اهيم ابشوگ وصلك وانثر الروح
وعلی اشفافك ثلج تنزل شفافي
واعض اشفاف حسنك واشتعل نار
واگطّعها بصدگ ماتگول كافي
لمستك بيدي و ذوّبت الاشواگ
شرد حیلي بظلام الشبگة، حافي..!!!!
حضنتک طيّحت نص عمري عالگاع
کَتفعیلة و تجر جرّ بالقوافي
يا طيف المزنة بعيون الصحاري و
يا نسمة صيف تتحارش ابغافي!
و احس رجفة ابغرامك و الگلب ذاب
اريد اشبع لا تبخل ليش، متعافي؟!
واريد ابهندس الاحساس اسجنك
و نضل نلعب لعب ما طولة طافي...!
وتبادلني بغرامك و آنه اهيماً بيك
كعاگول و تغطّه ابماي صافي
افزّ من حلمک ابچي دموع الافراح!
لأن طبعك طبع اطباعة بأوصافي
لاتشلع گلبي و تحرگة ابشظى اللوم
مَیِحصل لك بيت يشبهلة دافي...
✍.ابوعلي النجفي
رد مع اقتباس
