يالمطلكَ الغمد سيفك كَرابه ركَاب
علي شلون اعله راسك رهمت الطبره
اعرفنّك علي الطاري الحرب ترتاح
يكاشخ بالفقار اللحيه شو حمره ؟!؟!
افتهمتك ... ما ترد حتی اليجيك بموت
لذلك عزّبت راسك علي بكُبره
يالمسيّر شبع للفقرة وكت الجوع
علي تسيّر تريد وياك هالفقره
يمصَوْغ الهلا بموگد علی البيبان
دليلك نار ضيفك محد يخبره
ياللَّمن اشمك الگه ريح رماد
علي بطارف عباتك الگه والغتره
اثاري اسمر علي چي عشرتك تنور
بين چفوف ايدك والخبز عشره
حدر فيّك علي شگد وادم ينامون
علی اصوات البلابل تفرح الشجره
وعباتك يا عباتك لليتم كاروك
ودللول شكثر بشفايَفك تقره
علي بگلبك اثر مسحة ضفيرة راس
موبس بأديك اتبيّن الشعره
بطين بلا شبع شابع كرم واخلاق
يالمشبع الغريب وجايعه العتره
رد مع اقتباس
