گتلهم بكيف العشگ البس وهو يفصل
دليتهم بيه بوكت ..
من چانت الدنيه فرص
واليستغلهه يحصل
گتلهم بكيف العشگ ..
البس وهو يفصل
ضميتهم شَده
بوكت چانت لغتنه بلا وزن
والفتحه تكسر بابنه
ووديت عمري عله النهر ..
خاطر احس بيهم بلم
وما كثرينه اعتابنه
ورديتهم يم الگلب ..
غربه اليظل بلا ولف
ولانجمه تعشگ ليله
وگالولي منك ما نمل ..
عدنه خلگ ريل وحمد
والچتف بعده بحيله
وسديت عيني وسافرت ..
يمهم بلا .. ليش ؟ وأظن ؟
امنت حر صوابي
ولمن ضگتهم من طحت ..
فزيت من ذاك الحلم
وحطيت شمعه إبابي
عبدالله العبدلي
رد مع اقتباس
