درر العراق

رمـْـْْـْــــــــآڊ · 28/April/2020

السلام عليكم

الزلابية بطريقتي ..

اغلبكم تشتروها من السوگ جاهزة بس اوعدكم بعد هل موضوع هم راح تشتروها ههههع

المكونات
*كلاص ونصف طحين
*نصف ملعقة صغيرة ملح
*ملعقة كبيرة خمرة
*كلاص ونصف ماء
*نصف كلاص نشاء
*ماء ورد او هيل

نجي للطريقة :

الاولى:- نسوي الشيرة بالاول نضيف كوبين ماء مع ثلاث اكواب سكر وعصرة ليمون

الثانية :- نضيف الطحين الصفر (كلاص ونصف) وحسب الكمية المطلوبة .. ونضيف الخميرة (نصف ملعقة چاي) وكلاص ونص ماء والهيل المطحون و الملح ونخلطهم عدل لحد ما يخلط جيدا
ونغطيها لمدة ساعة بنايلون بحيث ما نسمح بدخول الهواء للعجينه ..

الثالثة:- بعد ما اختمرت العجينة نضيف نصف كوب نشاء (لغرض اعطاء صلابة للزلابية )

ونضيف الشيرة باردة الها حتي لا تصير عجينه

وجان تكمل .. سويتها ابطل لان ما عندي قالب هههع

وسويتها بطريقة ثانية قليتها مثل عجينة لكنافة وطلعت اطيب من الطريقة الاولى ^_^

بدووون تصفيق