحجيلك كم كلمة خل اسمع صوتك ترة فد ٥ دقايق راح يوكف السانك

تالي الساني صار خشبة طالع من حلكي
تالي لبست كمامه ورجعت للبيت
وصارلي ساعتين اتمضمض بنفط

هههههههه
ضحكتني اخ فقار على هذا الموقف الي صار وياك
زين اني هسة اريد اسمع نصيحة طبيبة التغذية
واكل ركَي هذا اشيعتبر من اي خضروات
من الخضروات الخضراء لو من الخضروات الحمراء ؟

[ملكةه]

عيشوا عشرينكُم صَح "أعتذر لعمر العشرين لقبوله أن يُعاش بهذه الطريقة وبكُل هذا الضياع"
هواي من البنات ٢٤ ساعة ضايجين وينشرون هيج عبارات وكلة يأس وطبعًا همَّ ديحبطون نفسهم بنفسهم هالشي جدًا غلططط

عيشوا عشرينكم بضَحكة وبـفَرفشة، لتعيشون نفس دوامتكم دوامة الحزن وتصطنعون الكم أحزان وهموم طنشوا الحزن واضحكوا

ترا الحَياة قصيرة ومضامنين نفسنة لباجر ليش نحزن ونضوج والدنيا فانيـة ماريد دمعتكم أو حزن يلوح روحكم ماريد هالأشياء ابددد اريدكم أقوياء لان عمر الـ 20 غَمّض فَتّح يخلص وتصيرون بالـ 30 فعيشوا واضحكوا واسعدوا نفسكم بنفسكم ولتنتظرون احد يسعدكم

[ملكةه]

وَنَحْنُ أَقْرَبُ إليه مِنْ حَبْلِ الْوَرِيدِ
فعلًا احس هالآية جَبر لكل شخص يقراها، رب العالمين قريب علينة وما راح يتركنة بأشد حالات حزنة

ماكو بَشر ممكن يتحملنة بحالات حزنة أو فرحنة ويقابلنة باليوم 5 مرات ويسمع كُلشي منة ترا بَس رب العالمين

ماكو أحلى من اختيارات رب العالمين لحياتكم، كُل شي بهالدنيا مَيصيرلكم يعني هو مو من صالحكم، دائمًا كونوا راضيين ؏ كُلشي يصيرلكم، وأبد لا تكرهون شي رب العالمين أختاره إلكم، كُلشي بكلبكم رب العالمين يعلم بي، وكُلشي صبرتوا علموده راح يكافئكم رب العالمين بي

اسمعوني زين وركزوا بكل كلمة اكولها الكم ترا كُل حزن بروحكم راح ينجبر وكُل هَم راح ينفرج وكُل خيبة حطمتكم راح يعوضها الله عنكم فلتشيلون هم راح يجي يوم وتنجبرون رب العالمين ابد مناسيكم بس يحتاج منكم صَبر وقوّة تحمُل

[ملكةه]

أنتي غالية فلا ترخصين نفسچ لأدنی شي اتخذي من وجودچ بـمواقع التواصل منبر للدعوة والفائدة مو للعلاقات المحرمة حبيبتـي افتحي جهازچ واحذفي منه كلشي يغضب ﷲ وابدي حياتچ بـروح حلوة بريئة خالية من كل الشوائب احذفي اغنية، صورة، فيديو .. الخ وباوعي للسمة وگولي
ربي اني تركت كل هذا من اجلك ولا تنسين "من تركَ شيئًا لله عوضه ﷲ خيرًا منه"

[آيمـيلُِـي ♪]

أنتي غالية فلا ترخصين نفسچ لأدنی شي اتخذي من وجودچ بـمواقع التواصل منبر للدعوة والفائدة مو للعلاقات المحرمة حبيبتـي افتحي جهازچ واحذفي منه كلشي يغضب ﷲ وابدي حياتچ بـروح حلوة بريئة خالية من كل الشوائب احذفي اغنية، صورة، فيديو .. الخ وباوعي للسمة وگولي
ربي اني تركت كل هذا من اجلك ولا تنسين "من تركَ شيئًا لله عوضه ﷲ خيرًا منه"

[EV ']

تحبها ؟

انفرد بيها لوحدک لتخي واحد يدخل بينكم الناس عمرها ما تمنت الخير لأحد ثابر واتعب واهتم بيها ودللها مثل ابوها وغار عليها مثل اخوها وحبها مثل امها لتخليها تحتاج احد انطيها هل اشياء راح تنطيك كُلشي بداخلها من اهتمام وحُب ومشاعر هيه كلمه حلوة وموقف حلو مخسران شي اذا سويتهن وياها
وحچي العالم خلي وره (( ظهرک ))

[ملكةه]

نصيحه لكل شخصين يحبون بعض لا تحاول تخون حبيبك لين لكيت شخص احلا منا لا تحاول تخون حبيبك لين لكيت شخص عندى فلوس لا تحاول تكسر كلب حبك من كل كلبة صدكني راح يتذى وراح يجي يوم ويصير وياك نفس الموقف كما تدين تدان نصيحه

[مِـيهہرَمــآهہ ♬✿]

كما تدين تدان..... وبس

[ملكةه]

خلحجيلڪم ع شغله ماكو شي يمنع يخلي انسان عادي يطور من نفسه ، بالعكس توكل بس خليك كد كل خطوة تسويها واشتغل حتى تقربها وتحققها ، لاتدعي الحكمة وانت غبي ، لاتسافر وتصور كاعد توكل حمام وانت فلوس سفرتك مداينها ، لاتبالغ بحفلة لزوجتك او عيد ميلاد ابنك لو بنتك بالمصاريف مايحتاج تمثيل وانت شخص عادي حلو

الناس اغلبها عالسوشيل ميديا عاقلة وحكيمة وتسولف بالنظارات الطبية ، ماكو واحد عنده حصوه بالكلى ،؟ وكع بالخيسة وهو راجع ؟ واحد صاحبه رزله ؟ متحرش؟ وحده مصادقة عشر شباب سوه ؟

لاتصدك الينطيك نصائح بالمسطرة عن حياتك او شلون تعامل زوجتك واولادك لأن اغلبهم حياتهم متدمرة وخبراتهم اقل من طفل رضيع بس اللايكات خلت نص العالم تصير مرجعيات
افرح بالتكريم العايشه وافرح اكثر انت نسخة خاصة بيك ، ماكو واحد يشبهك ولاأنت تشبه واحد سوي التكدر علّي بحدودك ، صدقك ويه نفسك وويه الناس علاج للحياة حتى تستمر بيها
اتحدى واحد عايش عالتصنع والمظاهر مابي اكتئاب ويحس بالنقص صبح وليل

عيش حياتك على طبيعتها ولاتخلي كروب وحساب انعرف بالتفاهة يأثر عليك
انتو نـاس واعيين وعقلا۽ وربي يوفقڪم صديقتڪم