هنا

[فقار الكرخي]

خذو كل امنياتي ألما يعرفونك
و اجوني بنية مامش بيها من لونك

يريدون اعله اسمك ينطبع شيطان
رسمو كل سواد بضحكة اسنونك

يريدونك مصله و مسجد تصير
حته اشجم معمم يصعد امتونك

ما يردون گلبك ينفتح للشوگ
و انته اتمد جفن للما يعشگونك

يريدونك جهنم تنفهم للناس
ما ضاگوا حلاتك من يعبدونك

فهموك اعله گدهم مشنقة و سيف
نسو حضن امهات مفتح جفونك

من اسمك تعله بذبح الأطفال
رادوا من نموت ايموتن اعيونك

من صلوا عِرگ كل جامع وياك
و انذبحت مصاحف بيها يقرونك

يعلموني اعبدك و اندعي بخوف
و اسد بابي اعله وجه ألما يحبونك

ما گلولي احبك و اعشگ الناس
و افرش لليتامة بجفني ماعونك

و اجتفلك و أسبل و ارجع أنوب
اجتفلك و أسبل و انه ممنونك











علي ستار

[انثى مخمليةة]

احسنت النشر