قبل فتره جنت دانظف بالبيت ولكيت دنبوس بالكاع ، المهم ف شلته وخليته بجيب التراك حتى لا احد يدوس عليه ويتاذئ ، وره مخلصت وكعدت ف داخذ الفون من جيبي انجكيت بالدنبوس ،
ورها صفنت ويه روحي ، شكد اكو مواقف مثل موقف الدنبوس ، ويمّر بحياتنا ، تسوي خير ونيتك هم خير ، تالي انت الوحيد الي تتاذى ، كم مره تحملت مسؤليه شغلات ماله داعي اتحمله ، او فكرت باذيته على غير شخص ،
او كم مره انحطيت بموقف علمود انسان ، ما مقدرك ولا بعينه الي تسوي اله ولخاطره ،
ممكن تيقنت هنا اني شلت وتحملت اخطاء مو مالتي ولا ذنبي ولا الي علاقه بيها من الاصل ، وممكن سمعت كلام ، وانجرحت من افعال ،جان اكدر اعبرها..
بس مشكلتي ، وين ما الكه دنبوس راح اشيله ، حتى لو اعرف راح يجرحني ، واكون الشخص الي يلم الدنابيس من الكاع ولا اكون الشخص الي يذبهم.
أتدري لماذا يبدو العناق جميلا؟!
المشاركة الأصلية كتبت بواسطة فرانكشتاين
