انه ما كتلها نعلب ؟هيه كالتلي تعال
يلله نلعب
صاحت ابصوت الدلال!
انه ااصيحلك حرام وانته غمض,
لا تفتحح الا اصيحلك حلال!!
وغمضيت
ابيوم جنه ازغار وبلعب الجهال!
ومرت اسنين ابعمرنه
وجنت ما ادري وكبرنه!
هيه شافت غير وادم وانه مافتحت عيني! لان ماصاحت حلال!!
مادريت الدنيا صلفه
اتفرهد الجان اعله نيته
وأبد ماتنطيه مجال!
وانه رغم الصار بيه ! الهسه باقي و ما علنت الاعتزال!
حتى ما حرك خيالي استحي من الخيال
جنت كلش عله نيتي
المستحه عثره ابمشيتي!
اشكد غشيم وجنت اجاوب بالصراحه لأي سؤال!
وما اراوغ بالجدال!
وخافن ايكولون عني امكطع احبال الوصال
طلبوا اسلاحي وهديته ابصفت اصفوف القتال!
من بقيت ابطرك اديه!!
سددوا كلهم عليه
كالوا احنه ازماط عدنه وبيك خططنا النزال!
أأه يروحي العذر منج
مامشيت ابذاكه ظنج!
احنه نصبينه الجوادر همه سووها احتفال!
أأه يروحي
كافي لتلومين بيه
انه سويت العليه
وهمه فنانين طلعوا بالدغش والاحتيال!
جنت مو سبعين محمل انطي الفين احتمال
جنت اجذب حتى عيني ابنظرة السابع محال
ماكلت ميته السوالف جنت أرد بالارتجال
بينت كل الحقيقه وانخبط ماي الزلال!!!
ثاري خافين القباحه ابرسمت ارسوم الجمال
ما دريت ابهل ذيابه لابسه اهدوم الغزال!
الهسه خلوها حرام
وما تدنوا للحلال!!
اشكد يكرهوووووون الحلال!
حسيين االساعدي
رد مع اقتباس
