ابيات شعرية رائعة
ابيات احبهن اهواي من اختياراتي
1-الصديق
اليطعن بالضهر مو شرط خنجر حاج
تصح جلمة صديج اتعادل اطلابه
2-الحب
كون اليحب ينطي اعيونه لليهواه
3-الفراگ
المفارگ ولف مايهوه وجه الليل
تكشخ ذكرياته ابملبس الحسره
4-الحبيب
كلشي بالدنيا عدل بس الحبيب
يعزف اسراري عزف سواهه ناي
5-البدوي
خلي بالك بدوي انا امعاشرلي ذيب
الابره من اطيح اسمع صوتهه
6-النهر
علمني النهر كلشي البگلبي احجيه
وره يومين يرفع جثت المغرگه
7-الاعمه
الاعمه ابدنيا ضلمه امن الصبح لليل
بس يدري الشمس والگمر بيهن نور
8-الملح
واگف ابعيني الملح مارد عليك
9-الحيل
بعدني بحيلي ماطايح وتتبرون
وانه الضامكم للشيب عكازه
10-الدنيا
الدنيا مابيهه رحم ماادري ليش
وهيه وادم كلهه طلعت من رحم
11-العاشگ
تره العاشگ يموت وعينه عالمحبوب
اليمر ابگبره يسمع بالگبر شهگه
12-الوفه
اليوفي اويه اليحبه ايصير امام الشوگ
13-النسيان
ينسون الولف لو راح والله اگلوب
هاي اگلوبهم مو صدك وهميه
14-الموت
باجر خاف اموت ابنعشي لاتمشون
بس صوت امي اريدن ويه الجنازه
15-القهر
ضل انقهر كلش قهرت العريس
ويشوف امه مشت متهلهل ابعرسه
16-الاب
اني طيب ماخذ الطيبه امن ابوي
والعبرني وعلي اتغرگه اوشالتي
17-هذا كارثه موقفه
اعمه وبگلبي حجي وبلساني موس
شلون اوصل للمحب حر مشتهاي
-18الحنين
صوفر السنبل بيه شو ماحنيت
19-الخيانه
ماني سيد بس وحگ ربك بخيت
يالخنتني ابشر تعثرك حالتي
20-التشائم بالعمر
اشوكت تفرج عليه الراس لاحه الشيب
انه الخيط بيدي وضاگت الابره
22-العشگ
العشگ نفس العشگ تتغير الناس
فرق بين الصدگ والعشگه ملزوگ
23-النهايه
عگب ذيج السوالف والعلاقات
بس غربان فوگ الگبر تنغط
رد مع اقتباس