هنا

[فقار الكرخي]

مناطركم هلا بحلوگ اجاويد
لملكَاكم فتحت عيون وجفوف
عله درب الخدود تسيل الدموع
وشح خيط الفراكَ لعلتي يروف
جيتكم علي نسمة اعله مخنوكَ
عكس جية النار التعتني الصوف
بحضنمن نايمين عليكم ارتاب
بغير الغمد فشله تنام السيوف
مثل ما قحط بخوة يوسف الصار
قحط بعيوني مامش منكم طيوف
عين البير عنده وكلشي ماشاف
العقل ماعنده عين وضال يشوف
بعدكم مالي شوفه ومالي مكَعاد
هيبتها التراجي بنص الزلوف
مانايم وبات بريتي دخــــــــان
وحدر جدامي صار مشامر كَطوف
دوفت حنه بجفوف العراريس
هيج الوجع ضل باليخفكَ يدوف
طر كَلبي الصبر وتعده الحدود
مثل ماي النهر ويطره مشحوف
دلة وحدر نار متانة الاعزاز
مر ويحركَ ومن كلشي مكشوف
الرمش يعجبني صاحب جلمه وفاي
وعهد منطي الجفن للموت ميعوف









سالم هاشم

[انثى مخمليةة]