مو جذاب واكره كلشي جذاب
مو جذاب واكره كلشي جذاب
وبل جذاب مايجمعني ماعوون
بس مرات ضرفك يحكم عليك
من ايجيب الثگيله اعله الزغيرون،
من ترضه ابقسمتك ونته مبيوگ
وجوابك للينشدك باجر اتهوون،،
من تمطر ملح وجروحك اهوااي
من تنترس كلك جلمت شلوون
من تلگه السهر بي راحه للبال
من تلگه التعب من گلبك ودون
من تلگه اليضدك منك اوبيك
من اتصير لگمه وكلهم سنوون
من ينباگ حلمك ونته مشلول
من تركض وراهم بس بل عيون
من إيلچمك وتلگه العذر موس
من اتگله ليش ايگلك انموون
من اتشوف بزرك چنه خطار
تحس خوفه ابلعبهم من يلعبون
عشت ذني وبعد من عدهن اهواي
حلات ابنادم من ايخلي مدفون
وذا عل عوز والهم ذني خطار
من يلتفت ربك ما ايضلوون
حميد قاسم
رد مع اقتباس
