يا عطر المطر ،من تعطش الگاع
يا طعم النهر بشفایف الطين
يا الرافع علم للمكرمة ابجود
يامعَلمِ العرب طگّ الفناجین
یابن ذاک الکرم طیر علی الجبال
الیزکّي الراكع الخاشع ابو حسين
علي ابحسبة نهر، خلّفک ناعور
کرامة الإيدك التنطي المساكين
امن اربع جهات الچابهک باب
و المعزّب صدگ، ما عنده وجهین
تشبع کلها یمّک طیف لو ضیف
یالفارش عیونک للبعیدین
الکلو زادک نسوا بی ملح معصوم
مثل ما نسوا انت منصّب منین
گالو مو علي و الحسن مو سیف
و نسوا لو صرت سیف ترید چفّین
ما عنده ابوفاضل، ربعه تمّوز
لذلک عاف دوره و خلّه الحسین
شیفید الحچی یم ناس خرسان
و شنو نفع المعاتب ویه میتین
صلح الحسن طف بدون عباس
عطش وگفة ربع ما حصّل اثنين
انجبر شد رايتة على المايفزعون
و ستر تاريخنا ابهاي النقطتين
صعب من تلگة روحك شمعة ضد ليل
ابسلف عميان ما تفهم حچي العين
اثاري الزين دوم العرب تنساه
و لو، شاهد كلامي امبيّن الزين...
رد مع اقتباس
