الهسه صايم!_حسين الساعدي
جمعيتك
كلمه كلمه
وكوه رهمتك قصيده
عايش اوياك المأسي
واشرح الحاله السعيده,
ماردت بحجايه أغثك بالعذاب اللي تزيده!
امشي والحرثه كزازه وسجتك كلش بعيده!!
والله يدري جانت ابروحي اماني امغيمه وسوت رعيده!
اشتهيتك وانه صايم رادت الجاهل عله الشي اليريده!
هاكثر متوازي بيك!
عفت كلشي ومشتهيك!
وكوه لازم روحي بيدي واعرف الروح العنيده!
ظامك وكت الافطار
وبالحلال امناطر الليله الجديده!
منتظر يمته الغروب
وياشمسنا الجنهه صوره اتطول ابيومي وتزيده!
ساعه
ويصيح المؤذن
تكدر اتضوك التريده!
انتظرتك توصل ابصوت الأذان
الك متحضره السوالف ويه كل ذاك المكان!
صبرة الجوعان صابر باقي يرسمله اكل بس مايفيده!
صَبرت روحي العنيده!
ما أجيك
وهيجي متصبر عليك!
حته احافظ
عالجمال
البي جواب الكل سؤال
وحتى لمسات العوافي اتصير يم الله حلال!
هاكثر والروح هامت
والعصر شفتك اجيت
اشلون جيه!
اوياك شامت!
وايدك الفرحانه بيده!!
ابيا هضيمه,,
قشمرت روحي الغشيمه!
ابجذبه مابيها شتايم!
العين هيه السوربت شافت هضايم!
ومافطرت
الهسه صايم!
ما فطرت االهسه صايم!
حسين االساعدي
رد مع اقتباس
