شكراً لارا
اصدقائي هسه راح نغلق الموضوع
ضيفي القادم
رامي الاصيل
اذا عدكم اي سؤال انتظركم بالخاص
كل الحب الكم
شكراً لارا
اصدقائي هسه راح نغلق الموضوع
ضيفي القادم
رامي الاصيل
اذا عدكم اي سؤال انتظركم بالخاص
كل الحب الكم
تقبل الله صيامكم
نعود مرة اخرى مع ضيفي الاستاذ العزيز و الصديق الرائع
رامي الاصيل
رامي شونك ويا اجواء رمضان هل سنة بوجود وباء الكورونا ، شون جاي تقضي وقتك ؟
من اي عمر بلشت الصيام و شكم مرة زاغلت و ادعيت الصيام وانت فاطر ؟ ^_*
سولفلي ع اجواء رمضان بالثمانينات اثناء الحرب الايرانية و التسعينات اثناء الحصار الاقتصادي
ياهلا قلب .. اولآ شكراً للضيافة ، واتمنى تكون دردشه اكثر مما هي جلدالمشاركة الأصلية كتبت بواسطة انسان ثاني
و تحقيق و اعترافات وانت ما شاء الله كدها وكدودها
الحمد الله على كل حال أجواء روحانية عالية سواء بكورونا او
من غيرها بس الشي المختلف شوية شحة زيارة الأقارب الليلية مو مثل كل رمضان سابق
_ قضاء الوقت إجباري بالنهار في الدوام الجزئي و الظهيرة نوم
و العصر بالسوق والليل شوية دراسة وشوية درر .. و بس
والله اتذكر بعمر ١٥ عام بلشت بالصوم الحقيقي و الحمد الله مواضب بقوة
المشكلة ما أكدر ازاغل بالبيت لأن كل شي مكشوف للحجية والحجي
بس تكدر تكول مرات افشل أكمل يوم الصيام خاصة بأيام الصيف
بس الحمد الله اتغلبت على الفشل بعد اصرار و تأنيب الضمير
بالثمانينات ما ملحك على أجواء رمضان بس اتذكر اكو صواني فطور
للجيران ومن الجيران تخرج وتدخل من و إلى البيت و بكثرة
أما بالتسعينات و رغم شحة الموارد المالية للعوائل العراقية بسبب الحصار
و المجاعة المنتشرة في البلد اتحس بأجواء اكثر أيمانية لأصرار الناس
على الصيام رغم ظروف المعيشة.. حتى الزكاة من تعطيها بروح مطمئنة
ذهبت لمستحقيها بدون شك.. يمكن لأن حالتنه المادية يسيرة انذاك فما
أكدر أوصف شعور الناس العامة مع رمضان.. بالمناسبة أغلب أشهر رمضان
إبان التسعينات قضيتها بمناطق نائية نسبة للمطاردات البوليسية الأمنية انذاك
ها يعني طلعت رأس مالي في دولة اشتراكية لعد حقهم يلاحقوك لانك ماكل قوت الفقراء ههههه
زين نجي ع اسئلة الاخرى
انت اسم مخضرم بعالم المنتديات العراقية و تمتد صداقتنه لـ اكثر من ١٢ سنة ، شنو الي خلاك تدخل هذا العالم و شنو الي خلاك تستمر بيه خاصةً بعد ظهور برامج التواصل الاجتماعي ؟
اكيد صارتلك هواي علاقات صداقة بداخل المنتديات ، اكو منهم من تطور العلاقة بينكم و انتقلت لأرض الواقع ؟
سؤال من المتابعين / شگد عمرك و شنو تحصيلك الدراسي و شنو مهنتك ؟
لا رأس مالي ولا اشتراكية ولا بطيخ.. خلف الله على الحجي و أموال الحجي( ههههه)
اعتبر صداقتك و قلة من الاخوة الحاضرين الغائبين هي ثمرة كل
فترة تعلقي و دخولي المنتديات لسبب صداقتكم تندرج ضمن ( لم تلده امك)
دخولي الأول للمنتديات بداعي التسلية ثم تدرجت لغاية التعارف
ثم المعرفة ثم الخوض السياسي.. و اتذكر و انت يمكن تتذكر وياي
تدخل المخابرات السعودية لحجب منتدى شط العرب عن شعبها بسبب
ما كنا نكتب من مواضيع سياسية جدية ناقدة و اخرى ساخرة لدور العرب
أبان أحداث المشاكل الطائفية السائدة والدخيلة على بلدنا..
أيقنت ان صوت المنتديات انذاك له صدى مدوي و مؤثر لكشف الحقائق
للمواطن العربي عن ما يحصل في العراق من مؤامرات عربية بحته لتدميره..
واتصور نجحنا ولو بنسبة قليله.. و حالياً الحمد الله بس نتلصص بعيونا لزخم الوافدين الجدد و أفكارهم و كتاباتهم
و النقد الزاخر للجيل الجديد.. حياهم الله
بالنسبة لوسائل التواصل المطروحة الان اعتبرها سوق مفتوح للأعلان
عن خواص الإنسان و سعره و تحجيمه لنفسه للعامة .. بالصور الشخصية
بتفاصيل حياته بأزدواج الشخصية بالرياء بالنفاق بالميول الطائفية
العلنية بالأفكار المتدنية بالطروحات المتشددة وو الخ..
المنتدى مجتمع كامل و هادئ تسوده قوانين واضحة
و الوسائل الأخرى مجتمع ناقص تسوده الأنا و الأنانية و النفاق المجتمعي
اغلب صداقاتي مع أناس طيبين منهم من كنا نتواصل بالاتصالات و يمكن لأن جميعهم بعيدين عن محافظتي فما حالفنا الحظ للتواصل الواقعي.. وانت خير مثال..عندي أصدقاء عرب من سوريا والسعوديه
وتواصلي معهم قوي جدا و الحمد الله.. أتصور اخت وصديقه عزيزة
عرفت انه اني ادور على مجموعة كتب أدبية ماموجود بالعراق فسافرت
من وطنها السعودية إلى دولة البحرين أشترت الكتب ودزتهم ألي للعراق..!
أكو امتن وأطهر واجمل من هيك صداقات؟
يا هلا بالغوالي المتابعين.. عمري دخلت الأربعين عام من أوسع لياليه..
تحصيلي من العشرة الأوائل بكالوريوس قانون و حاليا جاري التحضير
للتقديم لجامعة يوفاسكولا في فنلندا للألتحاق بأخي الأصغر الطامع على
حصوله الماجستير .. مهنتي محقق جنائي بدائرة حكومية أمنية و جاري التقديم
على الاستقالة بسبب رفض منح أجازة دراسيه
شكراً للفرص التي وهبتني اخ مثلك يا اصيل
اعتقد الصوت العالي للمنتديات حينها كان بسبب قلة برامج التواصل بين الشعوب و لكن الان بقت منحصرة على فئة قليلة من الناشطين و بالتالي انخفض مستوى فاعليتها بشكل كبير
اتمنالك كل التوفيق في مسيرتك الاكاديمية
شوف حتى لا تكَول رامي مو زين ويايه هل مرة ما راح اسأل
هاي الاسئلة من المتابعين
اجاني سؤال حلو كلش هههههه / بعتبارك قديم بعالم المنتديات ، هم حبيت من خلال النت ؟ او انعجبت بـ زميلة الك بالمنتديات ؟
سؤال آخر
شنو سر عشقك للورد ماتدخل للمنتدى اذا ماتخلي ورده ؟و ليش ماتقبل تگول مكان عملك؟وليش تضوج من اليخالفك بالرأي والمذهب.. ؟؟
هاا اشتغلت المسامير و المطارق..! طالبتك بالشفافيه من البداية بالاسئلة
كما طالب بها عواد البندر من القاضي رؤوف الكردي إبان المحاكمة بقضية الدجيل
يعني نحجي بصراحة شاب بعمر الورد و روحه شفافه و مشاعره مثل وجه الماي
و يدخل منتدى يعج بالجميلات و بأسماء ما أنزل الفجر من حلاوة شنو راح
يكون موقفه... متفرج أخرس أصم.! اكيد أعجب وانعجببس الحمد
الله كان أعجاب بمعية الله و انتهى موسم الورد وانتهت الخزعبلات.. هاي قبل عشر سنين
حبي للورد ابدأ مو صدفه.. عندي اخت تزرع الورد بأستمرار و تراعي وتداري
و مولعه اكثر من المعقول بشتلاتها و البيت مليان عطور و ألوان واصناف..
و بيوم من الايام.. ضليت اني ألي إداري واعتني بالورود لدرجة تعلقي
بهن ليش.؟ لأن اختي الشابه الحنونه الطيبه وافتها المنية فجأة
الحمد الله على كل حال
مكان عملي حساس جدا ويمكن ممنوع قانونيا الاشهار بمكانه لدواعي
اعتبرها غير منطقية
منو يكول اني أضوج من ألي يخالفني بالرأي؟ بالعكس اتودد لأختلاف الرأي
اما بالنسبة لتفنيد الأختلاف الطائفي هو صداقتي العميقة والاغلبية
من طائفتي الأخرى.. احبهم و يشهد الله
يا رامي.. صعب اكتب بالموبايل بسرعه.. اطالب بالشفافيه مرة أخرى
رحمها الله و اعانك على فقدانها اخي الحبيب
ههههه اعتراف حلو حتى لا يكولون رامي ما عنده قلب *_^
سؤال من اخوك
بيوم من الايام جنت اقرا كتاب معالم في الطريق لـ سيد قطب مُنظر جماعة الاخوان المُسلمين ، لاحظت شيء شد انتباهي وهي المنهجية العلمية في ادارة سياسة الدولة الاسلامية وشفت شيء غريب وهو تشابه الافكار بين الاخوان المسلمين و حزب الدعوة الاسلامي ، الى ان قريت كتاب لنشوء حزب الدعوة والكاتب من القيادات الحزبية يعترف ضمنيناً من خلاله انهم اقتبسوا كثيراً من الافكار العامة لسيد قطب ، السؤال هنا اذا السنة و الشيعة فشلوا في الحكم الاسلامي بعتبار التجربتين بالعراق و مصر فشلت ، تشوف ان الخلل في الاسلام ام برجالهُ؟ و هل هناك تشابه فعلاً بين افكار الجماعتين ام هو فقط استنتاج خاطئ مني ؟
هامش للاصدقاء الي ما يعرفون منو سيد قطب / هو شخصية مصرية كان منظراً لجماعة الاخوان المسلمين و يعتبره الاخوان الاب الروحي و اعدم سنة 1966 , كـ الذي يعتقدوه حزب الدعوة بـ السيد محمد باقر الصدر (الشهيد الاول)
هههه الاجر ع قدر المشقة يا رامي , مستحيل اكَلك الاسماء الا اذا تقنعني بشكم تقييم ههههيا رامي.. صعب اكتب بالموبايل بسرعه.. اطالب بالشفافيه مرة أخرى
