فعلا المسلسل فوق العظيم .. لكن الصدمه القويه هي نيد ستار والزفاف الاحمر ..،المشاركة الأصلية كتبت بواسطة ا لـٰٚـِْاء سـ̷ۛۛـۛـلـام
مسلسل صراع العروش من اجمل المسلسلات الي شفتها حرفيا برغم مو من عشاق الزومبي
جان الموسم الاول رهيبب بمعنى الكلمه من شرح للشخصيات تعريفهم اضافه بكل السبع مواسم ملكينه تركيز على بطوله شخص واحد بمعنى دينيرس سيرسي جون سنو ملك الموت كلهم حصلو على بطولتهم بالناحيه الي يمثلون بيها ,اضافه للانتقالات الي صارت لكل شخصيه
مثلا جون سنو من لقيط الى حارس بالحرس الليلي الى اللورد القائد الى محرر وينترفول وملك الشمال
وكذلك بقيه الشخصيات
الحبكه الي بالمسلسل من ناحيه ارتباطه بادق التفاصيل
ف بعض الاحداث الي بالموسم الاول ارتبطت بكل حدث ثاني بالمواسم المتقدمه
المعارك الي دقه التفكير دقه الجماليه بيها فوق العاليه
من اكثر المعارك الي حبيتها جانت معركه اللقيط
اضافه لحوارات المسلسل الجديات تجنن دراما قوه كل حوار يحتاج تفكير عميق وتركيز
اما بالنسبه للمقدمه كلششش تعجبني الموسيقى
الي جان يجذبني بكل هالمواسم السبعه انو ممكن شخصيتي المفضله تتغير من موسم للثاني اضافه ممكن تموت باي لحظه
ف جانت بكل هالمواسم مستحيل تعدي دقيقه من اي حلقه
ف جان كله هذه بكفه والموسم الاخير بكفه
انظلمت الشخصيات حسيتها اختلفت كل الي بنيته انهدم عنها
حسب مقال مجله vice الامركيه
جان تنصيب بران مو مقنع على العرش
فعلا يعني جان اقل شخص ممكن اله حصه بالتمثيل ف مثلا الموسم الخامس وين جان ؟ اضافه
ما المثير في هذه النهاية؟ بران الذي يعرف حقيقة الماضي والحاضر والمستقبل، قضى مواسم كاملة وهو يراقب بصمتٍ الصراعات الدائرة حوله، وهو يعلم أنَّه سيكون ملكاً.
اما موت دينيرس ف جان اصعب شي تقريبا شخصيه قويه قياديه تموت بهل الطريقه
اضافه خلصت المسلسل كله تكول اني ماشبه والدي الي صار بالنهايه شنو ؟
يعني اتخيل وياي المسلسل
1 جيش الاموات انهزم
2 بعدها يرحون مدينه الملوك تنجن دينيرس وتحرك المدنيه
3 جون سنو لان دينيرس حركت المدينه قتلها
4 لان جون سنو قتلها اجه الانسالد والدوثراكي سجنوه
5 يطالب بيه الشمال
6 يصير مجلس للحكام في ويستروس حتى يتحدد مصيره
7 بهل المجلس يختارون بران ملك
8 الشمال يستقل بقياده سانسا ستارك
9 جون ينفي للحرس الليلي
10 اريا تبحر بسفينه غرب ويستروس
11تيرون مساعد الملك
باللحظات الاولى واو الاحداث جهنميه بس شبساع مطاني وقت افهم الاحداث كلها سريعه
بدايه للي يكول انتهاء ملك الليل جان حلو حتى السياسه تصير بين الممالك وين السياسه الصارت بالمسلسل
ف مثلا دينيرس من رجعت لجون بعد ما عافته حتى ان رجعت بس مطاني مجال اعيش اللحظه رئسا انقتلت
يعني شخصيه سيرسي الجانت من اعظم الشخصيات وجودا ححرفيا تستشعر قوتها غضبها عدم اهتمامها تموت تحت احجار ؟
بالضبط نفسها دينيرس
ذني الشخصيتين جانن من اعظم الشخصيات حرفيا ف موتهم بهل الطريقه شي يقهر
طيب بعد ماقتلها جون ليش رئيس الانسالد ماغضب ماقتله ماانهى حياة تيريون ؟
زين المجلس حرفيا متكون من اشخاص مقارنه ب مارتيل تاريل لانستر ماعرف اوصفها بس مو ضابطه
زين ارجع لبران اذا جان يعرف انو حيصير ملك ف ليش من الاساس كال لجون هو تاغاريان
اضافه لبران
ف هل جان يدري ميساندي حتموت تنين دينيرس وهي تتجن او بعد جون عنها ح يخليها تنجن اكثر ؟
ف بالتالي راح تحرك المدنيه
ف السؤال هنا بران شرير لو ترك كل هذه يصير لاجل مصالحه
او لو مثلا جانت هاي الاحداث مرتبطه بالموسم الاول
اذا تذكر بحكيات المرأه العجوز من كالت لا تثق بالغراب لان بران غراب ف بالتالي كذاب ؟
ف تقريبا سانسا وبران طبقو مقوله الفوضى هي سلم
ف اذا نتكلم عن الاحقيه ف ماكو شخص احق من جون لان ضحى بكلشي لاجل الشعب
زين ليش سانسا من كالت استقل الكل وافقو ليش يارا مكالت ليش الجنوب محجه
ليش سلمو الممالك بالكامل لعائله ستارك
ميمنع عدهم ايجابيات مثل التمثيل اللقطات الخرافيه الحوار
من الحوارات الجهنميه لجون الحب يقتل الواجب الواجب يقتل الحب
بالنهايه المسلسل جميل جدا استمتعت بحلقاته ما اعتقد ممكن مسلسل يضاهي جماليته
تحليلك للمسلسل عظيم جدا يضاهي عظمة المسلسل
رد مع اقتباس
