هنا

[فقار الكرخي]

امس ضنيت انه اشوفك..
اتگابلت وي نجمة الله وعاتبتهه
وبيه ضام احجايه جانت خانكتني..وسولفتهه!!..
وحضرتلك جم نهر باقي اعلى عيني
هاي من غير البحور الوشلتهه
هاي من غير الليالي الما نمتهه
وينك انته
اتفگد اشويه الدروب الما دستهن....
اتذكر جروح المشيت وما خذتهن....
اشكد صفنتك مامش الصفنه التجيبك...
الحسبه الما تلوحك ما عرفهه منين...
يلبيك النده شطين...
من كد ما بجت عيني لطواري جفاك..
لو بيه ترش اتراب اصيرن طين..
يلريلك تعده الاخ...
جم ريل اليخط مني ولا خطيت....
سراگي البوب تنهدني اذا مريت ...
مر بيه مطر حالوب...انه بروحي تزاحم صيف....
يلجيتك شبه بلطيف....
جم دوب اعصر الياس واشم عطرك...
شتضن مني ...
وانه امگابل مرايات.. جي لنهه شبه نحرك.
الليل بلايه ترجيتك حلم... مغصوب.......ما ينشم ولا ينضاگ...
عكبك يلزرعت الاخ مامش للضوه نيشان
فجر الله ونهاره انباگ








م

[صفاء العامري]

اتگابلت وي نجمة الله وعاتبتهه

تكتل هاي
تسلم ورد

[أستثنـآئيـّةة❤️]

عاشت ايدك

[Peanuts]

حلوو
يسلمو