هنا

[ارجع يازمان]

بس وقت الجذب ينجاب
ياناس العشك جذاب,,
ياهو
الشاف
قيس ايحب
يمشي وبالاشعار ايذب!
أصلا ليلى
كالتها
وليلى جانت اتجذب,,,,,
واحنه امصدكين
الكال
نضرب بيهم الامثال
بس ما ندري
وينه الكال!!
حتى انشوفه وانسئله
صدك عنتر يحب عبله؟
صدك عبله كُمر جنها!!
وعنتر كبل لمعة سيف,, كام ايلمع ابشكله!
هو ايأسر العدوان وعبله اتاسره وتذله!
ترى
هالجذبه مو سهله,,,
وجميل ايحب بثينه اشلون
والخاطرها عاف اهله!
يمكن
جان مامرتاح
ويدور عله الزعله!
كافي اعله العشك زلات ,, كل زله ابأثر زله!!
وأظن هم باجر اتكولون الفرات اشكد يحب دجله!!
وكذبة
روميور وجوليت
خلت بالكلب عله
يشرب سم عله الاوهام
بالله هذا شتكله!!
المصيبه انشاهد الأفلام ,, ونصدك الفلم كله
وطلع حتى الممثل كال,,جذب هالدور اليمثله!
حتى حمد
ذاك الليل
كَذب كذبه بالتفصيل
هو
الريل
بس دخان
ليش ايكول أشم الهيل!
ماكال النه اشم عطاب
يعني حمد هم جذاب!!!!
وحتى اني,
اشكثر جذبات,,
عندي ابفرت الدولاب
اشكد جذبت عالروح
من كِتلها عندي احباب!
الصبح كلش
يحبوني
العصر أعرف
يبدلوني,
ويعشكون ناس اجناب.
ماجَن بدلوا
بانسان
جن امبدلين اثياب!
مره العشك
حاجيته
وحلفلي اباسم داحي الباب
كالالي انتظر بس يوم
اجيبن يمك الغياب
خلاني افز فزات
من الهوى ايحرك الباب
كل فزه التفز وياي
دمعه البيها كومه اعتاب!
حتى الهوى ابهل ايام
هم مثل العشك جذاب.
وحق الله
العشك جذاب!
حسين االساعدي

[124321]

شعر جميل ،،،عاشت ايدك ورد

[ارجع يازمان]

شعر جميل ،،،عاشت ايدك ورد

حضورك اجمل