اتباوعين!
ونظرة الشيطان وكحه الطيحت ستر السنين!
أنه كل مااريد اتوب
وألكه نفسي مدري وين!
دايخ ابلا عقل جني من اشوفنج تجين
ذااك شيطان اللعنته اوياج اشوفه مو لعين!
وانتي مابعتي السوالف جايه بس تشترين!
مايضل سر ما أكوله من تصد عين أويه عين!
ابسرعه استسلم واسلم لو نويتي اتبارزين!
واستحي من نفسي واحلف امشي درب التايبين
ومن جديد ارجع واحبج من تجين اتباوعين!
وما عرفتج...
مدري بيش اتفكرين!
انه كتلج
كلي بسمج
إشتري ولتعاملين
الدموع استحت مني اشبيج أبد ما تستحين!
انه زخيت ابحناني
ابيوم ما شح الحنين!
وانتي ضحكاتج أماني اتمرمر ابكلبي الحزين
الفرق بين الاغاني
وبين نغمات الأنين
مثلج انتي
ومثلي اني
ابهذا ليل العاشكين,
نايمه وعفتي اليعاني الأبد ما تغمضله عين!
والمصيبه
الما عرفته
ابيا حلم تتحلمين!
ما حجيتي حتى اعرف بس تجين اتباوعين!
بس تجين اتباوعين!
حسين االساعدي
رد مع اقتباس
