Breaking bad
المسلسل الي ينقسم الجمهور فيه الى قسمين
قسم يعتبره شي مميز ومن المفضل عنده وقسم يعتبره تافه وملل .
ولكن في الحقيقة
الموضوع مو هيج
انت شنو نوعية الي تحبها وتفضلها بالمسلسلات والاغلب يحب نوعية الي تكون احداثها مشدودة من بداية ورتمها كأحداث سريع وهواي ما يحب يجر خلك من يشوف مسلسل .
اولاً هذا مسلسل درامي بالدرجة الاولى و احداثه بطيئة والكاتب مهتم بسرد ادق تفاصيل واساس المسلسل يتمحور حول بناء الشخصيات في البداية وطريقة تطورها تدريجياً وتحولها.
لذلك الموسم الاول والثاني راح تشوف الاحداث عادية ومملة وماكو حدث يشدك وراح تنصدم وتكول شلون هذا ماخذ تقييم ٩.٥ وشلون اكو عالم تعشقه وبالدخول للموسم الثالث راح تبدي الاحداث تتصاعد تدريجياً الى ان تصل ذروتها في الرابع والخامس وهنا راح تشوف شي مختلف واحداث مشدودة لحين الوصول لنهاية منطقية ومتكاملة للقصة .

ثانياً هذا مسلسل طابعه واقعي لذلك موضوع انو بطل سوبر مان ومحد يكدرله وشخصيته قوية من بداية ومحبوبة ما موجود بيها لان بدايتها شخصية ولتر وايت شخص عادي وجبان وحتى يخاف من لزمة مسدس.

ثالثاً المسلسل يتماشى وية واقع وحياة الشعب الامريكي وبيئتهم لذلك مو من سهولة راح يكون مقبول للمشاهد العربي .

الخلاصة اذا انت الك خلك وعندك فضول تريد تشوفه وتعرف شنو السر بي والجدال المستمر عليه فشوفه وحاول تكملة .
اما اذا انت ما عندك هلشي فأتركه .