هنا

[الشاعر عقيل الزويني]

جيبي العيال يزينب وكصدينه .... انه وعباس أمتانين الضعينه

هذايوم الاربعين اليدمي العيون .....اتعني انت وشيعتج رغم اليضدون

زيارة حسين نسويهه سنينه

**********

الـــج يا زينب تراني منتظـــــر .... بشوفتج ينعاد صدكيني العمر

ادري كلبج منجرح من اليسر .... وادري ما ينفع يزينب اي عذر

وانت وياي طلعت من المدينه .... وللضعن عباس يمشي عن يمينه

وحدج انت بلا معين وياج الضعون..... وادري بأعدانا يزينب ما يرحمون

زياره حسين نسويهه سنينه

********

من بعيد اسمعت خطوات الجدم .... واسمعت كلبــــــج يهز بيه الالم

وعطر دمعج يمي يوصلني واشم .... حزن امج فاطمه بكلبي أنرسم

امج اتنوح اشوفنهه حزينه .... تعثر تكوم يزينب تدري بينه

تنادي يبني ياحسين باجر اتهون ..... شيعتك بعمارهم بالدم يضحون

زياره حسين نسويهه سنينه

********

ومن وكف حادي الظعن يطلب اذن .... للمدينه لكربله يمشي الظعن

اسمعت كلبــــج يرددها بحزن .... راس اخوي حسين يم جسمه يحن

كبل متردي سمعت انه حنينه ..... كلبـــج يريد لعدحامي الضعينه

شايله وياج الادين بكل شجون ...... رايده أذبحين بجفوفه السكون

زياره حسين نسويهه سنينه

********

هنا يزينب خلي راسي اعلى الجسد .... ارداشوف عيالي واحسبهم واعد

مــنهو باقي منــهو راح مــــن الولد .... ومـــنهو تترجين جــم يــــوم ويـــرد

ادري كلبج منجرح اسمع ونينه ..... اشجم مصاب بكربله الله يعينه

انّشدج اعيالي وين هم يردون ..... لو اظن باجر يجون وي اليلطمون

زياره حسين نسويهه سنينه

*********

وما اسألج عن رقيه باي عتاب .... ادري يم راسي نزل بيها المصاب

وادري من السوط تتلوه الرباب .... وادري ضحيتوا لجل صون الحجاب

ومن خطبتي جن علي يخطب ولينه....راسي وي راسج سوة لمن حجينه

للظلم لا ما نلين خل يسمعون ...... باجر المهدي يكص روس اليظلمون

زياره حسين نسويهه سنينه

*********

ولو لكيتيني انتظر بالطف وحيد .... وما لكيت وياي عباس العجيد

مستحي منج وكف عني بعيد .... روحي يا زينب تراه بلايا ايد

امسحي ادموعه تره دموعه ثمينه .... هذا ابو فاضل ابن حيدر علينه

وصّــته ام البنين لخدرج يصون ..... يصير جيش لوحده لو رتي العون

زياره حسين نسويهه سنينه

*********

وهاج هاي الرايه جيبلي الجفوف .... وخلي العباس يرجع للطفوف

باجر الشيعه على الحضرة تطوف .... وتعتنيله برايته رغم الظروف

رايه الثوار مصدرها من ادينه ..... وشجرة الاحرار من دمنه روينه

وكل سنه بالاربعين الشيعه يمشون ...... لدمعج وسبيج يزينب هم يواسون

زياره حسين نسويهه سنينه

*********

لخادم الحسين (( ع))

ابو جعفر الزويني

12/صفر الخير /1434

[husaam]

يسلمووووووووو مأجور