برجك ليوم الاحد 26 ابريل 2020 ثابت الحـسن

برجك ليوم الاحد 26 ابريل 2020 ثابت الحـسن

كل ما نقدمه للتسلية والترفيه، فلا يعلم الغيب الا الله وتبقى مجرد توقعات والله أعلم

حظك اليوم مع الأبراج اليومية ليوم الأحد 26 نيسان /ابريل / 2020
توقعات برج الحمل اليوم الاحد 26 ابريل 2020 ثابت الحسن

بـــــــــــ الحمل ـــــــــــرج
اليوم جيد على صعيد العلاقات الاجتماعية و العائلية بتحاول تعزز علاقتك مع الاشخاص المقربين منك و خصوصا احد الاخوة ، بتمد يد المساعدة و بتكون جاهز لتقديم أي خدمة ممكن تنطلب منك ، وضعك المالي مستقر نوعا ما عم تتجنب الاسراف بالشراء .
عاطفيــا”… بدك من الشريك انه يقدملك أفضل ما عنده لهيك بادر تجاهه بكلام رومنسي و لين بالتعامل .
طاقـــة بـرج الـحمل { 76 }

توقعات برج الثور اليوم الاحد 26 ابريل 2020 ثابت الحسن

بـــــــــــ الثور ـــــــــــرج
اليوم عم تحاول تكون اكثر هدوء و سكينه عم تحاول تملي وقتك بأشياء خاصة و تبتعد عن الأمور يلي ممكن تسبب إلك التصادم مع الأخرين ، عم ترتاح و تخلي مسافة بينك و بين الآخرين حتى ما تتدخل بأمور بيجيك منها وجع راس ، الامور المالية حتى تتحسن بدها جهد مضاعف منك .
عاطفيــا”… علاقتك مع الشريك جيدة في تفاهم و انسجام و هاد الشي كتير مناسب هي الفترة .
طاقـــة بـرج الثور { 75 }


توقعات برج الجوزاء اليوم الاحد 26 ابريل 2020 ثابت الحسن

بـــــــــــ الجوزاء ـــــــــــرج
حظوظك العامة جيدة في عندك تطورات ايجابية بتكسب منها كتير نقاط لصالحك ، تطور مفاجئ ممكن يحصل عندك بالعمل و الفرصة مهيأة لتحقق أمر بالعمل كنت عم ترسمله ، حظوظك المالية جيدة مبلغ مالي متوقع انك تحصل عليه .
عاطفيــا”… حظوظك العاطفية ممتازة في تعامل بمحبة و انسجام مع الشريك .
طاقـــة بـرج الـجوزاء { 83 }

توقعات برج السرطان اليوم الاحد 26 ابريل 2020 ثابت الحسن

بـــــــــــ السرطان ـــــــــــرج
اليوم حظوظك جيدة لازم تستفاد من هاد الشيء و ما تخسر الفرص المتاحة امامك ، تجنب التصادم مع الزملاء بالعمل و مرق و لا تدقق على كل أمر خلي الامور تمشي بسلاسة ، بتعطي جزء من وقتك للاهتمام بافراد اسرتك و الاولاد ، حظوظك المالية جيدة في مكاسب مالية عندك .
عاطفيــا”… خليك بجانب الشريك و معه و لا تسمح للآخرين بالتدخل بينك و بينه .
طاقـــة بـرج السرطان { 77 }

توقعات برج الاسد اليوم الاحد 26 ابريل 2020 ثابت الحسن

بـــــــــــ الاسد ـــــــــــرج
عندك طاقة إيجابية و عم تحاول تبذل جهد اكبر حتى تحقق المزيد من المكاسب ، عندك نشاط ملحوظ و عم تقوم بخطوات مهمة على الصعيد العملي عم تزيد ساعات عملك و تضغط حالك حتى توصل لهدفك ، طاقة المال عندك قوية و عم تقدر تحصل على مكاسب جيدة .
عاطفيــا”… انت شخص محبوب و نجمك ساطع عم تقدر تكسب محبة الشريك و تلفت انتباهه
طاقـــة بـرج الأسد { 85 }

توقعات برج العذراء اليوم الاحد 26 ابريل 2020 ثابت الحسن

بـــــــــــ العذراء ـــــــــــرج
عم تسعى حتى تحصل على مدى اكبر من الحرية و الاستقلالية عم تنزعج من تدخل الآخرين بحياتك و بدك تعيش على كيفك بدون ما تشعر بشكل مستمر بانه في شخص عم يوضعلك عوائق و يوقف بوجهك ، لازم تتعامل بدبلوماسية اكتر مع المحيطين ، انفراجات مالية جيدة .
عاطفيــا”… علاقتك مع الشريك فيها كتير نقاط بدها ايضاح لا تخلي الامور تتراكم عندك .
طاقـــة بـرج الـعذراء { 78 }


توقعات برج الميزان اليوم الاحد 26 ابريل 2020 ثابت الحسن

بـــــــــــ الميزان ـــــــــــرج
عم تهتم بتعزيز ثقافتك و تثبت بعض المعلومات يلي كنت محصلها من فترة عم تحاول تكسب من خبرة الأشخاص يلي حولك و تناقش بعض القضايا المهمة لأطراف كتير بيعنولك و بهمك امرون ، عندك مكاسب مالية جيدة و مهمة عم تستفاد و تفيد بهي الفترة .
عاطفيــا”… علاقتك مع الشريك جيدة و عم تلعب دور رئيسي بتحسين علاقتك مع الشريك .
طاقـــة بـرج الـميزان { 82}

توقعات برج العقرب اليوم الاحد 26 ابريل 2020 ثابت الحسن

بـــــــــــ العقرب ـــــــــــرج
عندك القدرة و الامكانية لتجاوز بعض المطبات يلي عم تواجهك ، ممكن تضطر للمواجهة و التصادم مع أشخاص حتى تثبت حق إلك أو تدفع ظلم وقعت فيه ، الضغوط بتعمل عندك ردات فعل عنيفة ممكن تخرق فيها خطوط كنت راسمها و ما كنت مفكر انك تتجاوزها ، عندك ضغوط مالية أيضا .
عاطفيــا”… انت بامس الحاجة للشريك حتى يوقف جنبك و يساندك .
طاقـــة بـرج الـعقرب { 74 }

توقعات برج القوس اليوم الاحد 26 ابريل 2020 ثابت الحسن

بــــــــــ القوس ـــــــــــرج
عندك كتير اعمال و أشغال لازم تقوم فيها عم تشعر بضيق الوقت و يدوب عم تلحق ، عم تهتم بعملك اكتر من اي وقت مضى و عم تمضي ساعات كتيرة بعملك حتى تنجز ما عليك من التزامات ، لازم تكون مرن بتعاملك مع المتغيرات يلي حولك ، مكاسب مالية موعود فيها بتوصلك قريبا ان شاء الله .
عاطفيــا”… علاقتك مع الشريك جيدة جدا و بكون الشريك مصدر سعادة و فرح إلك .
طاقـــة بـرج الـقوس { 79 }

توقعات برج الجدي اليوم الاحد 26 ابريل 2020 ثابت الحسن

بـــــــــــ الجدي ـــــــــــرج
اليوم عم تهتم بحالك و بشخصيتك و بأناقتك عم تعمل تغيير بروتين حياتك و عم تخطط حتى تعيش ايام فيها سعادة و فرح بعيدا عن النكد و المشاكل ، عندك مشكلة التعبير عن رغباتك و حاجاتك و هاد الشيء عم تحاول تغيره حتى تحصل على الشي يلي بدك ياه ، عندك فرصة لمساعدة مالية قريبة .
عاطفيــا”… علاقتك مع الشريك ممكن تكون غير مستقرة عندك عتب كبير و انتقاد لتصرفات الشريك .
طاقـــة بـرج الجدي {80 }


توقعات برج الدلو اليوم الاحد 26 ابريل 2020 ثابت الحسن

بـــــــــــ الدلو ـــــــــــرج
عم تكون طاقتك ايجابية و ابتسامتك ملفتة عم تتعامل مع من حولك بكم كبير من الود و المحبة و هاد الشي بيرجع عليك بهالة إيجابية كبيرة من المحبة و الفرح ، عم تهتم بشغلك بشكل مركز و تحقق مكاسب مالية جيدة بتوفي ما عليك من التزامات .
عاطفيــا”… علاقتك مع الشريك جيدة فيها تفاهم و محبة عم تبادر تجاهه و تهتم بمشاعره .
طاقـــة بـرج الـدلو { 81 }

توقعات برج الحوت اليوم الاحد 26 ابريل 2020 ثابت الحسن

بـــــــــــ الحوت ـــــــــــرج
حابب تطلع من جو الضغط و العمل المكثف و بدك تلتقي اصدقاء و محبين ، ممكن تتلقى عزيمة من احد المقربين و بتسارع لتلبيتها عم تهتم بامور الها علاقة بالتكنولوجيا و الاتصالات و عم تعزز ثقافتك بهاد المجال ، امور مالية و عقود عم تندرس لكن بتتأجل لوقت تاني
عاطفيــا”… انت بحاجة لاهتمام الشريك و انه يوقف لجانبك و هاد الشيء بعزز محبتك له .
طاقـــة بـرج الـحوت { 73 }