طبعا ذكرتيني بفد موقف لمن جنت اصغير والله لحد الان اذكرها هم طلعت وي الماما للسوگ طبعا هي من تشتري أشياء تخصني ماتاخذ رأي بيها لأن أشلع گلبها بصراحه واني بوكتها ما اعرف شأريد بالضبط المهم جريت عبايتها يم ابو الشفلات محل العاب وكذا فهي كلتلي ماما صير عاقل واختار بسرعه گول أخذت واحد أصفر وياه چان گلابي من نفس اللون ورحت اسحل بيهن بنص السوگ وما أقبل أمي تخليهم بالعلاگه لأن فرحان بيهم واذا بولد يدفع عربانه دعمني وطبعا مو صوجه اني مامنتبه عقلي كله بالگلابي والشفل گول مردهن وهنا أمي ماحست بالموضوع واني ماگدرت أگللها أخاف تضربني وأشوف عيني بقت معلكه بذاك الموقف وأبو العربانه هم غلس وفلت وسببلي مشكله شيخلصني من أمي تحس بيهن فكول لمن صعدنه بالسياره سألتني وين ألعابك مو گتلك خليهم بالعلاگه فأني بعدها مامكمله نزلت دموعي المهم هي انقهرت علي خطيه ووصلنه للبيت گلتلي هذا درس حتى تبطل عناد للأبد ...أيه جبناها عالسوگ وذكرتيني بالأعزاز الگلابي والشفل
المشاركة الأصلية كتبت بواسطة غرور
تره بالطلاق ارجع اختفي
