ابراج اليوم السبت 25 ابريل 2020 منيب الشيخ
كل ما نقدمه للتسلية والترفيه، فلا يعلم الغيب الا الله وتبقى مجرد توقعات والله أعلم
القمر بكرا بينتقل لبرج الجوزاء ♊
توقعات برج الحمل اليوم السبت 25 ابريل 2020 منيب الشيخ
الحمل ♈
عندك اتصالات حلوة ولازم ترتب امورك ..
بتقدر هاليوم تعمل اتصالات كتير وتكون على صلة باكتر من شخص وخاصة عبر السوشل ميديا وبتفرح بقصة مع أخ الك وحتى يمكن تشوف ناس كتير اذا طلعت من البيت وفي مال ناطرك ..
عاطفيا .. عندك اتصال مع الشريك ويوم كتير جيد عاطفيا لان بتكون قريب من الشخص يلي بتحبو ..
توقعات برج الثور اليوم السبت 25 ابريل 2020 منيب الشيخ
الثور ♉
عندك بدايات مهمة ومال وشغل جديد ..
فيك هاليوم تبلش تفكر بمشروع جديد وخاصة انو الحظ بلش يتحرك معك ويوم في مال رح يجيك من شغل وقصة عم تكون داعمة الك فأهم شي تفكر صح وتختار بداية مهنية تدعمك لبعدين ..
عاطفيا .. عم يكون عندك اجواء بتخليك مستقر نوعا ما ويمكن كمان هاليوم تجيك هدية اذا الشريك بحبك ..
توقعات برج الجوزاء اليوم السبت 25 ابريل 2020 منيب الشيخ
الجوزاء ♊
يوم لحل الأمور وانفراج نسبي ..
عم تقدر بهيك يوم تحل كتير من القصص وخاصة انو الزهرة كمان ببرجك فعندك طاقة لتغير حالتك وتبني علاقات جديدة وتكون بوضع منيح وفي تطورات ايجابية عندك كمان فحل الأمور والمشاكل ..
عاطفيا .. فيك تستغل هاليوم لتجذب الشريك لان جاذبيتك مرتفعة بتكون ..
توقعات برج السرطان اليوم السبت 25 ابريل 2020 منيب الشيخ
السرطان ♋
عم تحس بانو في اشخاص بوجهين معك..
يبدو هاليوم ماعم تسلم من بعض الأشخاص يلي معك وخاصة انو في منن عم يكونوا بوجهين وماعم يقدرو الشي يلي عملتو مشانن فحاول تهدي وتنتبه وماتعطي الامور اكبر من حجمها وانتبه لاهلك ..
عاطفيا .. بعض الأمور العاطفية عندك عم تمشي باتجاه مسكر فحاول تلاقي الطريق الصح لعلاقتك ..
توقعات برج الاسد اليوم السبت 25 ابريل 2020 منيب الشيخ
الأسد ♌
عم تتحسن علاقاتك وفي اصدقاء بتدعمك ..
يبدو انك هاليوم عم تعزم ناس لعندك وعم يكون عندك لمة مع ناس بتحبن وغالبا عم تتعرف على اصدقاء جدد وناس مهمة وبكون في تواصل ايجابي مشان شغل وشعبيتك بأعلى درجاتها ..
عاطفيا .. الامور العاطفية عندك عم تتحسن وعم يكون عندك معجبين كتار هاليوم ..
توقعات برج العذراء اليوم السبت 25 ابريل 2020 منيب الشيخ
العذراء ♍
فيك تعمل شي مهم والأضواء عليك ..
عم تبلش علاقاتك تكون افضل واهم وعلى نطاق اوسع وعندك حضور قوي وقدرة على السيطرة وعم تكون مميز بكل شي ويوم في تطورات مهمة بتدعمك وخاصة انو في حظ وشهرة واضواء بيومك ..
عاطفيا .. حدا مشهور عم يتواصل معك ويمكن يعجب فيك ويوم في تطورات بدها تصرف ذكي منك ..
توقعات برج الميزان اليوم السبت 25 ابريل 2020 منيب الشيخ
الميزان ♎
عم تتحسن امورك ويمكن ناطر مال من برا ..
عندك هاليوم تحسن كبير بالامور يلي فيها تواصل مع الناس وحتى بمعارف جديدة ويمكن تشتغل بقصص استيراد وتصدير وتجيك حوالة من برا وتقدر هاليوم تتحرر وتلاقي حالك مرتاح أكتر ..
عاطفيا .. عندك اجواء ايجابية وخاصة انك عم تعرف ناس جديدة بحياتك العاطفية ..
توقعات برج العقرب اليوم السبت 25 ابريل 2020 منيب الشيخ
العقرب ♏
عندك ضغط لكن هاليوم اريح وفي حلول..
بتبلش اوضاعك تتحسن شوي شوي وبكون في عندك حلول ترضيك وممكن تشغلك بعض الأمور العائلية والمالية المشتركة وفي شراكة شغل عم تفكر فيها وبمكن تدفع او تقبض مصاري ..
عاطفيا .. فيك تطلع من حدة التوتر بالعلاقة مع الشريك بهاليوم فاستغل هالشي لتتقرب من الشريك ..
توقعات برج القوس اليوم السبت 25 ابريل 2020 منيب الشيخ
القوس ♐
توتر وضغط نفسي حاول ترتاح وترتب امورك ..
بتحس انو كتير مسؤوليات فوق راسك وحتى بشغلك او بالبيت عم تحس بأنو الالتزامات عم تخليك تتوتر وخاصة انو مافي مين يقدر ولازم ترتاح شوي وتفكر بهدوء وترتب امورك وفي شراكة شغل كمان ..
عاطفيا .. عم تحس انو ماحدا عم يعرف كيف يتعامل معك ويمكن تفكر بارتباط هالفترة ..
توقعات برج الجدي اليوم السبت 25 ابريل 2020 منيب الشيخ
الجدي ♑
وضعك منيح وفي فكرة شغل وبداية نظام صحي ..
بشوف يومك جيد رغم القصص الكتير يلي فيه وخاصة انط عم تبلش يمكن شغل جديد بس عم تلاقي متعة فيه وكمان عم تبلش نظام صحي باكل ورياضة وفي اجواء ايجابية اذا عرفت كيف تراعي صحتك ..
عاطفيا .. ماعم تكون بأفضل حال عاطفيا لكن بالشغل ممكن تلاقي الحب يلي عم تدور عليه ..
توقعات برج الدلو اليوم السبت 25 ابريل 2020 منيب الشيخ
الدلو ♒
بتتحسن اوضاعك بالبيت والعاطفة والمال ..
يعتبر من الايام الكتير افضل على صعيد قصص بتخص البيت والعيلة وكمان الاطفال وتحسن كبير واوقات حلوة بتعيشها ويمكن تحصل على مال بدون ماتكوت عم تفكر بهالشي فاستغل يومك بكل شي حلو ..
عاطفيا .. اوضاعك عم تتحسن بشكل كبير ورح تستغرب لما بيحكيك حب من الماضي بس رح تنبسط فيه ..
توقعات برج الحوت اليوم السبت 25 ابريل 2020 منيب الشيخ
الحوت ♓
عندك يوم في حلول بالبيت وقصص عقارية ..
عم تشغلك قصص بالبيت وهاليوم يعتبر جيد لتحل المشاكل مع عيلتك وكون رايق قد مافيك وفكر كيف تحافظ على الاستقرار قدر الامكان ولازم تهتم بأهلك اكتر وفي قصص عقارية بتشغل البعض ..
عاطفيا .. ماعم تكون كتير مستقر عاطفيا ولازم تنتبه باي علاقة جديدة اذا ماكنت مقتنع فيها
رد مع اقتباس
