كرسي الامير
مِن خَلف القُبضان تخلل
ضوءُّ بائس يحمل المُ
حلمُّ أوهم سجن الغربه
وقلب ينصع راية سلمُ
شاب يهوى .. وقفصُّ مظلم
يحمل ذاته ويصنع قلمُ
حتى اصبح كفه نصُّ
واخذ يردد قائل نصهُ
من حياطين السجن لمعة مصابح
وصوت مفتاح الحرس
كرسي الامير
السجن حيطانه ظلمه
واحنه ياس
وبينه حلم طيور .. ماتگدر تطير
أشرينه .. وخلصت چفوف اللقاء
إبقچه بيضه ولبس ناشف
ولگمه حلوه
وذني مثل احلامنه الباگو عمرهه
البقچه حصة آمريه
اللبس حصة چم عريف
اللگمه لليشرف علينه
ونعمه حصلنه الحصير !
السجن رحمُّ للمشقه
ولذلك فزز بروحي قصيده
العنواين التشضت ع الحياطين العتيگه
تفرزن عيون اليطب سجن القيامه
وذاك شباچ بركن متروك چنه "فرحه "
وما مش بكعدتنه فرحه !
العباره الوگعت عيوني عليهه
جان صاحبهه في حكم المؤبد
وجانت التهمه نشاز
لان ما انطه بصديقه .. !
وگلهم انه البگت غاز !
تالي ماتالي كتب هاي العباره !
"السجن للرجال تجربة الاصدقاء وشماتة الاعداء "
وچان من ضمن الشهود .. الشاهد الأبرز صديقه !!
وچان يمي إنسان يهذي
ويرسم بگاع السجن خصلة عروس
ردت احاول افتهم معنه رسمته
وباوع وبعيونه خوف
وگلي شوف
ذني حيطان السجن عدهن إذان
ارسم بروحك شمس تضوي المكان
گتله والرسمه الحزينه !؟
دنگ وشمهه بحراره
وگلي هاي الخصله غصبوهه أجانب
گتله والتهمه شنو !؟
گلي ردت استر عروسي
وكتلتهم .. تالي ماتالي عروسي
گالت أصحابه هذوله
وهو راد الاغتصاب !
هنا بدت قصة تساؤل
ياترى فعلا كلامه !؟
عنده من دمهه علامه !؟
ومدلي چفه
وشفت ورقه انكتب بيهه !
إعذرني زجيتك سجن اظلم غريب !
انه ردت اتحرر واطلب طلاق بأي سبب !
گتله هاي من العروسه !؟
وگلي إي !؟
گتله ابرزهه تحصل بيهه من عدهم برائه !
گلي ساتر عرض بيهه !؟
شلون اطلع !؟
تبقه ماعدهه كرامه !؟
وگتله ارسم ..
ارسم الدنيه بصابيعك حياة
باچر الله يفك روازين المحطه .. وتبدي ترسم بالبنات
وگلي ارد الهه واحاول ترجع وياي عله بيتي !؟
گتله كِملت .. گلي ياهي ؟!
گتله هذا النص عراقي
گتله هذا الحلم باقي
عبدالله العبدلي
رد مع اقتباس
