لگیتك طيف انا و فزّيت ادور عليك
و و لاچنّي صحيت وبالحلم عفتك
اعاين بالوجوه وانت ما موجود
ما معقولة يمّي وآني ما شفتك ...؟!
شلتك بالگلب يوم الچنت موجود
دمعة على الوجن يوم الرحت شلتك
ما ردتك دمع و تساير الخدين
انة عون و ذخر بالدنيا الي ردتك
وحشة البيت بعدك ارجع أترجاك
وحشني بيك كلشي حتى سالفتك
ولو ادري جيتك جيّت امودعين
چنت علی الأقل همّيت و ودّعتك
ما ادري غفل عن عيني راح تروح
ويخلص بالعجل ما چنت اضن وكتك
نص ساعة انتظر نتریّگ آنه ویاک
نسيت آنة صحيت وبالحلم عفتك ...!
المبدع
✍. وائل السماوي
احسنت شاعرنا ،،،وسلمت انامل خطتها
ودي
عتمة وليل ..
والوادم شحيحة شوگ
ما بيها ..
التلم الشوف وتصدگه
وسهرانين مدري المن
واحد ينتهي برفگه
وواحد ينتهي بفرگه
ونفس الليل ونفس اليوم
ومباوگ حچي ابلا صوت
والبيبان مختنگه
الأثر ع الحايط شكبره
الندي يشخبط على الشباچ
مدري شراد
الدمع يحرگ آعيوني شما بديت اقره
يل عفتوني هذا انا
بعدني انطر سوالفكم
وحگ كل بذرة طاحت واشتهت حفرة
السنين تروح..
وانتو وياية موجودين
ماي !! وشربِته الصحرة ...
ابوعلي النجفي
شكراً الك
ابيات رائعة
كتاب انت انكتب كلشي حلو، بيك
ما ملّيت منّك من قريتك
لَوَن ادري المكاتب منّك اتبيع
لَبِعْت الروح لاجلك و اشتريتك ...
الشاعر الراقي وائل السماوي
الشاعر و الملحّن، ابوعلي النجفي
شكرا لك
،،،
يا شیلة الليل و ابوجهچ شع اضواه
یامن شیبة الفجر من راسچ اجتاح
مشی بيچ العمر كل شيبة فانوس
و مشيتي وي العمر چن وكفة ارماح
النهر چلّاب كشخة راس كل گاع
ابراسچ يكشخ الچلّاب مرتاح
درابين المحله تضوگچ تعيش
لوكت ذيچ العصاري هواي ترتاح
تعاي امشي بأرضنة شحّت امياه
تدوسين و جنان الرحمة تنباح
عرفت الدنيا بعيونچ(( شذر ليل ))
حزنچ والتعب والدمعة مصباح
الديرم من يطگ بالشفّة لونين
ثلج سنّچ لچن كل عمره ما لاح
ضحكتچ ما تفرّع يمّ الاجناب
ولا فكّت شعرها سنون مرواح
اشوفچ ضحكة النه منين ماجيچ
رغم ذاك الحزن وعيونة الاوكاح
يبت المستحه التستحي من الطين
اثر جدمين عيب ابطين لو طاح
تحَلفين النفس من يجبل عليچ
اخاف بريح وادم غربة ينلاح
يفياي اليشب طولة بوكت گيض
عباتچ حمرة يمّة وصبرچ سلاح
يا المعزبة دفو بوكت البرد سيف
المو راسه بحضن حسراته ذبّاح
نشم شيلة ضواچ عيونّه اتنام
نشهگ كل مسجها بعصرة الراح
الدللول شملذهه بحلكچ تصير
تغريد البلابل يمچ صياح
الربيع وياهة يمشي، وين ماتروح
و عطرها من الله عنبر مسك قدّاح...
✍. الشاعر. ابوعلي النجفي
رد مع اقتباس
