الی من تنتظره الشمس، لتزهوا حنانا(عج):
یا کوکب حنان الله و یالمعتبر
دلیلي انطر
و كَل
كَل ، متن انتظاري
ابباب وصلك صارلة سنين....يالموعود، ما تظهر؟؟!؟!
يَمهدي الرّاحة و الريحان...
اختنگنه ابهیمة الهجران
يمتة آخر محطّة انشوفهة و نرتاح
يا سلوان ، روحي
شیّبت کل امنیاتي عليك گبلي ابها السفر
تعبنة ابوحشة اغيابك علينا استقوت الظلمة
و تباهة الغيض البصدري و ينادي عليك
بس، يازي العتم .. اتوسلّک يا ضنوتي عود ابگُمر ...
.............(۱).............
شح نبع الصبر و اتبدّة جمرة على الگلب
و اللیل یحدي ابنوگ خلگي ابظلمة ادروب السهر
و آنة تايه و الصحاري خلّصتهة
ابذچرک و فكري و قهر
و الدنية تضحك لي و تهز ايد القدر
و السمة...آخ السمة
يا وسفة تتشمّت على جروحي مطر
و شدّت احيول البليّات و عَلَي ضعفي استقر
و الدمع صال و توغّل ، فحّط اسواجي النظر
و آنة فاتحلك باب گلبي الما اگلّک بس الک
لکن الک بس هالگلب مال و توطّر
حيل محتاجك يا بعد العندي كلهن و اكثر و اكثر
چا تعال..
.........(۲)..........
يَبعد الروح يا مولاي...يا شيخي و فخر دنياي..دَ رد ياصباي!
تعال اشويّة ...و انت اهوااااي...!!!
یَماهیت السفینة الناجیة من الماي ... يا مثواي
انا الهاويت و انت اهواي!
تعال الونّة مستورة و لها ، سُمعة
تجاوز هجرك على النوح، هسّة الرايح الراجع بقة يسمعة
تعال الشيب ينتظرك...خريف و ينطر النبعة
يمن طاريك خطّار الجفن، دمعة
تعال الروح طلّعهة شهر بُعدك
تعال و خلّ اعيّد و استراح ابعید ردّک
تعال النوم گطرات المطر نیسان..تغفه عیوني بس مانام
گاعد ، بس اشوف احلام،
ﺭﻳﺤﺔ ﻟﻴﻞ ﺗﻨﺪﻫﻨﻲ ﻭﺃﺳﻮﻟﻒ ﺑﻴﻚ ..
ﻭﺃﺗﻮﺳَّﺪ ﺣﻠﻢ ﻣﻠﮕﺎﻙ ﻭﺃﻏﻔﻪ ﺑﺤﺴﺒﺔ ﻣﺘﺎﻧﻴﻚ ..
ﻭﺃﻓﺰ ﻣﺤﺘﺎج ﻟﺸﻠﻮﻧﻚ ..
ﺗﻬﺖ ﻭﺍﻟﻌﺎﻓية ﻋﻴﻮﻧﻚ ..
ﺃﻓﺰ ﻣﺤﺘﺎﻡ ﻭﺍﻟگة ﺍﻟﺸﻮﮒ ﺭﻳﺤﺔ ﻟﻴﻞ ﺗﺘﻮﺿّﻪ ﺑﻨﺒﻊ ﻃﺎﺭﻳﻚ
ﺃﻓﺰ ﻣﺤﺘﺎﻡ ﻭالگة ﺭﻭﻳﺤﺘﻲ ﺗﻨﺎﻏﻴﻚ ...
ﺍﺷﻮﻑ ﺻﺒﺎﻱ ﺣﺴﺮت ﻟﻴﺶ ﻣﻮ ﻳﻤّﻚ ؟؟؟
ﺗﻬﺰﻧﻲ ﺍﻟﺮﻭﺡ ﺣﺴﺮت ﻟﻴﺶ ﻣﺎﺷﻤّﻚ ؟؟؟
ﻳﻔﻲّ ﻋﻤﺮﻱ ... ﻭﻣﻼﺫﻱ ﻭﺷﻮﻏﺘﻲ ﻭﺳﺘﺮﻱ
ﺧﺬﺗﻨﻲ ﺍﻟﻨﺎﺱ ﻭﺍﻫﺲ ﻭﺍﻧﺘﻪ هم ﺗﺪﺭﻱ
ﺧﺬﺗﻨﻲ ﺍﻟﻨﺎﺱ ﺳﻠﻮﺓ... ﻭﺍﻧﺜﻠﻢ ﻋﻤﺮﻱ
ﺧﺬﻭﻧﻲ ﻫﻮﺍﻱ ﻣﻨّﻚ ﺳﺎﻟﻔﺔ ﻭﻋﺒﺮﺓ ﻭﺑﻮﺍﭼﻲ ﻓﻴﺎﻱ و انت ﻣﻮﺍﻟﻒ ﻭية
ﺍﻟﻠﻴﻞ ﺍﻟﺒﺼﺪﺭﻱ
و اریدک ﺗﺬﺑﺢ ﺍﺣﻼﻣﻲ اﻧﺬﻭﺭ ﻟﻀﻨﻮﻧﻚ...يَما ريد العمر دونك
بس حلم خلّيلي واحد....شوفت عيونك
يا بعد ﺍﻟﻌﺎﻓﻴﻪ ﻋﻴﻮﻧﻚ ...
..............(۳)............
✍.وائل السماوي
رد مع اقتباس
