صبلي الكاس للمحتاز؟
صبلي الكاس للمحتاز؟
للماله وطن للرايحيله اعزاز
للكلساع رايحله بمحب جناز،!
للمصبوب هم امنالسدر لچاز
لللومات مايگعد ولا خير بفاتحته
للبت جارته الشالت لهسه اخته
للعدهم علي للخير مو لسيف...
للعدهم ضمير الكيف...؟
للمحتار بفلوس اليشربه منين
للگلوب الگظتهه الوين..؟
للمايگدر يدبر ثمن ذنبه قليله ال اه
للمحتاز والبايع ثواب أطاه
لهل الظيم صبلي الكاس
الهذوله الشاردين امنلچذب والناس
للأنفسهم عزيزه هواي ونذلوا
للصلوا لما ملوا..!
لليكيفون إذا شافو گذل تنباس
للعدهم نحر بالناس..؟
ولك صبلي لهذوله الكاس
للعدهم علي بكل بيت مو جنه
للعدهم علي حنه...؟
للگالو الگال اعليك قتال العرب مأجور
للخمو علي حد ما لگوو تنور...؟
لهذوله ألمنطيح بضيج نندهم
لهذوله الماعرف ليش الله يكرهم
للبس همه متأكدين عد الله لتعبهم باب
للطابت نفسهم مو جرحهم طاب
لهذوله الو علي موجود جا غلبوا بلال اذان
لهذوله الو علي موجود چا حفظوا اچم قرآن
للبيهم لهسه امنالخيم دخان
لليگولون غير حسين ماكو انسان...؟
لهذوله الشافو الدين الوان
للبعِـز الگحط والگيظ تلگاهم گصص تمطر
لهذوله الباچر يتوبون مثل الحر..؟
مرتضى العكيلي
رد مع اقتباس
