اجیت اکتب کَرَم ، رَقّت میاسة ال((كاف))
اأحّت و اگلبت لل((حاء)) مدها...!
ابرزانة ال((راء)) مالت بالحلگ ، سیر
حدّت و اگربت ((سین)) ابسعدها
و حنت طول الأناقة ال((ميم)) كالموم
ترجّح عالمهد ،((نون)) ابنهدها!
الكرم يعني الحسن، آمنتُ بالله
الحسن نعمةْ الهي الصعبة عدها...
الشدائد سبعة كلهن صُفهِن صفوف
او سُفرتة اتغطّي اعليهن وحدها
يمن ما دگّت ايد العوز الك باب
جفن سهران، بابك ما تسدها...!
و لكن انت عندك سيّدي اهواي
مواقف شامخة التاريخ ضدها
سعى التاریخ الاظلم يثبت عليك
ثَوِرتَك فِشلَت و خايب سَرِدها!
و عليك امْسالم و مو گد حرب یگلون
و لا چنّ انت ابن ذاک الغمدها...
البواتر صارمة ابفقّارة دم لليوم
كل جرّةْ حسامه الموت حدها..
غِزَلْت ابسيفك ارگاب الاعادي اسوار
جيوش النهروان اسمك مَرَدها ...
يمن عطر الصلح من ذچرک ايفوح
العطور اتعط دفاعاً عن وردها...!
دليلي القدرتك، جعدة و هلاهل كيد
و مخطّطهم غدر مكشوفة شَدها
و خافو باچر اتصف انته و العبّاس
و عساكرهم ترد، مرحب و ودها..!!!
تهزّ الجيش هزّت شيخ للفنجان
و تدگهم دگّة الدلّة على موگدها...!!
✍.الشاعر حيدر الحداد الكربلائي
رد مع اقتباس
