درر العراق

راهب · 13/May/2020

المشاركة الأصلية كتبت بواسطة راهب

اخذ لفظة (ماء) مثلاً ..
اصلها موَه ... صار بيها اعلال بالتسكين فصارت (مَوْه) اثرت فتحة الميم بالواو فقلبتها الى الف للمجانسة الصوتية فصارت (ماه) صار بيها ابدال الهاء الى همزة فصارت (ماء) ... هاي لفظة وحدة انكلبت على البطانة يله وصلتنة .. اتريد المدرس ما يكفر وما يشخط ؟؟
لو الطالب ما يكره العربي وابو العربي .. واللي خلة العربي بالمنهج ؟؟؟

في حين تم اهمال جانب مهم من اللغة .. وهو الادب .. الادب اللي هو حياة اللغة بحيث الجاحظ وابو علي القالي وابن حزم الفو مجموعة كتب غاية في المتعة والجمال .. نصوص بيها كل انواع الروعة من حيث الصياغة الادبية اللي تفتح النفس وتفيد القارئ والمعلم والمتعلم .. وتربي ثراءه اللغوي ومعرفة الكلمات ومعانيها واساليب الكلام ووجوهه ..
بالنسبة الي اعتبر كتب البيان والتبيين والامالي .. من اهم الكتب اللي يجب ان تدرس في المرحلة الثانوية .. اعتبر الادب مدخل لدراسة النحو واللغة والمعجم وكلشي وكلاشي .. وحتى من تسال الطالب شنو معنى (ذاع صيته ) ما يكلك : ( طش) !!!!