أخبار غير صحيحة للطلاب المراحل الدراسية كافة
-تأجيل السنه .
-إلغاء التمهيدي .
-كلنا شفنه لقاء الوزيرة و سمعناها اني ما انكر هالشي و گالت يمكن نأجل التمهيدي أو نلغي التمهيدي هاي السنه .. بس يا اخي سبحانه الي ما يخطأ ! الكمال بس لـ الله سبحانة و تعالى و يمكن الوزيرة گالتها بدون قصد او المذيع لح عليها زايد ورادته يفك عنها! ، رجعت وزيرتنه حشاكم الفاهية كتبت توضيح بمنشور بطولي مرتين و نشرته على صفحتها الرسمية و گالت #إلغاء_الأمتحان_التمهيدي_لل خارجيين_غير_ممكن . يعني شنو؟ يعني لا يتأجل امتحانكم عالسنه القادمة و لا يلغون الامتحانات التمهيدية صار واضح؟ تاخذون على زلات اللسان لو على التوضيح المكتوب ؟ باليعجبكم
-دخول شامل.
-موعد للامتحانات .
-الدخول شامل اني قبل كم يوم نشرت عنه منشور بطولي ، و حجيت بيه بكل صراحه و گلت الدخول الشامل للتمهيدي شبه مستحيل و انتم دتشوفون بعيونكم شگد الوضع صعب ؟ بعد اكو اصعب من هيج؟ و لازالوا رافضين الدخول الشامل ، بس رغم كل هذا ما نگطع الامل و نگول عسى و لعل بلكي ربي يهديهم و يوافقون على الدخول الشامل . اما عن تحديد موعد الامتحانات ، الامتحان الوزاري لحد اليوم ما محدديله تاريخ شلون يحددون موعد للتمهيدي ؟ مختصر الكلام (تنتهي الازمة يلا يحددون مواعيد الامتحانات) .
-تقليص المواد.
-خبر براسه حظ يفيد طلاب الخارجي.
-تقليص المواد وضحتها سابقا بس بعدكم تكررون الاستفسار راح اعيدها عالسريع .. التقليص يشملكم بالوزاري فقط و ما يشملكم بالتمهيدي ، يعني تمتحنون الكتاب كله بالتمهيدي و اليتأهل للوزاري يشمله التقليص. اكو خبر طش هاليومين على اساس تصير امتحانات التمهيدي إلكترونية ! الشغله بيها جانبين اول جانب المفروض الطالب يدرس و يتهيئ لأي طارئ لان الوزارة ما تنطي خبر مسبق گبل تجي تكول باجر امتحان فـ اخذوا حذركم و درسوا ، الجانب الثاني اذا اكو هيج احتمال و صدگ اكو نيه عدهم يمتحنونكم الكتروني يا ترى شلون يمتحنونكم ! بلا الدرخيات تعال و اكتب بس الكيمياء الرياضيات و الفيزياء الرسومات .... كل هاي شلون ؟ و شلون يسيطرون على كل طلاب المحافظات و يتوفرلهم نت و اجهزه و يمتحنوهم؟ و همه من اسمهم خارجي بيهم نسبة كلش جبيرة اميين و ما عدهم اي خبره بسوالف التكنولوجيا شلون يمتحنوهم؟ بنظري الموضوع كلش معقد و ما ممكن يتطبق بس ما ننسى وزارتنه بكل مرة تسويلنه سبرايز و تجي بقرار مفاجئ ونرجع ونگول الله اعلم .
المصدر الموثوق
https://t.me/Ameera16_10_13
رد مع اقتباس
المشاركة الأصلية كتبت بواسطة سيدالكلمات1
