امنيتي صدفة تذبني يمك
وزعت شوفي
لدرابين الولاية تشوف رسمك
وصادقت ﭼـم هدهد يورجني بيك
كون مر صدفه اعله اسمك
منين احصل آصف يريح دليلي
يجيب لو بس نسمة منك
امنيتي صدفة تذبني يمك
ها يبعد گليبي وينك
زاد شوگي و وشل بروحي الصبر
والدنيا ضنكه
يا برودة كل فياي وماي وينك
روحي محتامه اعله ضحكه
باهته اولايتنه دونك
وباهته عيوني لونهن ما يشوفن ضيّ عيونك
بس تعال ..
وشوف جم هلهوله سمره تشتعل كمره لجفونك
بس تعال ..
الدنيا تتطرز شذر لو بان طولك
وكلشي آآخ تصير افيش بدليلي
اتفرفح من تشوف لونك
غيث الگطراني
رد مع اقتباس
