هنا

[ا لـٰٚـِْاء سـۛـۛـلـام]

وحده تكول

امي جانت تكولي كلما سامحتيه حيزيد حبه الج شويه بالمقابل حبج يقل تجاهه !
ومن يجي اليوم الي يكون ميت بحبج ميكدر بدونج ..
انتِ مراح تحسين بأي مشاعر أتجاهه وكارهته من الاساس !

[ا لـٰٚـِْاء سـۛـۛـلـام]

الحب هو ذكاء المسافه, الا تقترب كثيرا فتُلغي اللهفه ولاتبتعد طويلا فتُنسى !
الا تضع حطبك دفعه واحده في موقد من تحب ...

[ا لـٰٚـِْاء سـۛـۛـلـام]

قلت ياسيدي انك لاتعرف كيف تحتفظ بكلمه دائمه الاحساس ​
انك تحتاج لكلمه حتى تجعل نبضات قلبك ترتفع
لكن
هل علمت ان تاثير المواقف احيانا اكبر من الكلمات
اتذكر ويبدى قلبي بالخفقان
عندما استدرت ورايتك
رايت جمال لم يخلق له مثيل
رايت عينان سوداء جرئيه جميله
كانت اشبه بسهام اطاحت بقلبي
هل تعلم كم كنت اغار عليك
اتذكر ما كنت تردي كنت انيق جدا
كيف تبتسم
كيف تتحرك شفتاك
حينها سمعت كلماتك
تلك الكلمات لا استطيع وصف شده خفقان قلبي عندما سمعتها
كلمات عذبه مميزه
ك اغنيه قديمه جميله وسط ضجيج الاغاني الحديثه
انت ياسيدي تبحث عن كلمات حتى يبدا قلبك بالخفاق
اما انا ف يكفي ان اتذكرك

[ا لـٰٚـِْاء سـۛـۛـلـام]

حنيتلكم محنه مغترب اشتاك لوطن

[ا لـٰٚـِْاء سـۛـۛـلـام]

اليوم رحت لصديقتي اسمها ايه
ايه اكبر مني بحوالي 4 سنوات بالضبط
من جانت بعمري تزوجت
بعد ماتزوجت بفتره وحجينا
كالت نصيحه لاتتزوجين بعمر صغير مهما صار مسؤليه
اضافه متعرفين الشخص الي يصونج ممكن يخونج
ممكن ترجعين لبيت اهلج
بس اليوم بعد مرور سنتين
من شفتها شفت بنتها شون ديكبرن سوه ديلبسن سوه
حبيت الطفوله الي تجمعهم
كانما اخوات مو ام وبنتها

[ا لـٰٚـِْاء سـۛـۛـلـام]

امي احبج اتمنى تعرفين قبل لاتقرين
امي انسانه عظيمه بمعنى الكلمه
بس
ارجع اعيد احبج

بس امي ايام دوامها متعد ذاك الاكل الفاخر الي يجمع كلشي
بس بايام العطل عاشت ايدها
المهم
تعد شي بسيط حتى تلتفت لاخواني لوظيفتها لاعمال البيت هم
بس
مابيوم شفتها خلت عائلتنا تحتاج لشخص
تدعم ابوي دائما ماديا معنويا
بسبيل متعاز عائلتنا لشخص
بنفس الوقت
ماتذكر فد يوم
سئلت امي
كالت شلونه الاكل
اذا موالدي كال يخبل عاشت ايدج ابتسامه من كل كلبه
اذا احد فكر مجرد فكره يكول معجبني
يرده والدي رد قوي
لدرجه تحس الخلل بذوقك مو بلاكل

[ا لـٰٚـِْاء سـۛـۛـلـام]

جانت عندي صديقه الله يذكرها بالخير
مسويه نفسها تفتهم بكلشي حررفيا بكلشي
مينفتح موضوع الا وكمزت حجت الي تعرفه
تبقى تحجي تحجي
لحد متخلص والكل يسمعلها
نفسها هيه
تتدخل بشغلات تحب تمشيها على ذوقك بس هيه تحب تمشيها على ذوقها
بسس
هيه نفسها هاي الي مبيوم
كتلها ضايجه مبقت شي مسوته حتى ابتسم
هيه نفسها الي مبيوم وكعت بمصيبه
كالت اسفه ماكدر ظروف
هيه نفسها
اكثر انسانه تسئل عني تعرف عني الي ماعرفه عن نفسي
تعرف حزني من فرحي بس بنبره صوتي
بحيث اذا شكت بشي صاير كتلها مصاير تنكلب الدنيا
لان متاكده شي صارلي

[ا لـٰٚـِْاء سـۛـۛـلـام]

جانت عندي مدرسه بالمتوسطه جان اسمها انتصار
بس الكل جان يسميها انتحار اني من ضمنهم
جانت عصبيه بشكل
تحاسب بشكل
تنقص على اقل شغله
حتى ع الحضور جانت تنقص اذا محاضرين
غير امتحانتها
غير جانت المطالعه كلها نعربها
بس بيوم من الايام
طلبو ولي امري
صراحه استغربت لان اول مره ينطلب
ف اجت امي
فجانت كاعده يم المديره
رئسا حجت
هذه طالبتي كلش احبها طالبه مميزه عندي ميوم محضرت درس او قصرت بواجب
انصدمت منها
بسبب عصبيتها
المهم
المديره كالت الها لا الموضوع يتعلق بموافقه اهلها ع المهرجان
بعد مطلعت امي
كالت ايشي تحتاجي كوليلي

[ا لـٰٚـِْاء سـۛـۛـلـام]

رباط السالفه وين ؟

[ا لـٰٚـِْاء سـۛـۛـلـام]

رباط السالفه انو كلهم مميزات وعيوب
امي صديقتي مدرستي
كلهم عدهم عيوب كلهم عدهم مميزات
حتى اني وانت عدنا عيوب ومميزات
ف انت الطرف اذا ردت تركز على عيوبه حتصير مشاعرك سلبيه اتجاه الشخص
بمعنى محتكدر تتعايش وياهه
واذا تركز على مميزاته حتصير مشاعرك ايجابيه اتجاهه
وتتعايش وياه بحب رغم العيوب
من الافضل تحب الشخص تركز على مميزاته
اذا مكدرت
تذكر عيوبك تخيل هالشخص يباع بس عليهن