خليك طيف يروح لمنزلي....
خليك طيف يروح لمنزلي....وخليني طير يغرد ابمنزلك
طول مسيري وتيهت ساحلي...
وهذا آنه اجيت امدولب ابساحلك
جيت ولكيتك تنتظر جيتي...
جنك دريت امدولب وتنتظر
وجني لكيتك مرهم لعلتي....
وجني لكيت لهالليالي فجر
جابلني شمعه اتسولف لدمعتي...
تدري الدمع مستاحش من الزغر
التميت أسبح للقدر مبتلي...
يامن علي رحمه القدر نزلك
باريني واهس لو مشه محملي...
وخليني ساعه اضعونك ومحملك
يامن وهب للصابرين الورد...
هلبت تصح للماصبر منشده
واحد يبات عله النده والعرد....
اواحد يباهي غيومهه ابمورده
اواحد ينحثل وحده بالكعد....
جم نوخ إذا عايش عله الوحده
تدري السحابه شما تظل تنجلي....
وذاك اليخاف من السحابه هلك
حاسبني يامن كسرت منجلي....
ساعه وحصد باجي العمر منجلك..
رد مع اقتباس
رائع
